San Juan 8:32 - Tüpä Ñe'ëngagwer

³² peikwa aveira mba'e supiete va'e, iyavei mba'e supiete va'e perenoserä mba'e katuprɨsa pɨpe.

Tũpa Ñehengagüer

³² Peicua aveira mbahe supi eté vahe. Ahe evocoiyase pe renosera mbiguai nungar pe recosa sui —ehi.

San Juan 8:32 Cross References

San Mateo 11:29

Peroya mborokwaita amondo va'e peü, iyavei peyembo'e katu che rekokwer sui, esepia ni'ä areko ite poroarösa vichiko iyavei che rekokwer yemominisa pɨpe; a'ese ramo ite peyosɨra pɨtu'usa avɨye va'e.

San Juan 1:14

A'e akoi Ñe'ësa oyeapo ava iyavei oikove yande pa'üve. Iyavei sepiasa ite seko porañetesa, a'e porañetesa oipɨsɨ va'e Vu sui Ta'ɨrɨ ñepëi va'e gweko pɨpe, iporoaɨsusa supi va'e ite.

San Juan 1:17

esepia mborokwaita yaipɨsɨ ou va'e Moisés sui yepi; poroaɨsusa rumo iyavei mba'e supiete va'e, a'e yavɨye ite Jesucristo rupi.

San Juan 14:6

Jesús omboyevɨ chupe: –Che ni'ä aiko perɨ supiete va'e iyavei tekovesa. Che rupi gweraño ite peyepotara che Ru upe.

San Juan 16:13

Akoi ouse Espíritu supi va'e ite, a'e pembo'era opakatu mba'e supiete va'e rese; esepia noñe'ëi chira a'e oyesui tëi, a'e rumo omombe'ura opakatu mba'e senduprɨ gweraño ite, iyavei oikwa ukara mba'e oime va'erä koiye peü.”

San Juan 17:17

Eseko moigätu tuprɨ ñe'ësa supiete va'e pɨpe sereko; nde ñe'ë ni'ä supi tuprɨ va'e ite yepi.

San Juan 6:45

Tüpä ñe'ë mombe'usar ikwachiaprɨ pɨpe aipo e'i: ‘Tüpä pe mbo'era opakatu mba'e rese.’ Egwë e'i akoi osendu va'e che Ru ñe'ë oyembo'e va'e avei sese, evokoi nungar yugwerura cheu.

San Juan 7:17

Akoi ñepëi ikere'ɨ̇ va'e oyapo va'erä Tüpä remimbotar, oikwara che porombo'esa nda'ei va'e che suindar a'e Tüpä suindar ite anise añe'ë cheyesui tëi vichiko.

San Juan 8:36

Sese, Ta'ɨrɨ pe renosese mbigwai tëi pe rekosa sui, supiete ndapeiko iri chietera mbigwai nungar.

Romanos 6:22

Kurïtëi rumo angaipa sui senoseprɨ peiko, Tüpä povrɨve pe reko agwä. Ichui mba'e tuprɨ oime peü, a'e ni'ä ombou oyeupe narä ite pe reko tuprɨ agwä, ipɨpe sui peikora tekovesa apɨre'ɨ̇ va'e pɨpe.

Romanos 8:15

Supiete pe ndapeipɨsɨi Espíritu mba'e-mba'e tëi resendar pereraso iri va'erä sɨkɨyesa pɨpe, Espíritu pemoingo Tüpä ra'ɨrɨ nungar ete. Sese Espíritu yande reraso Tüpä upe, aipo e'i: “¡Abbá! ¡Che Ru!”

Romanos 8:2

esepia ni'ä, Cristo Jesús rese yaikose, yande kwaisar Espíritu tekovesa mondosar yande renose angaipa povrɨ sui manosa sui avei.

1 Corintios 7:22

Esepia pe mbigwai tëi peiko viña, peroyase rumo yande Yar, a'ese inungar nda'e iri va'e mbigwai peiko chupe; iyavei pe no, nda'ei va'e mbigwai tëi peiko va'e, yepe egwë peye viña, peroyase rumo Cristo, a'ese sembigwai peiko.

Gálatas 5:1

Cristo ni'ä ombou yandeu mbigwai tëi nungar sui yande së agwä. Sese peyemovɨräkwä mbigwai tëi pe reko iri e'ɨ̇ agwä.

Gálatas 5:13

Pe, che rɨvrɨ eta, senoiprɨ peiko mbigwai tëi nungar perekosa sui perenose agwä. Ndape yapoi chira rumo mba'e pe remimbotar tëi ipɨpe. Iyakatu peñepɨtɨ̇vɨïra pe yeaɨsusa pɨpe.

2 Timoteo 3:7

yepe oyapɨsaka tuprɨ tëira ñe'ësa rese yuvɨreko viña, ndosupitɨi ete rumo ko porombo'esa supiete va'e rendukwa agwä yuvɨreko.

Santiago 1:25

Akoi ndasesarai va'e ñe'ësa avɨye va'e sui, iyavei oyapɨsaka tuprɨ va'e ko mborokwaita maräne'ɨ̇ mba'e-mba'e tëi sui yande rerokwa va'e rese, iyavei oyemovɨräkwäño ite va'e oyapo va'erä iporokwaita, a'e ovɨ'aretera opakatu gwembiapo tuprɨ rese.

Santiago 2:12

Evokoiyase peñe'ë tuprɨra iyavei peiko tuprɨ, esepia oporandura yande rekokwer rese yande Yar oporokwaita pɨpe gweru va'e yande reko tuprɨ agwä.

1 San Pedro 2:16

Peiko tuprɨ ava rovake mbigwai tëi nungar sui senoseprɨ pe rekosa pɨpe, ndiyai rumo ipɨpe peyapo iri mba'e tëi. Peiko tuprɨra Tüpä rembigwai pe rekosa pɨpe.

2 San Juan 1:1

Che, aikwachia ko ñe'ësa che ma'endu'asa resendar peü, pe Tüpä rembiporavo peiko va'e opakatu upe. Che ni'ä supiete opoaɨsu, nda'ei rumo che gweraño opoaɨsu, opakatu oikwa va'e porombo'esa supiete va'e avei pe raɨsu yuvɨreko.