San Lucas 10:9 - Tüpä Ñe'ëngagwer

⁹ pembogwerara a'e pendar imba'easɨ va'e, iyavei aipo peyera chupe: ‘Tüpä mborerekwasa vɨrovɨ ite iyepota agwa peü narä.’

Tũpa Ñehengagüer

⁹ Ahe pendar imbaheasɨ vahe evocoiyase pembogüerara, iyavei aipo peyera chupe: ‘Tũpa mborerecuasa namombrɨimi pe sui’ peyera.

San Lucas 10:9 Cross References

San Mateo 3:2

Oñe'ësave aipo e'i: “¡Peyevɨ Tüpä upe, esepia ko Tüpä mborerekwasa köimi ete sekoi!”

San Mateo 4:17

Ichuive tuprɨ Jesús omboɨpɨ oporombo'e aipo e'i: “Peyevɨ Tüpä upe, esepia köimi ete Tüpä mborerekwasa sekoi.”

San Marcos 4:30

Iyavei aipo e'i Jesús: “¿Mba'e rese pi'ä oyoya Tüpä mborerekwasa, iyavei mba'e rese pi'ä yaikatura imboyoya ikwa agwä?

San Marcos 6:13

Iyavei seta omboyepepɨ karugwar ava sui, seta avei ombogwera imba'easɨ va'e mba'e kɨra pɨpe yuvɨreko.

San Lucas 10:10

Akoi peyepotase peso ñepëi tekwave, iyavei ndape pɨsɨ potaise a'eve yuvɨreko, peseñorä okar rupi ichui aipo peyera:

San Lucas 10:11

‘¡Ko ɨvɨ rätächigwer perekwa pɨpendar, orovɨreko va'e ore pɨ rese, a'e oroipɨpetera ñemoɨrösa pɨpe peü narä! Peikwara rumo ko mba'e, esepia Tüpä mborerekwasa vɨrovɨ ite ou peü narä.’

San Lucas 9:2

Opa omondo Tüpä mborerekwasa mombe'u agwä, imba'easɨ va'e mbogwera agwä aveino.

San Juan 3:3

Jesús aipo e'i chupe: –Supiete aipo a'e ndeu akoi ava ndoyesu pɨasu iri va'e, ndosepiai chietera Tüpä mborerekwasa.

San Juan 3:5

Jesús omboyevɨ chupe: –Supiete aipo a'e ndeu akoi ava ɨ pɨpe iyavei Espíritu pɨpe ndoyesui va'e, a'e ndoikatui chietera oike va'erä Tüpä mborerekwasave.

Los Hechos 28:28

Sese tapeikwa, ko pɨpe suive Tüpä omboyekwa ukara poropɨsɨrösa ava nda'ei va'e judío upe, a'e ni'ä oyapɨsakara imombe'usa rese yuvɨreko.

Los Hechos 28:31

Omombe'u Tüpä mborerekwasa resendar iyavei oporombo'e opakatu yande Yar Jesucristo rekokwer resendar osɨkɨye e'ɨ̇sa pɨpe, ndipoi ete ñepëi ava omombɨtu'u va'e Pablo ñe'ëse.