San Juan 20:1 - Tüpä Ñe'ëngagwer

¹ Domingo pɨpe añi'ïvëive, María Magdalena oso tuvɨpave, pɨ̇tü vɨtesevemi; ipare osepia ita tuvɨpa rovapɨsa nda'eirise gwendave i'äi.

Tũpa Ñehengagüer

¹ Domingu pɨpe María Magdalena oso tuvɨpave pɨ̃tu vɨtemiseve. Ahe osepia ita tuvɨpa rovapɨsa ndahe irise güendave ihãi.

San Juan 20:1 Cross References

San Mateo 27:56

A'e ipa'üve María Magdalena sekoi, iyavei ambuae María a'e Santiago, José sɨ, Zebedeo ra'ɨrɨ sɨ avei supi sekoi.

San Mateo 27:60

ichui omoinge tuvɨpa ipɨasu va'e omba'e pɨpe, a'e oyo'o uka va'e ita, ipare osovapɨ te'ögwer rokendɨpɨ ita gwasu yapayere va'e pɨpe oso.

San Mateo 27:64

Sese emondo sundao se'ögwer ruvɨpa rärö tuprɨ agwä mbosapɨ arɨ rupi, semimbo'e ñomi e'ɨ̇ agwä pɨ̇tü pɨpe yuvɨreko, ipare avɨyeteramo okwerayevɨ omano va'e pa'ü sui aipo e'i tuprɨ tëi tiëtera ava upe yuvɨreko. Aipo e'ise yuvɨreko, yɨpɨndar semirä tëi va'e sui ɨvate katura serekosa.

San Mateo 27:66

Evokoiyase yuvɨrasopa, te'ögwer ruvɨpa rärö tuprɨ agwä, a'ese omondo te'ögwer rovapɨsa ita gwasu rese mba'e imovɨisa kwa agwä ipare oseya a'eve sundao särö agwä yuvɨreko.

San Mateo 28:1

Oñokwäse mbɨtu'usa arɨ, a'e pɨ̇tü ramomise omboɨpɨ domingo pɨpe, María Magdalena iyavei ambuae María yuvɨraso te'ögwer ruvɨpa repia yuvɨreko.

San Mateo 28:2

Avɨyeteramo tëi orɨrɨi pirätä ɨvɨ, esepia ñepëi mbigwai ɨva pendar yande Yar suindar ogweyɨ ɨva sui ou, ipare oyemboya te'ögwer ruvɨpave, a'e vɨrokwa ita sovapɨsa ichui ogwapɨ i'arɨve öi.

San Marcos 15:46

Evokoiyase José vɨrokwa ñepëi turukwar sekose va'e, a'ese vɨroyɨ setekwer Kurusu sui ipare opa oimama ipɨpe. Ichui omondo te'ögwer apokatusave ita yo'oprɨ pɨpe, ichui ita yapayere va'e pɨpe osovapɨ.

San Marcos 16:9

Jesús okwerayevɨre añi'ïvëive domingo pɨpe, oyemboyekwa yɨpɨndar María Magdalena upe, a'e ichui akoi ñuvɨrïo ova tuprɨ karugwar opa va'e omboyepepɨ.

San Juan 11:38

Jesús, ndoyembovɨ'a iri katu, oyemboya oso suvɨpa rese. A'e ita yo'oprɨ save, a'e sokendɨpɨ sovapɨsa va'e ita pɨpe.

San Juan 11:41

Vɨrokwa ita yuvɨreko ichui, ipare Jesús oma'e ɨva rese aipo e'i: –Che Ru, avɨye ndeu esepia eresendu ite che ñe'ë.

San Juan 19:25

Jesús atɨkasave sekoi ichɨ, iyavei ichɨ kupɨ'ɨrɨ, María, Cleofás rembireko, María Magdalena avei.

San Juan 20:26

Mbosapɨ ova arɨ pare, semimbo'e eta opa iri oñemonu'ä ñepëi oɨ pɨpe, a'ese ramo Tomás sekoi ipa'üve. A'eve okenda opa tuprɨ omovɨräkwä yuvɨreko, Jesús rumo oikeño ite oso gwemimbo'e pa'üve aipo e'i imboavɨrave: –¡Teko tuprɨsa tasekoi perese!

Los Hechos 20:7

Domingo pɨpe oroñemonu'ä mboyape u agwä, a'ese Pablo omombe'u ñe'ësa oiko pɨ̇tü mbɨter rupi Jesús reroyasar upe. Esepia a'e osë pota a'ere arayi'ive voi ete ichui.

1 Corintios 16:2

Domingo yakatu iya pe avei peipe'a voimi gwarepochi pe poravɨkɨ reprɨ sui yapokatu agwä, eipeve che yepotase, ndapeyemañeko iri chira gwarepochi monu'ä agwä rese peiko.

Apocalipsis 1:10

Akoi yande Yar arɨ pɨpe Espíritu povrɨve aikose, asendu che rakɨkwei oñe'ë pirätä va'e avɨye akoi mimbɨ ñe'ë,