San Juan 3:10 - Tüpä Ñe'ëngagwer

¹⁰ Jesús omboyevɨ aipo e'i chupe: –¿Nde ni'ä porombo'esar ɨvate katu va'e Israel pendar ereiko, nderesendukwai ete rumo ko nungar mba'e?

Tũpa Ñehengagüer

¹⁰ —¡Nde niha porombohesar ɨvate vahe Israel pendar ereico, nderesenducuai eté rumo co nungar mbahe! —ehi chupe—.

San Juan 3:10 Cross References

San Mateo 11:25

A'e arɨ pɨpe, Jesús aipo e'i: “Che Ru, avɨye ndeu che Yar ɨva pendar, iyavei ɨvɨ pɨpendar ereiko, esepia nde eremboyekwa ite ko ñe'ësa ava seko mbegwemi va'e upe ereñomi ava imba'ekwa katu va'e sui.

San Mateo 15:14

Egwë te'iño yuvɨreko, esepia evokoi ndasesapɨsoi va'e vɨrogwata ambuae ava ndasesapɨsoi va'e. Iyavei ñepëi ndasesapɨsoi va'e vɨrogwatase ambuae, ñuvɨrïo voi ovɨapira ɨvɨkwar pɨpe yuvɨraso.

San Mateo 22:29

Jesús omboyevɨ aipo e'i: –¡Pepɨ'a ñemoñetasa kokotɨ tëiete, esepia ndapeikwai ete Tüpä ñe'ë Ikwachiaprɨ araka'endar, ndapeikwai avei Tüpä pirätäsa!

San Lucas 2:46

Imombosapɨsa arɨ pɨpe oyosɨ ramo tüpäro pɨpe yuvɨreko, a'eve ogwapɨ ava Moisés porokwaita rese oporombo'e va'e pa'üve öi, oyapɨsaka iñe'ë rese iyavei oporandu-randu mba'e rese yuvɨreko chupe.

San Lucas 5:17

Ñepëi arɨ Jesús oporombo'e oiko, a'eve avei aipo ogwapɨ yuvɨnoi fariseo iyavei Moisés porokwaita rese oporombo'e va'e ipɨri yuvɨreko a'e yugweru opakatu Galilea tekwa-tekwami rupi sui, ɨvɨ Judea rupi sui, tekwa Jerusalén sui avei yugweru no. Yande Yar pirätäsa oyemboyekwa ite Jesús rese ava imba'easɨ va'e ombogwerase.

San Juan 3:9

Nicodemo oporandu iri chupe: –¿Marä e'i pi'ä aipo evokoiyase?

Los Hechos 5:34

Mborerekwar pa'ü pendar rumo oime mbɨa fariseo Gamaliel serer va'e, a'e Moisés porokwaita rese oporombo'e va'e iyavei imboeteiprɨ katu va'e. A'e opü'a oporokwai toyuvɨnose raimi okarve Jesús ñe'ë mombe'usar.

Romanos 2:28

Esepia judío supiete va'e yaikose, nda'ei chira yande rekokwer rupi gweraño egwë ya'era, iyavei circuncisión supiete va'e nda'ei yande retekwer rese gweraño tëi avei.

Filipenses 3:3

yande rumo imbocircuncidaprɨ nungar supiete va'e Tüpä mboyeroyasar yaiko, esepia yayerure Espíritu pɨpe Tüpä upe; yayembovɨ'a avei Jesucristo reroyasar yande rekosa rese. Nda'ei yande retekwer rese tëi yayeroya.

Colosenses 2:11

Ichui avei imbocircuncidaprɨ peiko, nda'ei rumo pe rete rese yaposa ava tëi rembiapo, ko rumo Tüpä oyapo va'e pe rekokwer rese, peiko va'erä Cristo rese, ipɨpe sui omokañɨpa pe angaipa pe sui.