San Lucas 2:9 - Tüpä Ñe'ëngagwer

⁹ Avɨyeteramo tëi oyemboyekwa ñepëi mbigwai ɨva pendar Yar suindar, Tüpä porañetesa avei sendɨ yɨvɨi chupe yuvɨreko; ichui a'e sepiase oyembosɨkɨye iteanga tëi yuvɨreko.

Tũpa Ñehengagüer

⁹ Avɨyeteramo tẽi oyemboyecua Tũpa rembiguai ɨva pendar chupe. Tũpa porañetesa avei sendɨ yɨvɨi chupe yuvɨreco. Ahe sepiase, oyembosɨquɨyé iteanga tẽi yuvɨreco ichui.

San Lucas 2:9 Cross References

San Mateo 1:20

A'e ipɨ'a ñemoñeta opoi va'erä ichui, avɨyeteramo tëi rumo ñepëi yande Yar rembigwai ɨva pendar oyemboyekwa ikerve aipo e'i chupe: “José, David suindar, eresɨkɨyei rene María rese nde menda agwä, esepia Espíritu Maräne'ɨ̇ sui ou imembɨrä.

San Lucas 1:28

Mbigwai ɨva pendar oike ko kuña rëtäve, aipo e'i chupe: –¡Tüpä nderovasa ndereko katuprɨsa pɨpe kurïtëi! Esepia yande Yar Tüpä sekoi ete nderese.

San Lucas 2:8

Belén rerovɨkave oime ovesa rärösar, osärö va'e gweimba ovesa pɨ̇tü pɨpe yuvɨreko.

San Lucas 24:4

Ndoikatui ete marä e'ira sepiase, avɨyeteramo tëi osepia ñuvɨrïo mbɨa, iturukwar sendɨyai va'e oɨpɨve yuvɨreko.

San Juan 12:41

Isaías omombe'u mba'e ko nungar esepia ni'ä osepia ite Jesús reko porañetesa, oñe'ë avei sese.

Los Hechos 12:7

Avɨyeteramo tëi mbigwai Yar suindar oyemboyekwa ike vɨteseve chupe, a'ese sendɨ gwasu iteanga sokendasa pɨpe. A'ese mbigwai ɨva pendar oñatoi yɨkeve imoma'e aipo e'i chupe: “¡Epü'a poyava!” Ipü'ase, opa voi oyera karena Pedro po sui,

Los Hechos 27:23

Ayi'i pɨsa oyemopore'ɨ̇ cheu ñepëi mbigwai ɨva pendar, Tüpä remimbou supi che aiko chupe avei aporavɨkɨ,

Los Hechos 5:19

Ipare ñepëi mbigwai Yar suindar pɨ̇tü pɨpe omboipa poroekendasa rokenda opa vɨnose ichui, aipo e'i chupe:

2 Corintios 3:18

Sese opakatu yande nda'ei Moisés oyeovapɨ va'e nungar yaiko Tüpä porañetesa sendɨyai va'e repia e'ɨ̇ agwä, yande rumo inungar yepiasa yamboyekwa ite yande Yar porañetesa sendɨyai va'e ava upe yaiko, yaiko katuño ite yande Yar Cristo nungar arɨ yakatu rupi yepi, esepia egwë ya'ese yareko katu-katu iri seko porañetesa yandeyese, yande Yar rumo akoi Espíritu sekoi va'e egwë e'i yandeu.

2 Corintios 4:6

Esepia Tüpä teite ombou tesapesa pɨ̇tümimbi va'e resape agwä, a'e avei osesape uka yande pɨ'a pɨpe, ichui yaikatura ambuae ava resape, iyavei yamboyekwara Tüpä porañetesa osesape va'erä Jesucristo rekokwer rese yaiko.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

Hebreos 12:21

A'e mba'e oyekwa va'e aipo oporombosɨkɨye va'e evokoiyase Moisés teiete aipo e'i: “Che sɨkɨyepave arɨrɨi ete.”

Apocalipsis 18:1

Ipare asepia ambuae mbigwai ɨva pendar ogweyɨse ɨva sui ou; a'e vɨreko omborerekwasa ɨvate katu va'e, sendɨgwer evokoiyase osesapepa tuprɨ ɨvɨ rupi.

Apocalipsis 20:11

Evokoiyase asepia tenda imboeteiprɨ, morochi va'e, i'arɨve oime ava ogwapɨ va'e öi. Sovai ɨvɨ iyavei ɨva opa tuprɨ okañɨ, ndoyekwa iri ete kokotɨ rupi yuvɨreko.