San Juan 2:22 - Tüpä Ñe'ëngagwer

²² Okwerayevɨse rumo manosa sui, semimbo'e eta oyemoma'endu'a iñe'ë agwer rese, ipare vɨroya ite yuvɨreko ñe'ësa Ikwachiaprɨ Jesús ñe'ëngagwer avei.

Tũpa Ñehengagüer

²² Ocuerayevɨse rumo manosa sui, ore oroyemomahenduha iñehe agüer rese. Sese orovɨroya sesendar ñehesa icuachiaprɨ pɨpe iyavei semimombehugüer.

San Juan 2:22 Cross References

San Lucas 24:26

¿Ndapeikwai vo Poropɨsɨrösar iparaɨsu rane itera mba'e-mba'e tëi vɨrekosa pɨpe gweike agwä renondeve teko porañetesave?

San Lucas 24:44

Ipare aipo e'i: –Ko rese akoi añe'ë vichiko kwese pe rese aiko vɨtese: yavɨye ranera opakatu ñe'ësa che resendar Moisés porokwaita kwachiaprɨ pɨpe, iyavei Tüpä ñe'ë mombe'usar yuvɨrekoi va'e rembikwachiagwer sapukaisa pɨpe avei.

San Juan 12:16

Yɨpɨndar, semimbo'e eta ndosendukwai ete ko mba'e imombe'uprɨ yuvɨreko; koiye katu rumo, Jesús oike gweko mboeteisa pɨpe, a'ese oyemoma'endu'a opakatu mba'e sembiapokwer rese Ikwachiaprɨ pɨpe aipo e'i ete sesendar ñe'ësa.

San Juan 14:26

akoi Poropɨtɨ̇vɨïsar, iyavei Espíritu Maräne'ɨ̇ che Ru omboura che rer pɨpe, a'e pe mbo'era opakatu mba'e avɨye va'e rese pe moma'endu'a aveira opakatu che ñe'ëngagwer amombe'u va'ekwer rese.

San Juan 16:4

Amombe'u aipo peü akoi osupitese arɨ, a'ese peyemoma'endu'ara che remimombe'ugwer rese.” “Namombe'ui ete ko mba'e yɨpɨsuive peü, esepia che aikove vɨte ite perese.

San Juan 2:11

Ko yɨpɨndar poromondɨisa Jesús oyapo va'e tekwa Caná Galilea ɨvɨ rupi, a'eve omboyekwa gweko pirätäsa; iyavei semimbo'e eta vɨroya ite yuvɨreko.

San Juan 2:17

Evokoiyase semimbo'e eta, oyemoma'endu'a ñe'ësa Ikwachiaprɨ araka'endar aipo e'i va'e rese: “Nde rëtä rese che rekate'ɨ̇sa sui che mokañɨrä yuvɨreko.”

San Juan 2:2

Jesús iyavei semimbo'e eta icho'oprɨ yuvɨrekoi mendasave.

Los Hechos 11:16

Evokoiyase che ayemoma'endu'a voi ete yande Yar ñe'ëngagwer rese: ‘Supiete Juan oporoapirämo ɨ pɨpe tëi, pe rumo peapirämosara Espíritu Maräne'ɨ̇ pɨpe ite.’

Los Hechos 13:33

omboavɨye ramo ite gwemimombe'ugwer yande ichuindar yaiko va'e, ko oyapo ite Jesús mbogwerayevɨsa rese, evokoi gwemimombe'u oikwachia uka sapukaisa moñuvɨrïosa pɨpe aipo e'i: ‘Ko pɨpe nde che Ra'ɨrɨ ereiko; che nde Ru aiko.’