San Juan 5:2 - Tüpä Ñe'ëngagwer

² Jerusalén rokendɨpɨ rerovɨka sui oime Ovesa serer va'e, a'eve oime ñepëi ɨvɨkwar ɨ vɨreko va'e, serer hebreo ñe'ë pɨpe Betzatá. A'e vɨreko poyandepo tuprɨ okendɨpɨ oyese,

Tũpa Ñehengagüer

² Ahe tecua roquendɨpɨ, Ovesa serer vahe cotɨ, oime ɨvɨcuar ɨ vɨreco vahe, serer hebreo ñehe pɨpe Betzata. Ahe sese oyere tuprɨ poyandepo oquendɨpɨ yapayere vahe pãve.

San Juan 5:2 Cross References

San Juan 19:13

Pilato, osenduse aipo ñe'ësa, a'ese vɨnose uka Jesús okarve, ipare ogwapɨ mborerekwar ɨvate katu va'e rendave, a'eve aipo hebreo ñe'ë pɨpe aipo e'i Gabatá Ita Apoprɨ oya.

San Juan 19:17

Jesús vɨnose kurusu seraso, “Ava Akä kangwer” serer va'e save (a'e serer hebreo ñe'ë pɨpe Gólgota).

San Juan 19:20

Seta iteanga judío oyerokɨ ko ikwachiaprɨ rese yuvɨreko, esepia Jesús atɨkasa namombrɨimi ete tekwa sui, ikwachiasa hebreo, latín iyavei griego ñe'ë pɨpe.

San Juan 20:16

Jesús evokoiyase aipo e'i chupe: –¡María! A'e kuña oyemboyere sese aipo e'i hebreo ñe'ë pɨpe chupe: –¡Rabuni! (“Porombo'esar” oyapave aipo e'i).

San Juan 5:3

a'eve yuvɨrekoi seta imba'easɨ va'e, ndasesapɨsoi va'e, ndogwatai va'e, ndipɨndugwei va'e avei a'e ɨvɨ rupi päve tëi ikwai.

San Juan 7:21

Jesús aipo e'i chupe: –Opakatu peiko va'e ndapeyembovɨ'ai ete ñepëi mba'e akoi ayapose mbɨtu'usa arɨ pɨpe.

Los Hechos 21:40

Evokoiyase sundao rerekwar ɨvate katu va'e avɨye e'i chupe, ipare Pablo opü'a yeupisa arɨve, omopü'a oyɨva ava eta mongiriri agwä. A'ese oyapɨsaka tuprɨ ava re'ɨi yuvɨreko, a'e ava upe oñe'ë hebreo ñe'ë pɨpe, aipo e'i:

Apocalipsis 16:16

Ipare opa omonu'ä mborerekwareta ɨvate katu va'e hebreo ñe'ë pɨpe serer Harmagedón ve.

Apocalipsis 9:11

Evokoi tukru gwasu rerekwar, a'e mbigwai ɨva pendar naporäi va'e ikwaiprɨ ɨvɨkwar ipɨkuku va'e mboi agwä, a'e serer hebreo ñe'ë pɨpe Abadón; griego ñe'ë pɨpe evokoiyase Apolión e'i.