San Lucas 8:2 - Tüpä Ñe'ëngagwer

² kuña avei yuvɨraso supi a'e ombogwera va'ekwer karugwar naporäi va'e rerekosa sui imba'e rasɨsa sui aveino. A'e ipa'üve sekoi María serer va'e Magdalena, ichui osë va'ekwer ñuvɨrïo ova tuprɨ karugwar;

Tũpa Ñehengagüer

² Cuña avei yuvɨraso supi, ahe ombogüera vahecuer caruguar rerecosa sui imbaherasɨsa sui avei no. Ahe ipãhuve avei María secoi, Magdalena serer yoapɨsa vahe, ahe ichui osẽ vahecuer siete tuprɨ caruguar;

San Lucas 8:2 Cross References

San Mateo 4:24

Jesús reräkwä yandusa opakatu ɨvɨ Siria rupi, a'ese gweru opakatu ava vɨreko va'e mba'erasɨsa tasɨ va'e yuvɨreko chupe, iyavei karugwar vɨreko va'e, nañakä poräi va'e ndogwatai va'e avei. A'e opa tuprɨ Jesús ombogwera.

San Marcos 16:1

Mbɨtu'usa arɨ pare, María Magdalena, María Santiago sɨ, Salomé vɨrokwa mba'e sɨäkwä va'e Jesús re'ögwer rese narä yuvɨreko.

San Marcos 16:9

Jesús okwerayevɨre añi'ïvëive domingo pɨpe, oyemboyekwa yɨpɨndar María Magdalena upe, a'e ichui akoi ñuvɨrïo ova tuprɨ karugwar opa va'e omboyepepɨ.

San Lucas 23:27

Ava re'ɨi kuña re'ɨi avei oyase'o ovɨ'are'ɨ̇save säse tëi yuvɨreko sese, yuvɨraso ñoite rumo sakɨkwei.

San Lucas 23:49

Opakatu oikwa va'e Jesús yuvɨreko amombrɨ rupive tëi yuvɨno'äi ichui; kuña yugweru va'e Galilea sui osepiaño tëi avei yuvɨreko.

San Lucas 23:55

Kuña yugweru va'e Jesús rupi Galilea sui, yuvɨrasoño ite suvɨpave, osepia se'ögwer apokatuse yuvɨreko.

San Lucas 8:30

Jesús oporandu chupe: ¿Marä vo nderer? A'e omboyevɨ chupe: –Che rer Legión. Aipo e'i esepia ni'ä, seta iteanga yuvɨroike karugwar a'e mbɨa avɨterve,

San Juan 19:25

Jesús atɨkasave sekoi ichɨ, iyavei ichɨ kupɨ'ɨrɨ, María, Cleofás rembireko, María Magdalena avei.

Los Hechos 1:14

Ko opakatu arɨ yakatu rupi oñemonu'ä oyoya gwasu oyerure agwä yuvɨreko yepi Jesús rɨvrɨ eta, ichɨ María, ambuae kuña reseve avei.