San Juan 3:23 - Tüpä Ñe'ëngagwer

²³ Iyavei Juan Oporoapirämo vɨte Enón ve, Salim rerovɨkave, esepia a'eve tuvicha ɨ oime; iyavei a'eve ava yugweru oñeapirämo uka agwä.

Tũpa Ñehengagüer

²³ Iyavei Juan oporoãpiramo vɨte Enón ve, Salim rerovɨcave. Esepia, aheve tuvichá ɨ oime. Aheve ava yugüeru oñeapiramo uca ãgua.

San Juan 3:23 Cross References

San Lucas 3:7

A'ese ava re'ɨi yuvɨnosë Juan upe tayande apirämo oyapave yuvɨreko, a'e rumo aipo e'iño: “¡Pe mboi nungar tëi peiko! ¿Ava vo pesëra Tüpä ñemoɨrösa ou va'erä sui e'i tuprɨ tëi peü?

San Juan 3:22

Ko ipare, Jesús oso gwemimbo'e eta rese ambuae ɨvɨ Judea rupi, a'eve sekoi puku raimi oporoapirämo.

San Juan 3:24

Ko egwë e'i ete yaposa Juan rokenda e'ɨ̇ vɨteseve.

Apocalipsis 1:15

Ipɨ evokoiyase sendɨyai ete, avɨye akoi bronce okai va'e tatave; iyavei iñe'ë ipirätä iteanga inungar ɨtu rɨapugwer.

Apocalipsis 14:2

Ipare asendu mba'e rɨapu ɨva sui ou va'e; ndoyavɨi akoi ɨtu gwasu rɨapugwer iyavei ndoyavɨi ete akoi osunu va'e opororo-roro iteanga va'e; ndoyavɨi avei akoi ava seta va'e omoñe'ëse arpas yuvɨreko, egwë e'i sɨapugwer.

Apocalipsis 19:6

Asendu avei ava re'ɨi ñe'ë, inungar akoi ɨtu gwasu rɨapu, ndoyavɨi avei osunu gwasu va'e. Aipo e'i: “¡Imboeteiprɨ yande Yar tasekoi! Esepia ni'ä yande Yar Tüpä omboɨpɨ oporokwai oiko gweko mba'e mboavaisare'ɨ̇sa pɨpe.