San Juan 15:2 - Tüpä Ñe'ëngagwer

² Akoi ñepëi che remitɨ̇ räkä ndi'aise cheu; a'e oyasɨara vɨrokwara säkä ichui omoatɨrö tuprɨ katu aveira sereko, ti'a katu oyapave.

Tũpa Ñehengagüer

² Ahe oyasɨa sãca ndihai vahe ichui yepi; iha vahe rumo omoatɨro tuprɨ iha catu ãgua.

San Juan 15:2 Cross References

San Mateo 13:12

Esepia akoi vɨreko va'e upe, imondosa katura, iyavei vɨreko katu itera mba'e; akoi ndovɨrekoi va'e mba'e, vɨreko va'e mba'e movɨrö a'e ichui serokwasa ñoitera.

San Mateo 13:33

Omombe'u avei ambuae ko porombo'esa: “Tüpä mborerekwasa inungar mboyape mboapeposa ñepëi kuña omboyese'ase mbosapɨ sa'ämbrɨ trigo ku'i rese opakatu imboapepo agwä yepi.”

San Mateo 15:13

A'e rumo omboyevɨ gwemimbo'e eta upe: –Opakatu mba'e mitɨ̇ nda'ei va'e che Ru ɨva pendar remitɨ̇, a'e opara sapo'osa kuri.

San Mateo 21:19

A'eve perɨ popɨve osepia ɨvɨra higuera oyemboya oso sese, so gweraño tëi rumo osepia. Evokoiyase a'e aipo e'i higuera upe: –¡Ko pɨpe suive tuprɨ nande'ai chietera! A'e ramose voi higuera opa ipiru.

San Mateo 25:29

Esepia vɨreko va'e mba'e, chupe imondosa katura, iyavei vɨrekora sumbɨrer; akoi ndovɨrekoi va'e rumo mba'e, opaño itera serokwasa mba'e sembierekomi ichui.

San Mateo 3:10

Esepia ni'ä hacha imoigätusa voi ete ɨvɨra asɨa agwä i'ɨvɨpɨ rupi. Iyavei opakatu ɨvɨra ndi'ai va'e, a'e yasɨasara ipare imondosara tatave okai va'erä.

San Mateo 3:12

Gweru sɨpe opove ipare omoatɨröra trigo iyavei oipe'ara i'ɨgwer sui. Oyapokatura trigo sɨru pɨpe, i'ɨgwer rumo opara osapɨ tata ndopai va'e apɨre'ɨ̇ va'esave.”

San Mateo 7:19

Opakatu ɨvɨra i'a naporäi va'e, yasɨasa ipare imondosa tatave.

San Marcos 4:20

Ambuae ava rumo osendu va'e Tüpä ñe'ëngagwer seroyasa pɨpe, oyapoño ite mba'e avɨye va'e, a'e inungar mba'e rä'ɨi ñotɨ̇mbrɨ ɨvɨ avɨye va'e rese. Amove vɨreko o'ɨ rese treinta, ambuae sesenta, ambuae cien tuprɨ ñepëi o'ɨ rese.”

San Lucas 8:13

Mba'e rä'ɨi seitɨprɨ ita pa'ü rupi, a'e inungar akoi ava osendu va'e ñe'ësa avɨye va'e iyavei oipɨsɨ ovɨ'aretesa pɨpe, a'e rumo ndovɨrekoi gwapo ovɨräkwä tuprɨ agwä oyese; vɨroya raimi tëi yuvɨreko, oyepotase rumo tekoa'äsa arɨ chupe ipare opaño oyepepɨ yuvɨreko ichui.

San Juan 15:1

“Che aiko uva ɨ nungar supiete va'e, che Ru evokoiyase i'añeko va'e ñotɨ̇mbrɨ rese.

San Juan 15:16

Pe ndache poravoi ete peye, che rumo opoporavo vichiko amombe'u avei peü pemombe'u va'erä ñe'ësa avɨye va'e, a'e ñe'ësa tokañɨ tëi eme katu. Egwë e'ise che Ru omondora opakatu mba'e peporanduse che rer pɨpe peü.

San Juan 15:3

Che ñe'ë amombe'u va'e pɨpe sui kurïtëi peiko ite ñemoatɨrösa pɨpe.

San Juan 15:6

Akoi ndasekoi va'e che rese, a'e imombosara okarve ipare rumo ipirura inungar akoi ɨvɨra räkä imonu'äsa va'e sapɨ pɨrä tatave yepi.

San Juan 15:8

Ko rese oyemboyekwa ite che Ru mboeteisa, esepia peyapo ite mba'e avɨye va'e iyavei peikora che remimbo'e supi tuprɨ va'e yepi.

San Juan 17:12

Che aikose ko ɨvɨ pɨpe ipɨri yuvɨreko, asärö tuprɨ nderer pirätäsa pɨpe, akoi erembou va'e cheu. Ndipoi ete ñepëi okañɨ tëi va'e, akoi yɨpɨve okañɨ va'eño ite rumo okañɨ tëi; yavɨye rane itera aipo e'i va'e Ikwachiaprɨ pɨpe.

Romanos 11:17

Judío eta inungar olivo räkä yasɨaprɨ tëi, pe evokoiyase nda'ei va'e judío ɨvɨra ka'a pɨpendar räkä nungar peiko va'e, peso yasɨaprɨ rendagwerve. Ipɨpe sui peipɨsɨ vɨrawäsa pe rekove agwä.

Romanos 11:22

Peyapɨsaka tuprɨ, Tüpä ni'ä avɨye va'e ite. Seko pirätä va'e avei rumo ava vɨroya e'ɨ̇sar upe. Peü rumo avɨye ite peikoño katu iporoaɨsusa pɨpe; avɨyeteramo ndapeikoise supi pe avei yasɨaprɨ nungar tëi peikora.

Romanos 8:28

Yaikwa ite ni'ä Tüpä omoigätuse opakatu mba'e vɨroyasar raɨsusave, a'e chupe oñe'ë gwemimbotar rupi ete.

1 Corintios 13:1

Yepe añe'ëño tëise ambuae ava ñe'ë ndaikwai va'e pɨpe, Tüpä rembigwai ñe'ë pɨpe avei viña, ndasaɨsuise rumo ava ipɨpe, che evokoiyase egwë a'e tuprɨ tëi inungar mba'e gwarepochi apoprɨ sɨapu iteanga va'e, iyavei inungar akoi platillo sɨapurai va'e, egwë a'e tëi vichiko.

Tito 2:14

A'e oyemondo mano pɨpe yande rekokwer rese, opakatu mba'e naporäi va'e sui iyavei yande moatɨrö tuprɨ, evokoiyase yaikora sekwa pɨpe chupe narä gweraño ite, yande kere'ɨ̇save opakatu mba'e avɨye va'e apo agwä.

Hebreos 12:15

Peñearö tuprɨ katu, tipo eme ava ndoipɨsɨi va'e Tüpä porovasasa pe pa'üve, iyavei tipo eme mba'e tëi ava pɨ'a pɨpe, avɨyeteramo opakatu rese ova tiëtera.

1 San Juan 2:19

A'e oyepepɨ yande pa'ü sui; nda'ei ete rumo yande rɨvrɨ yuvɨrekoi, esepia akoi yande rupindar ite yuvɨrekoise, a'ese opɨtara yande pɨri yuvɨreko viña. Egwë e'i oyekwa nda'eise opakatu yande rupindar yuvɨreko.

Apocalipsis 3:19

Che añe'ë pirätä seko mo'ɨ̇vi agwä che rembiaɨsu upe yepi. Peyemongere'ɨ̇ katu, pemboasɨ avei pe rekokwer che Ru Tüpä upe pe yevɨ agwä.