San Lucas 1:22 - Tüpä Ñe'ëngagwer

²² Osëse aipo ou ichui, niñe'ëgätui voi ete; oikwa voi ete rumo ambuae ava yuvɨreko osepia revo mba'e tüpäro pɨpe e'i yuvɨreko chupe, esepia ipo äta-äta tëi oñe'ëse; iyavei osoño oiko ndoikatui ete rumo oñe'ë agwä.

Tũpa Ñehengagüer

²² Osẽse aipo tũparo pɨpe sui, niñehengatui voi eté. “Ñaro osepia mbahe tũparo pɨpe” ehiño ité aipo imboetasa eta yuvɨreco chupe. Ipo ãta-ãta tẽi aipo oñehengatuẽhɨse mbahe mombehu oico.

San Lucas 1:22 Cross References

San Lucas 1:21

Osärö puku tëi aipo Zacarías okarve ambuae imboetasa eta ma'erä pi'ä nose vɨtei tüpäro pɨpe sui e'i tëi yuvɨreko chupe.

San Lucas 1:23

Omboavɨye pare okwaita, Zacarías oyevɨ oso gwëtäve.

San Lucas 1:62

Evokoiyase oporandu aipo pitani yesupa upe, ikwa agwä mba'e pi'ä osora serergwä oyapave yuvɨreko.

San Juan 13:24

ipare Simón Pedro aipo e'i chupe eporandu ikwa agwä uma rese pi'ä oñe'ë oiko.

Los Hechos 12:17

Pedro rumo omopü'a opo imbokiriri agwä. Ichui opa omombe'u yande Yar opɨsɨrö agwer vokendasa sui yuvɨreko chupe. Ipare aipo e'i iri: –Pemombe'upa Santiago upe iyavei ambuae Jesús reroyasar upe. Ipare öseño, oso ambuae tekwa rupi oiko.

Los Hechos 19:33

Oime rumo ipa'ü pendar omombe'u Alejandro upe mba'e naporäi va'e yuvɨreko, a'e akoi judío eta omoañɨi-añɨi imondo tenonde opakatu rovai. A'ese Alejandro omopü'a opo ava mongiriri agwä osepɨ pota omu judío ava re'ɨi rovake viña.

Los Hechos 21:40

Evokoiyase sundao rerekwar ɨvate katu va'e avɨye e'i chupe, ipare Pablo opü'a yeupisa arɨve, omopü'a oyɨva ava eta mongiriri agwä. A'ese oyapɨsaka tuprɨ ava re'ɨi yuvɨreko, a'e ava upe oñe'ë hebreo ñe'ë pɨpe, aipo e'i: