San Juan 1:26 - Tüpä Ñe'ëngagwer

²⁶ Juan omboyevɨ chupe: –Che aporoapirämo ɨ pɨpe; oime rumo mbɨa pe pa'üve ndapeikwai va'e

Tũpa Ñehengagüer

²⁶ Evocoiyase fariseo upe aipo ehi: —Che rumo ɨ pɨpe aporoãpiramo; oime rumo mbɨa pe pãhuve ndapeicuai vahe.

San Juan 1:26 Cross References

San Mateo 3:11

Che supiete, ɨ pɨpe tëi opoapirämo Tüpä upe pe yevɨ agwä; ou va'e rumo ambuae che rakɨkwei peapirämora Espíritu Maräne'ɨ̇ tata nungar pɨpe. A'e seko pirätä katu va'e che sui, sese cheu ndiyai ete ipɨtaki yora agwä ichui.

San Mateo 3:6

Omombe'u oangaipagwer yuvɨreko ipare Juan oñapirämo ɨai Jordán pɨpe.

San Marcos 1:8

Che supi ete opoapirämo ɨ pɨpe tëi; a'e rumo pe apirämora Espíritu Maräne'ɨ̇ pɨpe.”

San Lucas 3:16

Juan rumo aipo e'i opakatu ava upe: “Che supiete opoapirämo, ɨ pɨpe tëi; oura rumo ambuae che rakɨkwei a'e pe apirämora Espíritu Maräne'ɨ̇ tata nungar pɨpe. A'e seko pirätä katu va'e sekoi che sui, sese cheu ndiyai ete ipɨtakïsa yora agwä ichui.

San Juan 16:3

Ko oyapora yuvɨreko, esepia ni'ä ndoikwai ete che Ru che avei ndachekwai ete yuvɨreko no.

San Juan 17:25

Che Ru, seko katuprɨ va'e, yuvɨrekoi va'e ko ɨvɨ pɨpe nande kwai ete yuvɨreko; che rumo orokwa ite, iyavei yuvɨrekoi va'e che rupi oikwa avei nde che mbouse yuvɨreko.

San Juan 17:3

Iyavei ko tekovesa apɨre'ɨ̇ pɨpe yɨpɨndar nde kwa rane itera yuvɨreko, ñepëi Tüpä supiete va'e nderekosa pɨpe, iyavei akoi erembou va'e Jesucristo ko ɨvɨ pɨpe.”

San Juan 8:19

Oporandu yuvɨreko chupe: –¿Ke vo nde yesupa sekoi? Jesús omboyevɨ chupe: –Pe ndache kwai ete peye, ndapeikwai avei che Yesupa; chekwase rumo peye viña, che Yesupa avei peikwara viña.

Los Hechos 1:5

Supiete Juan oporoapirämo ɨ pɨpe tëi, ndasetai arɨ rumo ipane peü peapirämo agwä Espíritu Maräne'ɨ̇ pɨpe.

Los Hechos 11:16

Evokoiyase che ayemoma'endu'a voi ete yande Yar ñe'ëngagwer rese: ‘Supiete Juan oporoapirämo ɨ pɨpe tëi, pe rumo peapirämosara Espíritu Maräne'ɨ̇ pɨpe ite.’

Los Hechos 19:4

Pablo aipo e'i chupe yuvɨreko: –Supiete, Juan oñapirämo osekuñarö va'e ñoite gwekokwer Tüpä upe, aipo e'i chupe peroya katu a'e ou va'erä che rakɨkwei, a'e sekoi Jesús.

1 San Juan 3:1

Esepia marä e'i rutei yande Ru Tüpä yande raɨsu, sese ava Tüpä ra'ɨrɨ e'i yuvɨreko yandeu, a'e ite ni'ä yaiko. Sese ko ɨvɨ pɨpendar ndayandekwai yuvɨreko, esepia ndoikwai avei Tüpä rekokwer yuvɨreko.