San Juan 11:57 - Tüpä Ñe'ëngagwer

⁵⁷ Fariseo eta iyavei pa'i eta rerekwar oporokwai yuvɨreko akoi osepia va'e Jesús rekosa pe mombe'ura oreu, oroikatu va'erä ipɨsɨ.

Tũpa Ñehengagüer

⁵⁷ Yɨpɨve rumo fariseo rerecuar iyavei pahi rerecuar oyocuai ava, “Pesepiase Jesús, pemombehu voi oreu ipɨsɨ ãgua” ehi yuvɨreco chupe.

San Juan 11:57 Cross References

San Juan 10:39

Osokenda pota iri yuvɨreko viña, Jesús rumo oñemiño ipa'ü sui.

San Juan 11:46

Oime avei rumo aipo yuvɨraso va'e fariseo repia, iyavei omombe'u Jesús rembiapo agwer yuvɨreko chupe.

San Juan 11:47

Evokoiyase fariseo eta iyavei pa'i eta rerekwar opa omonu'ä yuvɨreko Mborandusa Ɨvate katu va'e save, aipo e'i yuvɨreko: –¿Marä ya'era vo sereko? Ko mbɨa seta ite oyapo poromondɨisa oiko.

San Juan 8:59

Evokoiyase osupi ita yapi-yapi agwä yuvɨreko; Jesús rumo oñemi osë tuprɨño tüpäro pɨpe sui.

San Juan 9:22

Iyesupa rumo osɨkɨyepave tëi aipo e'iño yuvɨreko, esepia judío eta opa ite oyemoigätu yuvɨreko imombo agwä oɨ judío ñemonu'äsa sui ava vɨroya va'e Jesús Poropɨsɨrösar sekoise e'i va'e.