San Juan 2:6 - Tüpä Ñe'ëngagwer

⁶ A'eve oime ñepëi ova kambuchi ita ku'i apoprɨ, a'e judío oiporu pietase oyepoi agwä yuvɨreko yepi a'e kambuchi pɨpe oike cincuenta litros, amove oike setenta litros ɨ ipɨpe.

Tũpa Ñehengagüer

⁶ Aheve oime seis cambuchi guasu ita cuhi apoprɨ, ñepei-pei cambuchi pɨpe oique cincuenta litro, amove oique setenta litro ɨ ipɨpe. Ahe judío oiporu pietase oyepoi ãgua yuvɨreco Tũpa porocuaita mboavɨye ãgua yepi.

San Juan 2:6 Cross References

San Lucas 16:6

Omboyevɨ chupe: ‘Che anose cien rupindar tuprɨ mba'ekɨra rɨru.’ Mba'e rärösar aipo e'i chupe: ‘Ko oime nde kwachiar; egwapɨ ambuae voi ete esa'ä cincuenta rupindar gweraño.’

San Juan 2:7

Jesús aipo e'i i'añeko va'e upe: –Pemboapɨpopa ɨ ko kambuchi pɨpe. A'e opa omboapɨpo tuprɨ ite yuvɨreko,

San Juan 3:25

Evokoiyase Juan remimbo'e omboɨpɨ ñepëi judío rese oyeekopɨ-kopɨ va'erä ɨ pɨpe ñeapirämosa resendar sui tëi yuvɨreko,

Efesios 5:26

Egwë e'i yande rekokwer moatɨrö yande angaipa sui ɨ pɨpe Tüpä ñe'ëngagwer reroyasave

Hebreos 10:22

Sese yayemboya katura Tüpä rese yande pɨ'añemoñeta tuprɨsa pɨpe iyavei yande yeroyasa ipa voi va'e pɨpe, supiete a'e opa yande reko mbokatuprɨ yande pɨ'añemoñeta raisa sui iyavei omoatɨrö yande rete ɨ maräne'ɨ̇ pɨpe.

Hebreos 6:2

yembo'esa poroapirämosa resendar, poromondosa Tüpä reroyasar arɨve, omano va'e kwerayevɨsa iyavei ava rekokwer rese porandusa resendar avei.

Hebreos 9:10

Ñe'ësa tembi'u rese, ɨgwa rese iyavei ñemoatɨrösa nungar mba'e resendar tëi; yande retekwer resendar tëi porokwaita, a'e rumo egwë e'iño tëi yuvɨreko Tüpä remimbotar ipɨasu va'e yu agwä renonde.

Hebreos 9:19

Esepia Moisés omombe'upase porokwaita opakatu ava upe; oipɨsɨ ovesa ragwer pirä va'e iyavei ɨvɨra hisopo serer va'e räkä, a'e omoakɨ̇ gwaka ra'ɨrɨ ruvɨ iyavei ovesa ra'ɨrɨ ruvɨ, ɨ rese oyese'a va'e pɨpe a'e opa osɨpɨi kwachiar mborokwaita resendar opakatu ava avei.