San Lucas 12:3 - Tüpä Ñe'ëngagwer

³ Supiete, opakatu mba'e pemombe'u va'e pɨ̇tümimbisave, sendusara arɨ pɨpe; iyavei akoi mba'e pemombe'u va'e peyeupeñomi tosendu eme ambuae ava pe esa pɨpe, a'e rumo serosapukaisara oɨ arɨve koiye.”

Tũpa Ñehengagüer

³ Supi eté opacatu mbahe pemombehu vahe pɨ̃tumimbisave, ahe sendusa tuprɨra arɨ pɨpe coiye; iyavei acoi mbahe pemombehu vahe peyeupeñomi ‘tosendu eme ambuae ava’ pe hesa pɨpe, serosapucaisara oɨ harɨve opacatú ava rovaque” ehi.

San Lucas 12:3 Cross References

San Mateo 10:27

Akoi che amombe'u va'e pɨ̇tümimbisave peü, pe rumo pemombe'ura arɨ pɨpe ite; iyavei akoi peüñomi amombe'u va'e, perosapukai pe rëtä arɨve imombe'u opakatu upe.

San Mateo 12:36

Iyavei che aipo a'e peü arɨ kañɨ pɨpe opakatu opara omombe'u oñe'ë-ñe'ë tëisa yuvɨreko kuri.

San Mateo 24:17

iyavei akoi gwëtä arɨve yuvɨrekoi va'e, togweyɨ iri eme omba'e reka;