San Lucas 7:7 - Tüpä Ñe'ëngagwer

⁷ sese ni'ä che teiete ndaikatui aso va'erä nde reka. Emondo mborokwaita, a'ese che rembigwai okwerara.

Tũpa Ñehengagüer

⁷ Sese niha che teieté ndasoi nde reca. Nde ñehe pɨpe tẽi rumo che remimboacua erembogüerara.

San Lucas 7:7 Cross References

San Marcos 1:27

Opakatu ava oyembosɨkɨye, ichui oporandu-randu oyeupe yuvɨreko: –¿Mba'e pi'ä ko? ¡Esepia ko mbɨa porombo'esa ipɨasu va'e ite vɨreko avei omborerekwasa! ¡Karugwar avei ete omboyeroya oyeupe iñe'ëse yuvɨreko!

San Lucas 4:36

Opakatu ava oyembosɨkɨye, iyavei oporandu-randu tëi mba'e rese oyeupe yuvɨreko: –¿Marä e'i vo aipo ko oñe'ë oiko? Opakatu opirätäsa pɨpe ko mbɨa oyokwai karugwar ava sui imose agwä, ¡ipare yuvɨnosepa yuvɨraso!

San Lucas 5:13

Jesús opoko opo pɨpe sese, aipo e'i chupe: –Aipota. ¡Erekwera kurïtëi! Aipo i'e ramoseve opa okwa mba'erasɨ vai imba'easɨ va'e sui,

San Lucas 7:6

Jesús oso a'e yuvɨrekoi va'e rupi, vɨrovɨse rumo sëtä yuvɨraso, sundao rerekwar oyokwai omborɨpar imondo aipo e'i: “Che Yar, ereyemoɨröi rene, esepia ni'ä ndiyai ete nde reike agwä che rëtäve;

San Lucas 7:8

Esepia che avei ni'ä aiko mborokwaita ɨvate katu va'e povrɨve, iyavei areko sundao che povrɨve. Aipo a'ese ñepëi ipa'ü pendar upe eso, a'e oso voi ete; ambuae upe aipo a'ese erio, a'e ou voi ete iyavei ayokwaise che rembigwai oyapo va'erä mba'e, a'e oyapo ite.”