फिलिप्पियो 1:20 - Halbi

²⁰ मय तो ऐई हारदिक लालच आउर आशा संगायें से कि मय कोनी गोठ ने लाज नी होयें, मान्तर जसन मोचो परबल साआस चो कारन मसीह चो बड़ाई मोचो देंह चो बाटले सदा होते रली से, असने ची ऐबे बले होओ, भले मय जीव रयें नाहले मरून जायें।

परमेस्वर को सच्चो वचन ख जाननू

²⁰ मी ते उही लालसा अर आसा रखा हैं कि मी कोई भी बात म लज्जित नी होऊ, पर जसो मोरो सक्ति साहस को कारन मसी कि महिमा मोरी सरीर को दुवारा हमेसा होती रय्ह हैं, वसो ही अब भी हो, या मी जिन्दो रहू या मर जाऊ

फिलिप्पियो 1:20 Cross References

यूहन्ना 21:19

हुन ऐ गोठमन ले ईसारा दिलो कि पतरस कसन मरना ले माहापुरू चो महिमा करे दे। आउर तेबे हुन हुनचो ले बल्लो, “मोचो पाटे हो।”

प्रेरितो 20:24

मान्तर मय आपलो जीव के काई नी समजे कि हुनके लाड़ जाने, मान्तर ऐ कि मय आपलो परानी के आउर हुन सेवा के पुरा करें दें, जोन मय माहापुरू चो अनुग्रह चो नगतखबर थाने गोहई देतो काजे परबु ईशु ले पावले से।

प्रेरितो 21:13

मान्तर पौलुस जबाप दिलो, “तुमी काय करसास कि गागुन-गागुन भाती मोचो मन टुटायासास? मय तो परबु ईशु चो नाव चो काजे यरूशलेम ने ना मात्र बान्दा जातोर ची काजे मान्तर मरतो काजे बले तिआर आसे।”

प्रेरितो 4:31

जिदलदाय हुनमन पारथना करून चुकला, तेबे हुन जगा जोन थाने हुनमन रूंड़ा रवत हलुन गेली, आउर हुनमन सपाय पवितर आत्मा ले भरपूर होऊन गेला, आउर माहापुरू चो बचन हिम्मत ले सुनाते रला।

रोमियो 12:1

ऐईकाजे हे भाईमन, मय तुमचो ले माहापुरू चो दया सुरता कराऊन भाती बिनती करें से कि आपलो देंहमन के जीवता, आउर पवितर, आउर माहापुरू के भावतो बिती पुजा करून चेगाहा। ऐई ची तुमचो आत्मिक सेवा आय।

रोमियो 5:5

आउर आशा ले लाज नी होये, कसनबल्लोने पवितर आत्मा जोन आमके दिआय गेली से हुनचो कारन माहापुरू चो मया आमचो मन ने डालाय गेली से।

रोमियो 6:13

आउर ना आपलो अंगमन के अधरम चो हत्यार होतो काजे पाप के सोपा, मान्तर आपन खुद के मरलो बितामन थानले जीव उठलोर जानुन भाती माहापुरू के सोपा, आउर आपलो अंगमन के धरम चो हत्यार होतो काजे माहापुरू के सोपा।

रोमियो 6:19

मय तुमचो देंह चो कमजोरी चो कारन मानेमन चो रीति थाने बलें सें। जसन तुमी आपलो अंगमन के कुकरम चो काजे अशुद्धता आउर कुकरम चो दास करून सोपुन रलास, असने ची अदायं आपलो अंगमन के पवितरता चो काजे धरम चो दास करून सोपुन दिआस।

रोमियो 8:19

कसनबल्लोने ब्रमांड बड़े आशा भरलो नजर ले माहापुरू चो बेटामन चो उजागर होतोर बाट दके से।

रोमियो 9:33

जसन लिकलोर आसे, “दका, मय सिय्योन ने गोटक ठेच लगतो बिती पकना, आउर ठोकर खातो बिती पकना संगाय से, आउर जोन हुन थाने बिश्वास करेदे हुन लाज नी होयेदे।”

1 कुरिन्थियो 15:31

हे भाईमन, मोके हुन घमण्ड चो किरिया जोन आमचो मसीह ईशु ने मय तुमचो बारे ने करूं आंय कि मय रोजे दिना मरू आय।

1 कुरिन्थियो 6:20

कसनबल्लोने दाम देऊन घेनाय गेलासास, ऐईकाजे आपलो देंह चो बाटले माहापुरू चो महिमा करा।

1 कुरिन्थियो 7:34

बिहाता आउर कुंआरी ने बले भेद आसे: कुंआरी परबु चो चिन्ता ने रऊ आय कि हुन देंह आउर आत्मा दुनो ने पवितर होओ, मान्तर बिहाता संवसार चो चिन्ता ने रऊ आय कि आपलो मनुक के हरिक संगाओ।

2 कुरिन्थियो 10:8

कसनबल्लोने अगर मय हुन अधिकार चो बारे ने आउर बले घमण्ड दकायें दे, जोन परबु तुमके नशातो काजे नाई मान्तर बनातो काजे आमके दिलो से, तेबे लाज नी होयें।

2 कुरिन्थियो 3:12

ऐईकाजे असन आशा संगाऊन भाती आमी हिम्मत चो संगे बोलु आंव,

2 कुरिन्थियो 4:10

आमी ईशु चो मरना के आपलो देंह ने हर समया धरून फिरू आंव कि ईशु चो जीवना बले आमचो देंह ने परकट होओ।

2 कुरिन्थियो 5:15

आउर हुन ऐईकाजे सपाय चो काजे मरलो कि जोन जीव आसोत, हुनमन पयले ले आपलो काजे नी जीओत मान्तर हुनचो काजे जोन हुनमन काजे मरलो आउर फेर जीव उठलो।

2 कुरिन्थियो 7:14

कसनबल्लोने अगर मय हुनचो पुरे तुमचो बारे ने काई घमण्ड दकाले, तेबे लाज नी होले, मान्तर जसन आमी तुमचो ले सपाय गोठमन सत-सत बोलुन देऊ रलु, असने ची आमचो घमण्ड दकातोर तीतुस चो पुरे बले सत निकरली।

2 कुरिन्थियो 7:4

मय तुमके खुबे हिम्मत चो संगे बलेंसें, मोके तुमचो उपरे बड़े घमण्ड आसे; मय शान्ति ले भरून गेले से। आपलो पूईतराय कलेश ने मय हरिक ले खुबे भरपूर रऊं आय।

फिलिप्पियो 1:14

आउर परबु ने जोन भाई आत, हुनमन थानले खुबे मोचो कयद होतोर कारन, हिम्मत बान्दुन भाती माहापुरू चो बचन बेधड़क सुनातोर आउर बले साआस करू आत।

फिलिप्पियो 2:17

अगर मोके तुमचो बिश्वास रूपी बलिदान आउर सेवा चो संगे आपलो लऊ बले बोहड़ाऊक पड़ो, तेबे बले मय हरिक आसे आउर तुमी सपाय चो संगे हरिक करूं आंय।

कुलुस्सियो 1:24

अदायं मय हुन दुखमन चो लागुन हरिक करें से, जोन तुमचो काजे उठाऊँ आंय आउर मसीह चो कलेशमन चो ऊना हुनचो देंह चो काजे, बल्ले कलीसिया चो काजे, आपलो देंह ने पुरा करू आंय;

1 थिस्सलुनीकियो 5:23

शान्ति चो माहापुरू खुदे ची तुमके पुरा रीति ले पवितर करो; आउर तुमचो आत्मा आउर जीव आउर देंह आमचो परबु ईशु मसीह चो ऐतो दाय ले पुरा आउर बेकसूर सुरक्षित रओत।

1 पतरस 4:16

मान्तर अगर मसीह होलोर लागुन दुख पाओ, तेबे लाज नी हुआ, मान्तर ऐ गोठ चो काजे माहापुरू चो महिमा करा।

1यूहन्ना 2:28

आउर हे लेकामन, हुनचो थाने बनुन राहा कि जिदलदाय हुन परकट होओ तो आमके साआस होओ, आउर आमी हुनचो ईलो ने हुनचो पुरे लाज नी होऊ।