San Juan 7:4 - Tüpä Ñe'ëngagwer

⁴ Esepia akoi oyemboyekwa pota va'e, noñomi ete mba'e gwembiapo. Ereyapo ni'ä mba'e ko nungar eiko, eyapo opakatu ava rovake ɨvɨ pɨpendar upe.

Tũpa Ñehengagüer

⁴ Esepia, acoi oyapo pota vahe mbahe, noñomi eté mbahe güembiapo. Nde ereyapo ité mbahe poromondɨisa. Sese iya eremboyecua opacatu ava upe —ehi tɨvrɨ yuvɨreco chupe.

San Juan 7:4 Cross References

San Mateo 23:5

Oyapo anga'u mba'e opakatu ava rembiepiave yuvɨreko yepi. Tayande repia yuvɨreko oyapave tëi osɨva rese oyɨva rese avei Ikwachiaprɨ turukwar ipɨ va'e iyavei ipuku va'e rese, omonde avei oturukwar ipopɨ omoarö tuprɨai katu va'e yuvɨreko.

San Mateo 4:6

aipo e'i chupe: –Tüpä Ra'ɨrɨ ite nde rekose, evɨapi ko'ave sui; esepia Ikwachiaprɨ pɨpe aipo e'i: ‘Tüpä oyokwaira gwembigwai eta nde rärö agwä. A'e nde mopü'ara opo pɨpe yuvɨreko, ñepëi ita nde momarä rägwer sui.’

San Mateo 6:16

“Akoi peyekwakuse, ndapemboyekwai chira perepiaka vɨ'are'ɨ̇sa, inungar ava oñe'ë ñotëi va'e tekokwer rese yuvɨreko yepi, omboyekwa vɨ'are'ɨ̇sa tacherepia ava yuvɨreko e'i anga'u yekwakusa pɨpe. Supiete aipo a'e vɨreko itera porerekosa oyeupe narä.

San Mateo 6:5

“Akoi peyerurese, ndapeikoi chira inungar ava oñe'ë ñotëi va'e tekokwer rese yuvɨreko yepi, a'e akoi oyerure potarai va'e oɨ judío ñemonu'äsave iyavei okarusu popɨve tacherepia ava yuvɨreko oyapave. Supiete aipo a'e evokoi rese vɨrekora porerekosa oyeupe narä.

San Lucas 6:45

Ava seko katuprɨ va'e omombe'u mba'e avɨye va'e esepia vɨreko mba'e tuprɨ opɨ'a pɨpe, iyavei akoi ava ndasekoporäi va'e omombe'u mba'e naporäi va'e avei esepia vɨreko mba'e tëiete opɨ'a pɨpe. Esepia pe pɨ'a pɨpe sui tëi osë peñe'ë agwä.”

San Juan 18:20

Jesús aipo e'i chupe: –Che añe'ë peü opakatu rupi iyavei opakatu ava rovake; esepia aporombo'eño va'e ite oɨ judío ñemonu'äsa rupi iyavei tüpäro pɨpe, a'eve oñemonu'ä judío eta yuvɨreko yepi; egwë a'e nañemi ete mba'e mombe'u.

San Juan 7:3

tɨvɨreta aipo e'i yuvɨreko chupe: –Erepɨtai rene ko'ave; eso ɨvɨ Judea ve, a'e pendar nde rupi ogwata va'e avei tosepia mba'e nde rembiapo yuvɨreko.

San Juan 7:5

Seroya e'ɨ̇save tëi avei tɨvɨreta aipo e'i yuvɨreko chupe.