San Juan 2:10 - Tüpä Ñe'ëngagwer

¹⁰ aipo e'i: –Opakatu ava yuvɨroɨ'u yɨpɨndar uva rɨkwer avɨye katu va'e, ipare rumo icho'oprɨ yuvɨroɨ'upase, a'ese yuvɨroɨ'u uva rɨkwer ndasepɨi va'e. Nde rumo ereyapokatu uva rɨkwer avɨye katu va'e.

Tũpa Ñehengagüer

¹⁰ aipo ehi chupe: —Opacatu ava omondo uva rɨcuer avɨye catu vahe yɨpɨndar. Ipare acoi ava hɨ̃taropase yuvɨreco, omondo ndasepɨi vahe. Nde rumo ereyapocatupaño avɨye catu vahe, ahe cũritei ramo erenose —ehi.

San Juan 2:10 Cross References

San Mateo 24:49

omboɨpɨ omboetasa marä-marä tëi rereko iyavei oyemboya kagwar tëi rese ipɨri okaru iyavei oɨ'u tëi agwä,

San Lucas 12:45

A'e mbigwai rumo ipɨ'a ñemoñeta, ndoyepota vɨtei chira revo che rerekwar oyapave, ipare omboɨpɨ marä-marä tëi omboetasa mbigwai kuimba'e iyavei kuña rereko iyavei okaru, oɨ'u tëi osavaɨpo-ɨpoño ite oiko,

San Lucas 16:25

Evokoiyase Abraham omboyevɨ chupe: ‘Che ra'ɨrɨ, nde ma'endu'a eipeve nde reko agwer rese nipaneise mba'e ndeu rekove pɨpe, Lázaro rumo iparaɨsumi tëi oiko. Kurïtëi rumo Lázaro ovɨ'arete ko'ave, nde evokoiyase nde paraɨsu eipeve eiko.

Los Hechos 2:15

Ko mbɨa ndosavaɨpoi ete yuvɨreko, ndapeikwai vo kurïtëi añi'ivëi vɨte.”

1 Corintios 11:21

Esepia aipo pekaruse, pe rane aipo pepoyava pekaru; ambuae aipo evokoiyase ndasɨepoi tëi yuvɨreko, ambuae rumo pe pa'ü pendar aipo oyembosavaɨpoño yuvɨreko.

Efesios 5:18

Nda'ei chira kagwar tëi peiko, evokoi mba'e ndoporopoɨsui mba'e tëi apo uka agwä, peiko katura rumo Espíritu Maräne'ɨ̇ pe mbo'esa pɨpe.

1 Tesalonicenses 5:7

Akoi yuvɨroke va'e, yuvɨroke pɨ̇tü pɨpe, iyavei osavaɨpo va'e, osavaɨpo avei pɨ̇tü pɨpe yuvɨreko;

Apocalipsis 17:2

Ko kuña rese yagwasa-gwasa tëi mborerekwareta ɨvate katu va'e ɨvɨ pɨpendar yuvɨreko, iyavei ava ɨvɨ pɨpendar inungar osavaɨpo va'e ndopoi potai ete oyemboagwasasa sui yuvɨreko.”

Apocalipsis 17:6

Ipare aikwa evokoi kuña osavaɨpo va'e öi Tüpä reroyasar ruvɨ pɨpe iyavei akoi Jesús rekokwer mombe'usa sui tëi yukaprɨ va'e ruvɨ pɨpe aveino. Asepiase rumo ndache mbovɨ'ai ete.