San Lucas 1:17 - Tüpä Ñe'ëngagwer

¹⁷ Ko Juan osora yande Yar renonde, espíritu rese iyavei Tüpä ñe'ë mombe'usar Elías pirätäsa rese avei, ava gwa'ɨrɨ rese ñeröi agwä iyavei ava ndiporeroyai va'e toyembo'e oporeroya yuvɨreko. Egwë e'ira ava mbo'e imoigätu yande Yar pɨsɨ agwä sereko.

Tũpa Ñehengagüer

¹⁷ Ahe vɨrecora espíritu pĩratasa oyese oyoyara Tũpa ñehe mombehusar Elías rese ‘ava guahɨr rese tiñero yuvɨreco oyeupe’ oya, ‘toyembohe avei ava ndiporeroyai vahe yuvɨreco seco catuprɨ vahe aracuasa mboyeroya ãgua rese’ oyapave. Ẽgüe ehira ava mbohe imoingatu yande Yar pɨsɨ ãgua sereco —ehi chupe.

San Lucas 1:17 Cross References

San Mateo 11:14

peipotase che reroyara peye, Juan rumo a'e Elías Tüpä ñe'ë mombe'usar. A'e imombe'uprɨ ou va'erä kuri.

San Mateo 14:4

esepia Juan aipo e'i Herodes upe: “Ndiyai ete ererekora nde rembireko nungar.”

San Mateo 3:3

Ko Juan rese ni'ä oñe'ë yɨpɨve Tüpä ñe'ë mombe'usar Isaías aipo e'i gwembikwachiagwer pɨpe: “Oyeendu ñepëi ñe'ësa ava yemboerekwa e'ɨ̇save: ‘Pemoigätu yande Yar raperä; pemboi ñepëi perɨ i'ɨvɨ̇i tuprɨ va'e.’ ”

San Mateo 3:4

Juan turukwar evokoiyase camello ragwer apoprɨ, iyavei oyumbɨkwa mba'e pirer pɨpe; sembi'u evokoiyase tukru iyavei eirɨ ka'a pɨpendar.

San Lucas 1:16

Egwë e'ira omongere'ɨ̇ seta ava Israel ɨgwar oyevɨ iri agwä Yar Tüpä upe yuvɨreko.

San Lucas 1:76

Nde che ra'ɨrɨ, che rembiaɨsu, ko Tüpä ɨvate va'e ñe'ë mombe'usar sekoi e'ira ava yuvɨreko ndeu, esepia nde eremoigätura yande Yar upe, perɨ eiko,

San Juan 1:13

A'e Tüpä ra'ɨrɨ ite yuvɨrekoi, nda'ei rumo ava yesusa pɨpe oyesu, esepia ni'ä Tüpä ite ombo'u Gwa'ɨrɨgwä.

San Juan 1:34

Che ni'ä asepia ite, aikwa avei Tüpä Ra'ɨrɨ sekoise.”

San Juan 3:28

Pesendu tuprɨ akoi che ñe'ë nda'ei Poropɨsɨrösar aiko a'ese, che imbouprɨ tëi aiko senonderä a'e akoi peü.

Los Hechos 10:33

Sese amondo voi ete nde reka agwä, iyavei ereyu ite nde poreroyasa pɨpe ko'ave. Kurïtëi opakatu yaiko ko'ave Tüpä rovai, iyavei orosendu pota ite yande Yar omombe'u va'e opakatu mba'e ndeu.

Romanos 9:23

Egwë e'i avei yapo gwemimbotar rupi gweko porañetesa ɨvate va'e mboyekwa agwä yandeu. Esepia, yande paraɨsuereko iyavei yɨpɨsuive teko orɨ porañetesa omoigätu yandeu a'eve yande reike agwä.

Colosenses 1:12

avɨye ndeu peyera pe vɨ'aretesa pɨpe yande Ru Tüpä upe, esepia a'e omoigätu pe rekokwer peipɨsɨ agwä iporerekosa oime va'erä opakatu sembiporavo upe akoi yuvɨrekoi va'e Tüpä poroesapesa pɨpe.

2 Timoteo 2:21

Akoi ava oñemoatɨrö va'e ko tekokwerai sui yande Yar upe narä, a'e ipe'asa inungar ɨgwa rɨru oro apoprɨ poromboeteisa pɨpe iporupɨrä; a'e ava oyemoigätu voi ete oiko mba'e ikatuprɨ va'e apo agwä.

1 San Pedro 2:9

Pe rumo iporavoprɨ peiko Tüpä upe narä, inungar pa'i mborerekwar ɨvate katu va'e pɨtɨ̇vɨïsar, iyavei iporavoprɨ peiko Tüpä remimbotar rupi pereko maräne'ɨ̇sa pɨpe. Egwë peye Tüpä reko pirätäsa mombe'u agwä peiko, esepia a'e pe renose pɨ̇tümimbisa nungar pe rekokwerai sui, tesapesa porañete va'e pɨpe pe reike agwä.

1 San Juan 2:28

Iyavei che ra'ɨreta peikoño ite Cristo rese, yareko va'erä yande yeroyasa sese, akoi ogweyɨse ɨva sui kuri, a'ese nañachi chietera sovai ichui.

Apocalipsis 20:4

Ipare asepia tenda, i'arɨve seta ava ogwapɨ yuvɨnoi evokoi oipɨsɨ va'e omborerekwasa yuvɨreko ava upe mba'e rese porandu agwä. Iyavei asepia ava ä evokoi opa va'ekwer oyasɨa ñakä yuvɨreko Jesús rekokwer mombe'usa sui tëi Tüpä ñe'ëngagwer mombe'usa pɨpe sui tëi avei. A'e ava nomboetei va'e mba'e ɨpɨ vai; sa'anga avei nomboetei yuvɨreko no; nomondo ukai va'e avei osɨva rese serer yuvɨreko, opo rese avei. A'e asepia opa okwerayevɨ yuvɨreko. Ipare oporokwai Cristo rese mil aravɨter rupi yuvɨreko.