San Juan 13:17 - Tüpä Ñe'ëngagwer

¹⁷ Pesendukwase ko nungar mba'e iyavei peyapo tuprɨse, a'ese pevɨ'arete katura peiko.

Tũpa Ñehengagüer

¹⁷ Pesenducuase co nungar mbahe, peyapo tuprɨse, ahese pevɨharete catura peico —ehi.

San Juan 13:17 Cross References

San Mateo 12:50

Esepia akoi che Ru ɨva pendar remimbotar oyapo va'e, a'e che rɨvrɨ, che reindrɨ iyavei che sɨ yuvɨrekoi.

San Lucas 11:28

A'e omboyevɨ chupe: –¡Sovasaprɨra akoi osendu va'e che Ru Tüpä ñe'ëngagwer iyavei vɨroya va'e sereko!

San Juan 15:14

Pe ni'ä che mborɨpareta peiko, akoi peyapose mba'e che remimbotar opokwaise.

Romanos 2:13

Esepia osenduño tëi va'e porokwaita nda'ei seko katuprɨ va'e Tüpä rovai yuvɨreko, vɨroya va'e ite rumo porokwaita a'e seko katuprɨ va'e yuvɨrekoi.

Gálatas 5:6

Esepia akoi yaikose Cristo Jesús rese, yepe yayembocircuncidase, anise ndayayembocircuncidaise, a'e ndayande pɨtɨ̇vɨï ete yande reko katuprɨ agwä Tüpä rovake. Ko gweraño rumo yande pɨtɨ̇vɨï Jesús rese yande yeroyasa, a'e ni'ä yande mboyeaɨsu uka.

Santiago 1:25

Akoi ndasesarai va'e ñe'ësa avɨye va'e sui, iyavei oyapɨsaka tuprɨ va'e ko mborokwaita maräne'ɨ̇ mba'e-mba'e tëi sui yande rerokwa va'e rese, iyavei oyemovɨräkwäño ite va'e oyapo va'erä iporokwaita, a'e ovɨ'aretera opakatu gwembiapo tuprɨ rese.

Santiago 4:17

Akoi oikwa tuprɨ va'e mba'e apo agwä, ipare rumo ndoyapoi ete, a'e oyapo angaipa.

Apocalipsis 22:14

“Sorɨvete katura akoi ava omoatɨrö va'e gwekokwer, esepia oipɨsɨra ɨvɨra a tekovesa apɨre'ɨ̇ va'e resendar, ipɨpe sui oikera tekwa gwasu pɨpe.