San Lucas 1:30 - Tüpä Ñe'ëngagwer

³⁰ Mbigwai ɨva pendar aipo e'i chupe: –María eresɨkɨyei rene, esepia ni'ä Tüpä nde poravo nde rovasa agwä.

Tũpa Ñehengagüer

³⁰ Evocoiyase Tũpa rembiguai aipo ehi chupe: —María, eresɨquɨye eme. Esepia niha, Tũpa ité nde poravo nde rovasa ãgua.

San Lucas 1:30 Cross References

San Mateo 14:27

Jesús rumo oñe'ë, aipo e'i chupe: –¡Peyemovɨräkwäño! ¡Che tëi: pesɨkɨyei rene!

San Mateo 28:5

Mbigwai ɨva pendar aipo e'i kuña eta upe: –Pesɨkɨyei rene. Esepia che aikwa pesekase Jesús yatɨkapɨrer peiko.

San Lucas 1:13

Evokoiyase mbigwai ɨva pendar aipo e'i chupe: –Zacarías, eresɨkɨyei rene, Tüpä osendu nde yeruresa, sese nde rembireko Isabel imembɨrara ndeu, a'e eremondora serergwä Juan.

San Lucas 12:32

“Ani pesɨkɨye, ovesa che rembiaɨsu; yepe pe movɨrömi tëi peiko viña, pe Ru Tüpä rumo, omondo pota peü mba'e oporoaɨsusa pɨpe.

Los Hechos 27:24

ipare aipo e'i cheu: ‘Pablo, ani eresɨkɨye, esepia eresorane itera mborerekwar ɨvate katu va'e Roma pendar rovai, iyavei Tüpä oipɨsɨröra manosa sui opakatu yuvɨrekoi va'e nde rupi ɨarusu pɨpe.’

Romanos 8:31

¿Marä ya'e irira vo chupe? ¡Tüpä ni'ä yande repɨsar sekoi, sese ndoikatu iri ete yande amotare'ɨ̇mbar yuvɨreko!

Hebreos 13:6

Evokoiyase aipo ya'era yande yeroyasa pɨpe: “Che Yar che pɨtɨ̇vɨïsar; sese ndasɨkɨyei chietera. ¿Mba'e evokoiyase oyapora ava yuvɨreko cheu?”