San Juan 1:21 - Tüpä Ñe'ëngagwer

²¹ Evokoiyase oporandu iri yuvɨreko chupe: –¿Ava ite vo nde? ¿Nde tie Tüpä ñe'ë mombe'usar Elías ereiko? Juan aipo e'i: –Nda'ei ete che a'e aiko. A'e rumo oporandu iri yuvɨreko: –Evokoiyase, ¿Nde ite vo ereiko Tüpä ñe'ë mombe'usar ou va'erä? A'e omboyevɨ: –Ani nda'ei ete che.

Tũpa Ñehengagüer

²¹ Evocoiyase oporandu iri yuvɨreco: —¿Ava ité vo nde? ¿Nde tie Elías ereico? —ehi. —Ndahei eté che ahe aico —ehi. Evocoiyase, —¿Nde tie acoi Tũpa ñehe mombehusar ou vaherã? —ehi yuvɨreco chupe. —Aní eté —ehi.

San Juan 1:21 Cross References

San Mateo 11:14

peipotase che reroyara peye, Juan rumo a'e Elías Tüpä ñe'ë mombe'usar. A'e imombe'uprɨ ou va'erä kuri.

San Mateo 16:14

A'e omboyevɨ yuvɨreko chupe: –Oime aipo e'i Juan Oporoapirämo va'e; ambuae eta aipo e'i Elías, ipare ambuae eta aipo e'i Jeremías anise ambuae ava Tüpä ñe'ë mombe'usar e'i yuvɨreko ndeu.

San Mateo 21:11

Ava yugweru va'e Jesús rupi omboyevɨ yuvɨreko chupe: –Tüpä ñe'ë mombe'usar Jesús, Nazaret pendar ɨvɨ Galilea rupindar.

San Lucas 1:17

Ko Juan osora yande Yar renonde, espíritu rese iyavei Tüpä ñe'ë mombe'usar Elías pirätäsa rese avei, ava gwa'ɨrɨ rese ñeröi agwä iyavei ava ndiporeroyai va'e toyembo'e oporeroya yuvɨreko. Egwë e'ira ava mbo'e imoigätu yande Yar pɨsɨ agwä sereko.

San Juan 1:22

Aipo e'i yuvɨreko chupe: –¿Uma ite vo evokoiyase nde ereiko? Esepia ore orovɨrasora mba'e imombe'uprɨ supi va'e ite ore mbousar upe. ¿Mba'e ite vo eremombe'ura ndeyesuindar oreu?

San Juan 1:25

oporandu yuvɨreko chupe: –Evokoiyase nda'ei ni'ä aipo nde Poropɨsɨrösar ereiko, nda'ei avei Elías nda'ei avei Tüpä ñe'ë mombe'usar, ¿ma'erä ru evokoiyase ereporoapirämo?

San Juan 6:14

Evokoiyase ava, ko poromondɨisa gwasu Jesús rembiapo repiase, aipo e'i yuvɨreko: –Supiete ko Tüpä ñe'ë mombe'usar sekoi ou va'evɨ ko ɨvɨ pɨpe.

San Juan 7:40

Oime aipo ava pa'ü rupi osendu va'e ko ñe'ësa aipo e'i yuvɨreko: –Supiete revo ko mbɨa Tüpä ñe'ë mombe'usar sekoi.