San Juan 4:36 - Tüpä Ñe'ëngagwer

³⁶ Akoi oporavɨkɨ va'e mba'e monu'äsa rese a'e oipɨsɨra seprɨ, iyavei mba'e semimonu'äprɨ a'e imonu'äsa tekovesa apɨre'ɨ̇ upe narä, evokoiyase mba'e mitɨ̇ ñotɨ̇sar iyavei imonu'äsar rese oyoya oyembovɨ'a retera yuvɨreko.

Tũpa Ñehengagüer

³⁶ Acoi oporavɨquɨ vahe Tũpa upe ava hã pɨsɨ ãgua rese, ahe oipɨsɨra seprɨ yuvɨreco iyavei semimonuha tecovesa ndopai vaheve nara ité yuvɨrecoira. Evocoiyase ava upe oñehe vahe iyavei oipɨsɨ vahe ava hã ɨvave nara, oyoya guasu ovɨharetera ipɨsɨprɨ rese yuvɨreco.

San Juan 4:36 Cross References

San Mateo 19:29

Iyavei opakatu oseya va'e che rekokwer sui tëi gwëtä, anise vɨvrɨ, anise gweindrɨ, anise oyesupa, anise osɨ, anise gwa'ɨrɨ, anise oɨvɨ avei, a'e oipɨsɨra cien yupagwer mba'e, iyavei oipɨsɨra tekovesa apɨre'ɨ̇ ndopai va'e.

San Juan 3:36

Opakatu ava vɨroya va'e Tüpä Ra'ɨrɨ, vɨreko ite tekovesa apɨre'ɨ; akoi ndovɨroya potai va'e rumo Ta'ɨrɨ, ndovɨrekoi chietera ko tekovesa, a'e rumo oipɨsɨra Tüpä ñemoɨrösa ipirätä va'e ite yuvɨreko.”

San Juan 4:14

akoi ava oɨ'u va'e rumo ɨ che remimondo, ndi'use iri chietera. Esepia che amondo va'e ɨ ndopai va'erä ite a'e omboura tekovesa ndopai va'e ava upe.

San Juan 5:24

“Supiete aipo a'e peü akoi oyapɨsaka va'e che ñe'ë rese iyavei vɨroya va'e che mbousar, a'e vɨrekora tekovesa apɨre'ɨ̇; iyavei nda'ei chietera imokañɨpɨ̇ra, esepia osë a'e manosa sui oipɨsɨ tekovesa apɨre'ɨ̇.

Romanos 1:13

Che rɨvrɨ eta, che aipota peikwa va'erä seta rupi aso pota tëi pe pɨri yepi, kurïtëi rumo ndaikatuiño vɨte ite. Che rumo aipota oime va'erä che poravɨkɨsa sui espiritu rese oyemovɨräkwä katu va'e pe pa'ü sui yuvɨreko, inungar ayapo opakatu ambuae tekwa rupi.

Romanos 2:7

Omboura tekovesa apɨre'ɨ̇ va'e yandeu, yasekase teko orɨ Tüpä suindar poromboeteisa, iyavei mba'e apɨre'ɨ̇ va'e yande mba'e tuprɨ aposa pɨpe;

Romanos 6:22

Kurïtëi rumo angaipa sui senoseprɨ peiko, Tüpä povrɨve pe reko agwä. Ichui mba'e tuprɨ oime peü, a'e ni'ä ombou oyeupe narä ite pe reko tuprɨ agwä, ipɨpe sui peikora tekovesa apɨre'ɨ̇ va'e pɨpe.

Romanos 6:23

Angaipa ni'ä ombou manosa tëi yandeu, Tüpä rumo porerekosa ombou tekovesa apɨre'ɨ̇ va'e yandeu yande Yar Jesucristo rese yande rekose.

1 Corintios 9:17

Tüpä ndache kwaise oñe'ë mombe'u agwä viña, che rumo che kere'ɨ̇sa pɨpe amombe'use; a'ese aipɨsɨra ichuindar porerekosa, egwë nda'ei rumo, esepia che amboavɨye ite Tüpä porokwaita vichiko.

1 Corintios 9:18

Ndaporanduise mba'e rese peü amombe'use ko ñe'ësa pɨsɨrösa resendar, ipɨpe ayembovɨ'a a'e che vɨ'asa porerekosa nungar cheu; yepe aikatu mba'e rese che porandu agwä viña, che rumo egwë nda'ei ete.

1 Tesalonicenses 2:19

Evokoiyase ¿uma pi'ä orosäröra ore vɨ'asa pɨpe ore reko mboɨvate katu agwä akoi yande Yar Jesús oyevɨse kuri? Esepia nda'ei chira pe, nda'ei chira avei ambuae ava.

1 Timoteo 4:16

Iyavei eñearö tuprɨ, eikwa katu nde porombo'esa rese, eyemovɨräkwä opakatu mba'e nde rembiapokwer rese. Akoi egwë erese ipɨsɨröprɨ ereikora, nde ñe'ë rese oyapɨsaka va'e avei ipɨsɨröprɨ yuvɨrekoira.