San Juan 1:15 - Tüpä Ñe'ëngagwer

¹⁵ Juan ni'ä oñe'ë sese ava upe aipo e'i: “Ko uve ni'ä akoi aipo a'e peü kwese akoi ou va'erä che rakɨkwei a'e ɨvate katu va'e che sui, esepia yɨpɨve ite sekoi che yesue'ɨ̇ vɨteseve.”

Tũpa Ñehengagüer

¹⁵ Juan niha oñehe sese ava upe aipo ehi: “Co uve niha acoi aipo ahe vahe cuese: ‘Acoi ou vaherã che raquɨcuei, ahe ɨvate catu vahe che sui. Esepia, yɨpɨve ité secoi che yesuẽhɨ vɨteseve’ ahe” ehi.

San Juan 1:15 Cross References

San Mateo 3:11

Che supiete, ɨ pɨpe tëi opoapirämo Tüpä upe pe yevɨ agwä; ou va'e rumo ambuae che rakɨkwei peapirämora Espíritu Maräne'ɨ̇ tata nungar pɨpe. A'e seko pirätä katu va'e che sui, sese cheu ndiyai ete ipɨtaki yora agwä ichui.

San Marcos 1:7

A'e aipo e'i oñe'ë ava upe: “Che rakɨkwei oura seko pirätä katu va'e che sui, sese cheu ndiyai chira ayeaɨvɨ ipɨtakisä yora agwä.

San Lucas 3:16

Juan rumo aipo e'i opakatu ava upe: “Che supiete opoapirämo, ɨ pɨpe tëi; oura rumo ambuae che rakɨkwei a'e pe apirämora Espíritu Maräne'ɨ̇ tata nungar pɨpe. A'e seko pirätä katu va'e sekoi che sui, sese cheu ndiyai ete ipɨtakïsa yora agwä ichui.

San Juan 1:27

a'e akoi ou va'erä che rakɨkwei. Cheu ndiyai ete ipɨtakisä yora agwä ichui.

San Juan 17:5

Sese kurïtëi che Ru, embou nde yesuindar mba'e porañete va'e cheu, inungar akoi yɨpɨndar areko va'e nde rese ɨvɨ apoe'ɨ̇seve.

San Juan 8:58

Jesús omboyevɨ chupe: –Supiete aipo a'e yɨpɨsuive ite che ayesu Abraham yesue'ɨ̇ vɨteseve.

Colosenses 1:17

Cristo oikove yɨpɨsuive araka'e opakatu mba'e reime e'ɨ̇ vɨteseve, a'e avei omoime vɨte opakatu mba'e yandeu.

Hebreos 13:8

Jesucristo rekokwer noñekuñaröi va'e ite, yɨpɨsuive sekoi apɨre'ɨ̇ va'e.

Apocalipsis 1:11

aipo e'i cheu: “Eikwachia mba'e eresepia va'e, ipare emondopa ñuvɨrïo ova tekwa pendar che reroyasar ɨvɨ Asia rupindar upe: Éfeso ve, Esmirna ve, Pérgamo ve, Tiatira ve, Sardis ve, Filadelfia ve, iyavei Laodicea ve.”

Apocalipsis 2:8

“Eikwachia avei mbigwai ɨva pendar che reroyasar rärösar Esmirna pendar upe: ‘Ko yɨpɨndar ipandar avei aipo e'i, akoi omano va'ekwer, a'e okwerayevɨ iri: