San Juan 1:34 - Tüpä Ñe'ëngagwer

³⁴ Che ni'ä asepia ite, aikwa avei Tüpä Ra'ɨrɨ sekoise.”

Tũpa Ñehengagüer

³⁴ Che niha asepia ité. Sese, ‘Co Tũpa Rahɨr ité secoi’ ahe pẽu” ehi.

San Juan 1:34 Cross References

San Mateo 11:27

“Che Ru opakatu mba'e ombou cheu. Iyavei ndipoi ete ava Chekwa tuprɨ va'e yuvɨreko, che Ru gweraño ite rumo Chekwa; ndipoi avei che Ru oikwa tuprɨ va'e yuvɨreko no, che gweraño ite aikwa iyavei akoi ambuae ava upe aikwa uka potase oikwa itera yuvɨreko.

San Mateo 16:16

Simón Pedro omboyevɨ chupe: –Nde ereiko Poropɨsɨrösar, Tüpä Ra'ɨrɨ oikove va'e ite.

San Mateo 17:5

Pedro ñe'ë vɨte seve, ñepëi mba'e pɨ̇tü ou osesape iteanga opɨta i'arɨve tuprɨ yuvɨreko, ipare mba'e pɨ̇tü sui oyeendu ñe'ësa aipo e'i: “Ko che Ra'ɨrɨ che rembiaɨsu, che rembiporavo: peyapɨsaka katu iñe'ë rese.”

San Mateo 26:63

Jesús rumo noñe'ëi ete o'ä. Pa'i eta rerekwar ɨvate katu va'e aipo e'i chupe: –Tüpä oikove va'e rer pɨpe emombe'u supiete va'e mba'e. Nde ite vo ereiko Poropɨsɨrösar, Tüpä Ra'ɨrɨ.

San Mateo 27:40

aipo e'i yuvɨreko chupe: –¡Nde akoi opara tüpäro amonduru ipare mbosapɨ arɨ rupi opa irira amopü'a ere akoi kwese! ¡Eñepɨsɨrö ru nde ae! ¡Tüpä Ra'ɨrɨ nde rekose, egweyɨ kurusu sui kurïtëi!

San Mateo 27:43

A'e oyeroya Tüpä rese: ¡Tüpä evokoiyase oipotase, toipɨsɨrö kurïtëi! ¿Esepia ni'ä che Tüpä Ra'ɨrɨ aiko e'i yandeu yepi?

San Mateo 27:54

A'ese sundao rerekwar iyavei yuvɨrekoi va'e Jesús rärösareta osepia ɨvɨ rɨrɨi yuvɨreko opakatu mba'e-mba'e tëi aveino, a'ese oyembosɨkɨye aipo e'i tëi yuvɨreko: –¡Supiete katu ko mbɨa Tüpä Ra'ɨrɨ ite sekoi!

San Mateo 3:17

A'ese oyeendu ñepëi ñe'ësa ɨva suindar aipo e'i va'e: “Ko che Ra'ɨrɨ che rembiaɨsu, a'e che rembiporavo sekoi.”

San Mateo 4:3

Evokoiyase karugwar oyemboya oso Jesús rese seko'ä agwä, aipo e'i chupe: –Tüpä Ra'ɨrɨ ite ereikose, eyaporu ko ita sui mboyape kurïtëi.

San Mateo 4:6

aipo e'i chupe: –Tüpä Ra'ɨrɨ ite nde rekose, evɨapi ko'ave sui; esepia Ikwachiaprɨ pɨpe aipo e'i: ‘Tüpä oyokwaira gwembigwai eta nde rärö agwä. A'e nde mopü'ara opo pɨpe yuvɨreko, ñepëi ita nde momarä rägwer sui.’

San Mateo 8:29

ipare säse pirätä yuvɨreko: –¡Tüpä Ra'ɨrɨ, eyepepɨ ore sui! ¿Nde ereyu ko'ave ore mombaraɨsu tëi agwä ndoyepota vɨtei rumo arɨ ndeu?

San Marcos 1:1

Yɨpɨndar va'e ñe'ësa ko Jesús a'e Poropɨsɨrösar sekoi, Tüpä Ra'ɨrɨ.

San Marcos 1:11

A'ese oyeendu ñe'ësa ɨva sui, aipo e'i: “Nde che Ra'ɨrɨ ereiko che rembiaɨsu, avɨ'a eteprɨ nde rese.”

San Lucas 1:35

Mbigwai ɨva pendar omboyevɨ chupe: –Espíritu Maräne'ɨ̇ ogweyɨra nde arɨve, Tüpä gweko pirätäsa pɨpe nde momembɨra. Sese a'e pitani o'a va'erä serer-ra Tüpä Ra'ɨrɨ ndaseko Maräi va'e.

San Lucas 3:22

ipare Espíritu Maräne'ɨ̇ ogweyɨ ou i'arɨve oyekwa tuprɨ inungar apɨkasu, ichui oyeendu ñe'ësa ɨva sui aipo e'i va'e: –Nde che Ra'ɨrɨ che rembiaɨsu, che rembiporavo ereiko.

San Juan 1:18

Ndipoi ete ava osepia va'e Tüpä; Ta'ɨrɨ ñepëi va'eño ite, a'e Tüpä iyavei sekoi va'e Vu pɨri, a'e ni'ä oikwa uka yandeu.

San Juan 1:49

Natanael aipo e'i chupe: –Porombo'esar, ¡nde ni'ä Tüpä Ra'ɨrɨ ereiko, nde avei ereiko Mborerekwar ɨvate katu va'e Israel pendar!

San Juan 10:30

Che Ru iyavei che oroiko ñepëiño ite.

San Juan 10:36

Iyavei Tüpä ni'ä che reropove'ë che mbou ko ɨvɨ pɨpe, ¿ma'erä vo evokoiyase nde ereñe'ë rai tëi peye cheu esepia ni'ä Tüpä Ra'ɨrɨ aiko a'ese tëi?

San Juan 11:27

A'e kuña aipo e'i chupe: –Supiete che Yar, che orovɨroya ite nde Poropɨsɨrösar ereikose, Tüpä Ra'ɨrɨ, a'e ou va'erä ko ɨvɨ pɨpe.

San Juan 19:7

Judío eta rerekwar omboyevɨ yuvɨreko chupe: –Ore rumo orovɨreko ñepëi mborokwaita, iyavei aipo e'i ore mborokwaita pɨpe omanoño itera, esepia oyeapo a'e ae tëi Tüpä Ra'ɨrɨ nungar.

San Juan 20:28

Tomás evokoiyase aipo e'i chupe: –¡Nde ereiko che Yar che Tüpä avei!

San Juan 20:31

Ko ikwachiasa peroya va'erä Jesús sekoise Poropɨsɨrösar, Tüpä Ra'ɨrɨ iyavei seroyar vɨrekora tekovesa apɨre'ɨ̇ yuvɨreko sese.

San Juan 6:69

Ore rumo oroyeroya ite nde rese, iyavei oroikwa ite nde ndaseko maräi va'e Tüpä suindar ereikose.

Romanos 1:4

okwerayevɨse Espíritu maräne'ɨ̇ pɨpe, a'ese opirätäsa pɨpe omboyekwa tuprɨ ite Tüpä Ra'ɨrɨ gwekosa. A'e ni'ä yande Yar Jesucristo.

2 Corintios 1:19

Esepia Tüpä Ra'ɨrɨ Jesucristo avei ñepëi reseve yayeroya va'e sese, a'e sekokwer ni'ä oromombe'u oroiko peü, che Silvano, Timoteo avei, nda'ei “avɨye va'e” iyavei “ani” a'e pɨpeve avei. Esepia Tüpä omondo Cristo upe opakatu mba'e “avɨye va'e”,

Hebreos 7:3

A'e iyesupa rumo ndikwasai ete ichɨ iyavei tamoi, arɨ iyesu agwer avei imano agwer avei; egwë e'i sekokwer, inungar Tüpä Ra'ɨrɨ a'e pa'i apɨre'ɨ̇ va'e ite sekoi.

1 San Juan 2:23

Akoi ava ndovɨroyai va'e Tüpä Ra'ɨrɨ, ndovɨroyai avei yande Ru Tüpä; akoi vɨroya va'e Tüpä Ra'ɨrɨ, vɨroya avei yande Ru Tüpä.

1 San Juan 3:8

akoi oyapo va'e angaipa a'e karugwar suindar, esepia karugwar yɨpɨsuive ite oyapo angaipa. Sese ou Tüpä Ra'ɨrɨ: karugwar rembiapo mokañɨpa agwä.

1 San Juan 4:9

Egwë e'i omboyekwa oporoaɨsusa yandeu. A'e ni'ä, ombou Gwa'ɨrɨ ñepëi va'e ko ɨvɨ pɨpe ichui yande rekove agwä.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

2 San Juan 1:9

Oime ava oyepepɨño va'e Cristo porombo'esa sui, a'e Tüpä ndovɨrekoi opɨ'a pɨpe yuvɨreko; akoi oyapɨsaka tuprɨ va'e Cristo porombo'esa rese, a'e vɨreko Tüpä, Ta'ɨrɨ avei oyese.

Apocalipsis 2:18

“Eikwachia avei mbigwai ɨva pendar che reroyasar rärösar Tiatira pendar upe: ‘Tüpä Ra'ɨrɨ akoi vɨreko va'e gwesa inungar tata rendɨgwer, ipɨ inungar akoi bronce rapɨprɨ aipo e'i imombe'u: