San Juan 2:11 - Tüpä Ñe'ëngagwer

¹¹ Ko yɨpɨndar poromondɨisa Jesús oyapo va'e tekwa Caná Galilea ɨvɨ rupi, a'eve omboyekwa gweko pirätäsa; iyavei semimbo'e eta vɨroya ite yuvɨreko.

Tũpa Ñehengagüer

¹¹ Co yɨpɨndar vahe poromondɨisa Jesús oyapo vahe aheve. Ipɨpe omboyecua güeco pĩratasa. Sese semimbohe vɨroya ité yuvɨreco.

San Juan 2:11 Cross References

San Juan 1:14

A'e akoi Ñe'ësa oyeapo ava iyavei oikove yande pa'üve. Iyavei sepiasa ite seko porañetesa, a'e porañetesa oipɨsɨ va'e Vu sui Ta'ɨrɨ ñepëi va'e gweko pɨpe, iporoaɨsusa supi va'e ite.

San Juan 1:17

esepia mborokwaita yaipɨsɨ ou va'e Moisés sui yepi; poroaɨsusa rumo iyavei mba'e supiete va'e, a'e yavɨye ite Jesucristo rupi.

San Juan 1:43

A'ere arayi'ive voi Jesús ipɨ'añemoñeta oso agwä ɨvɨ Galilea rupi. A'eve osepia Felipe, aipo e'i chupe: –Erio che rupi.

San Juan 1:50

Jesús omboyevɨ chupe: –¿Che reroya ite eve esepia oroepia ɨvɨra higuera vrɨve a'ese ndeu? Eresepiara rumo ko mba'e sui avɨye katu va'e.

San Juan 10:41

Ava re'ɨi yuvɨraso sepia, aipo e'i yuvɨreko: –Yepe, Juan ndoyapoi ete mba'e poromondɨisa viña, opakatu mba'e omombe'u va'e rumo ko mbɨa resendar supi va'e ite.

San Juan 11:15

Iyavei avɨ'arete che ndaikoise a'eve, esepia egwë e'ise avɨye katura peü pe che reroya agwä. Evokoiyase yaso opakatu sepia.

San Juan 11:47

Evokoiyase fariseo eta iyavei pa'i eta rerekwar opa omonu'ä yuvɨreko Mborandusa Ɨvate katu va'e save, aipo e'i yuvɨreko: –¿Marä ya'era vo sereko? Ko mbɨa seta ite oyapo poromondɨisa oiko.

San Juan 12:18

Sese ava eta yuvɨnosë voi sovaïchi ipɨsɨ agwä, esepia oikwa ite mba'e poromondɨisa oyapose yuvɨreko.

San Juan 12:37

Yepe Jesús seta iteanga oyapo tuvicha va'e poromondɨisa ava re'ɨi rovake viña, a'e rumo ndovɨroyai ñoite yuvɨreko;

San Juan 12:41

Isaías omombe'u mba'e ko nungar esepia ni'ä osepia ite Jesús reko porañetesa, oñe'ë avei sese.

San Juan 14:13

Iyavei peporanduse opakatu mba'e rese che rer pɨpe, che amondoño itera peü, ipɨpe sui che Ta'ɨrɨ amboyekwara che Ru reko porañetesa vichiko.

San Juan 16:27

esepia che Ru avei peraɨsu pe rereko. Peraɨsu ite esepia ni'ä pe cheraɨsu ite peye, iyavei peroya che ayuse Tüpä sui.

San Juan 16:30

Kurïtëi orosepia ite opakatu mba'e ereikwase iyavei ndiya iri chira revo oporandu iri va'erä mba'e rese yuvɨreko ndeu. Sese ore orovɨroya ite nde ereyuse Tüpä sui.

San Juan 2:1

Ipare imombosapɨsa arɨ pɨpe oime mendasa tekwa Caná Galilea ve. Jesús sɨ avei sekoi a'eve,

San Juan 2:23

Jesús sekoi vɨtese Jerusalén ve, Pascua pieta pɨpe, seta ite ava vɨroya va'e osepiase poromondɨisa sembiapo yuvɨreko.

San Juan 3:2

A'e oso Jesús pɨri pɨ̇tü pɨpe, aipo e'i chupe: –Porombo'esar, oroikwa ite Tüpä nde mbouse ore mbo'e agwä eve, esepia ndipoi ete ava oikatu va'e poromondɨisa apo inungar nde ereyapo va'e, Tüpä oyese seko e'ɨ̇se.

San Juan 4:3

Jesús oikwase aipo nungar osë Judea sui, oyevɨ iri agwä Galilea ve.

San Juan 4:46

Evokoiyase Jesús oyevɨ oso tekwa Caná Galilea ɨvɨ rese, a'eve akoi ɨ oyapo va'e uva rɨkwer. Iyavei a'eve oime ñepëi sundao rerekwar ɨvate katu va'e mborerekwar ɨvate katu va'e ɨvɨrindar, a'e vɨreko Cafarnaúm ve gwa'ɨrɨ imba'easɨ va'e.

San Juan 4:54

Ko imoñuvɨrïosa poromondɨisa oyapo Jesús, gwekokwer kwa uka agwä ɨvɨ Judea sui oyevɨse Galilea ve.

San Juan 5:23

egwë e'ira opakatu Che mboetei agwä inungar omboetei che Ru yuvɨreko. Akoi ndache mboetei va'e, egwë e'i avei che Ru mboetei e'ɨ̇, a'e ni'ä che mbousar.”

San Juan 6:14

Evokoiyase ava, ko poromondɨisa gwasu Jesús rembiapo repiase, aipo e'i yuvɨreko: –Supiete ko Tüpä ñe'ë mombe'usar sekoi ou va'evɨ ko ɨvɨ pɨpe.

San Juan 6:2

Ava re'ɨi yuvɨraso sakɨkwei, esepia osepia ite yuvɨreko oyapose mba'e poromondɨisa imba'easɨ va'e mbogwerase.

San Juan 6:26

Jesús aipo e'i chupe: –Supiete aipo a'e peü pe che reka peye esepia pekaru peɨ̇taröpa ite, iyavei nda'ei ko poromondɨisa reroyasave peiko pota che rupi.

San Juan 6:30

Evokoiyase oporandu yuvɨreko chupe: –¿Mba'e poromondɨisa vo eremboyekwa irira oreu, orosepia va'erä nde reroya tuprɨ katu agwä? ¿Uma vo mba'e nderembiapo?

San Juan 7:31

Seta iteanga rumo ava vɨroya va'e, iyavei aipo e'i yuvɨreko: –Koiye ouse Poropɨsɨrösar, ¿oyapora pi'ä seta katu poromondɨisa avɨye va'e ko mbɨa sui?

San Juan 9:16

Oime fariseo pa'ü pendar aipo e'i yuvɨreko: –Akoi oyapo va'e ko nungar mba'e nda'ei ete Tüpä suindar, esepia ni'ä nomboetei ete mbɨtu'usa arɨ. Ambuae rumo aipo e'i yuvɨreko: –¿Marä e'ira pi'ä poromondɨisa apo viña, angaipa viyar tëi gwekose? Esepia oyeavɨratɨ tëi ipɨ'añemoñetasa yuvɨreko,

2 Corintios 3:18

Sese opakatu yande nda'ei Moisés oyeovapɨ va'e nungar yaiko Tüpä porañetesa sendɨyai va'e repia e'ɨ̇ agwä, yande rumo inungar yepiasa yamboyekwa ite yande Yar porañetesa sendɨyai va'e ava upe yaiko, yaiko katuño ite yande Yar Cristo nungar arɨ yakatu rupi yepi, esepia egwë ya'ese yareko katu-katu iri seko porañetesa yandeyese, yande Yar rumo akoi Espíritu sekoi va'e egwë e'i yandeu.

2 Corintios 4:17

Esepia ko mba'e oroiporara va'e ko ɨvɨ pɨpe, a'e egwë e'i raimi tëi va'e, ipare rumo opañora; a'e ichui rumo oimerä mba'e tuprɨ ɨvate katu va'e oreu ɨvave apɨre'ɨ̇ orovɨreko va'erä.

2 Corintios 4:6

Esepia Tüpä teite ombou tesapesa pɨ̇tümimbi va'e resape agwä, a'e avei osesape uka yande pɨ'a pɨpe, ichui yaikatura ambuae ava resape, iyavei yamboyekwara Tüpä porañetesa osesape va'erä Jesucristo rekokwer rese yaiko.

1 San Juan 5:13

Ko aikwachia peü, peroya va'e Tüpä Ra'ɨrɨ, peikwa agwä pe supiete pereko tekovesa apɨre'ɨ̇.