San Juan 15:11 - Tüpä Ñe'ëngagwer

¹¹ “Añe'ë aipo peü peyembovɨ'a agwä che rese iyavei pevɨ'asa yavɨye rane itera.

Tũpa Ñehengagüer

¹¹ “Che aipo ahe pẽu ‘tovɨreco che vɨhasa oyese yuvɨreco’ viya; ‘toyembovɨharete catu yuvɨreco’ che hesa pɨpe.

San Juan 15:11 Cross References

San Lucas 15:23

Taperu gwaka ikɨra katu va'e peyuka. ¡Yayapora pieta gwasu iyevɨsa resendar!

San Lucas 15:32

Iyakatu ñoite yamboeteira yayapora pieta, esepia ko nde rɨvrɨ, sekoi omano va'ekwer nungar, oyevɨ iri tekovesa pɨpe; esepia okañɨ oiko kurïtëi rumo yayosɨ iri.’ ”

San Lucas 15:5

Oyosɨse rumo, sorɨvetera omondora oachi'ɨ arɨve,

San Lucas 15:9

Evokoiyase oyosɨse, omonu'ära omborɨpareta okotɨndareta avei, chupe aipo e'ira: ‘Yayembovɨ'ara che pɨri. Esepia ni'ä ayosɨ gwarepochi che sui okañɨ va'ekwer.’

San Juan 16:24

Kurïtëi rumo, ndapeporandu vɨtei ete mba'e rese che rer pɨpe; peporandu katu a'ese peipɨsɨra, ipɨpe sui peikora torɨvetesa avɨye va'e pɨpe.”

San Juan 16:33

Amombe'u ko opakatu mba'e peü, peiko va'erä che rese mba'e tuprɨ pɨpe pe reko agwä. Ko ɨvɨ pɨpe, pe paraɨsura peiko, peyemongere'ɨ̇ño katu: esepia che opa ite asekopɨ mba'e-mba'e tëi ko ɨvɨ pɨpe.

San Juan 17:13

“Kurïtëi asora nde rekosave; che rumo amombe'u mba'e aikove vɨte seve ko ɨvɨ pɨpe, a'e avei vɨreko va'erä vɨ'aretesa oyese inungar che areko va'e yepi.

San Juan 3:29

Ñepëi mendasave, akoi vɨreko va'e gwembirekovɨ a'e imevɨ ite; iyavei imevɨ mborɨpar, osenduse a'eve o'ä oyembovɨ'arete iñe'ë renduse. Egwë a'e avei che kurïtëi ayembovɨ'aretera.

Romanos 15:13

Tüpä ite ni'ä ombou va'e oyesuindar rärö agwä, a'ese peikora vɨ'aretesa pɨpe sese peyerosa pɨpe, iyavei tombou poroarösa Espíritu Maräne'ɨ̇ pirätäsa pɨpe peü.

2 Corintios 1:24

Ore nda'ei oroiko pe pɨ'a ñemoñetasa rerekwar; ore rumo oroiko pota pepɨtɨ̇vɨï agwä, pereko va'erä vɨ'aretesa esepia pe poreroyasa pereko ite ñemovɨräkwäsa pɨpe.

Efesios 5:18

Nda'ei chira kagwar tëi peiko, evokoi mba'e ndoporopoɨsui mba'e tëi apo uka agwä, peiko katura rumo Espíritu Maräne'ɨ̇ pe mbo'esa pɨpe.

Filipenses 1:25

Sese che aikwa aikove vɨte va'erä pe pɨtɨ̇vɨï agwä, pe gwata tuprɨ agwä pe vɨ'arete katu agwä avei Jesús reroyasa pɨpe.

1 Tesalonicenses 5:16

Peyembovɨ'añora arɨ yakatu rupi yepi.

1 San Pedro 1:8

Pe ni'ä pesaɨsu yande Yar Jesucristo, yepe ndapesepiai viña; kurïtëi rumo sepia e'ɨ̇ pɨpe peyeroya sese, pereko ite pe vɨ'aretesa tuvicha va'e, avɨye katu va'e avei, ndapeikatui rumo imombe'u agwä,

1 San Juan 1:4

Evokoiyase kurïtëi oroikwachia evokoi mba'e peü yande yembovɨ'arete katu agwä.

2 San Juan 1:12

Che ni'ä amombe'u pota seta mba'e peü, namombe'u potai rumo kwachiar pɨpe. Che teiete aso pota peü che ñe'ë agwä, a'ese yayembovɨ'aretera oyese.