San Juan 1:39 - Tüpä Ñe'ëngagwer

³⁹ Jesús omboyevɨ chupe: –Perio tapesepia ru. Ipare yuvɨraso osepia sekosa yuvɨreko, iyavei yuvɨrekoi a'eve arɨ momba tuprɨ supive, esepia ni'ä a'ese ka'aru ite.

Tũpa Ñehengagüer

³⁹ —Yaso, tapesepia ru —ehi oreu. Evocoiyase oroso, oroyepota las cuatro pɨpe secosave. Aheve ore pɨ̃tu ité ipɨri.

San Juan 1:39 Cross References

San Lucas 24:29

A'e rumo omombɨta potaño oyepɨri yuvɨreko, aipo e'i: –Epɨtaño ore pɨri, esepia ka'aru eteprɨ kurïtëi. Pɨ̇türa moko ndeu. Evokoiyase Jesús oike oɨpɨpe, opɨta va'erä ipɨri yuvɨreko.

San Juan 1:38

Evokoiyase Jesús oma'e gwakɨkwei kotɨ, osepiase rumo gwakɨkwerindar yugweruse aipo e'i oporandu chupe: –¿Mba'e vo peseka peiko? A'e aipo e'i yuvɨreko: –Porombo'esar, ¿kevo nde rekosa?

San Juan 1:40

Ñuvɨrïo ipa'ü pendar osendu Juan ñe'ë yuvɨreko a'e yuvɨraso Jesús rupi, a'e Andrés, Simón Pedro rɨvrɨ.

San Juan 1:46

Natanael aipo e'i: –¿Oime pi'ä Nazaret sui osë va'erä mba'e avɨye va'e? Felipe omboyevɨ chupe: –Erio teresepia ru.

San Juan 4:40

Evokoiyase oyepota atɨ Samaria pendar yugweru epɨta orepɨri Jesús e'i yuvɨreko chupe. A'e opɨta a'eve ñuvɨrïo arɨ,

San Juan 6:37

Opakatu ombou va'e ava che Ru cheu, cheu ni'ä yugwerura; akoi yugweru va'e cheu aipɨsɨra; namomboi chietera che yesui.

Apocalipsis 3:20

Esepia, inungar ava okenda omotära okendɨpɨve o'ä viña, egwë a'e pe pɨ'ave vichiko; pesenduse che ñe'ë, pemboira cheu. Che evokoiyase aikera pe pɨri, yakarura oyepɨri.