San Juan 1:1 - Tüpä Ñe'ëngagwer

¹ Yɨpɨndar aipo oime ite Ñe'ësa; iyavei a'e Ñe'ësa sekoi Tüpä rese a'e rumo Tüpä ite.

Tũpa Ñehengagüer

^1-2 Jesús yɨpɨsuive ité Tũpa Ñehe secoi. Ahe oicove mbahe apoẽhɨ vɨteseve Tũpa rese. Esepia, ahe niha Tũpa secoi.

San Juan 1:1 Cross References

San Mateo 1:23

“Kuña ndaseko maräi va'e imembɨra oiko iyavei vɨrekora omembrɨ, a'e omondora serergwä Emanuel.” (“Tüpä yande rese sekoi” oyapave aipo e'i).

San Lucas 24:53

Iyavei yuvɨrekoi ñoite tüpäro pɨpe, osapukai Tüpä mboeteisave yuvɨreko yepi.

San Juan 1:14

A'e akoi Ñe'ësa oyeapo ava iyavei oikove yande pa'üve. Iyavei sepiasa ite seko porañetesa, a'e porañetesa oipɨsɨ va'e Vu sui Ta'ɨrɨ ñepëi va'e gweko pɨpe, iporoaɨsusa supi va'e ite.

San Juan 1:18

Ndipoi ete ava osepia va'e Tüpä; Ta'ɨrɨ ñepëi va'eño ite, a'e Tüpä iyavei sekoi va'e Vu pɨri, a'e ni'ä oikwa uka yandeu.

San Juan 1:2

A'e sekoi yɨpɨndar Tüpä rese ite.

San Juan 16:28

Äse vɨtu che Ru rovai sui aiko va'erä ko ɨvɨ pɨpe, kurïtëi aseyara ko ɨvɨ ayevɨ va'erä che Ru pɨri vicho.”

San Juan 17:5

Sese kurïtëi che Ru, embou nde yesuindar mba'e porañete va'e cheu, inungar akoi yɨpɨndar areko va'e nde rese ɨvɨ apoe'ɨ̇seve.

San Juan 20:28

Tomás evokoiyase aipo e'i chupe: –¡Nde ereiko che Yar che Tüpä avei!

San Juan 8:58

Jesús omboyevɨ chupe: –Supiete aipo a'e yɨpɨsuive ite che ayesu Abraham yesue'ɨ̇ vɨteseve.

Romanos 9:5

A'e avei yuvɨrekoi yande ramoi araka'endar sui; ichui ou va'e, a'e Poropɨsɨrösar, a'e Tüpä sekoi opakatu mba'e ɨvɨ pendar yar, imboeteiprɨ katu tasekoi yepi. Amén.

Efesios 3:9

Iyavei ombou che kwaitarä amombe'u tuprɨ va'erä opakatu ava upe, ko Tüpä pɨ'a ñemoñetasa yɨpɨndar ndikwasai va'e, esepia a'e opakatu mba'e aposar sekoi yɨpɨ suive ite nomombe'ui omba'ekwasa sereko.

Filipenses 2:6

aipo e'i: Yepe Cristo sekoi Tüpä nungar tuprɨ ite viña, a'e rumo ndaseko potai ete inungar,

Colosenses 1:15

Cristo ni'ä omboyekwa uka Vu Tüpä rekokwer ndoyekwai va'e gwekokwer pɨpe; a'e Ta'ɨrɨ ni'ä yɨpɨsuive ɨvate katu va'e opakatu mba'e yapoprɨ sui.

Colosenses 1:17

Cristo oikove yɨpɨsuive araka'e opakatu mba'e reime e'ɨ̇ vɨteseve, a'e avei omoime vɨte opakatu mba'e yandeu.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

Tito 2:13

yasärö yande vɨ'aretesa pɨpe imombe'uprɨ sekoi va'e: oyevɨse kuri vɨ'aretesa yande Yar Tüpä iyavei Pɨsɨrösar Jesucristo.

Hebreos 13:8

Jesucristo rekokwer noñekuñaröi va'e ite, yɨpɨsuive sekoi apɨre'ɨ̇ va'e.

Hebreos 7:3

A'e iyesupa rumo ndikwasai ete ichɨ iyavei tamoi, arɨ iyesu agwer avei imano agwer avei; egwë e'i sekokwer, inungar Tüpä Ra'ɨrɨ a'e pa'i apɨre'ɨ̇ va'e ite sekoi.

2 San Pedro 1:1

Che, Simón Pedro, Jesucristo ñe'ë mombe'usar iyavei sembigwai aiko, ko aikwachia che ñe'ë peü narä, peipɨsɨ va'e yande Yar rese pe yeroyasa avɨye va'e inungar ore, esepia yande Yar Tüpä, yande Pɨsɨrösar Jesucristo seko ɨ̇vi va'e yuvɨrekoi.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

1 San Juan 5:7

Evokoiyase oime mbosapɨ imboyekwasar:

Apocalipsis 1:11

aipo e'i cheu: “Eikwachia mba'e eresepia va'e, ipare emondopa ñuvɨrïo ova tekwa pendar che reroyasar ɨvɨ Asia rupindar upe: Éfeso ve, Esmirna ve, Pérgamo ve, Tiatira ve, Sardis ve, Filadelfia ve, iyavei Laodicea ve.”

Apocalipsis 1:17

Sepia ramoseve, avɨapi ipɨve inungar omano va'e. A'e rumo omondo opo oakato kotɨ che rese aipo e'i cheu: “Ani eresɨkɨyera; esepia che aiko yɨpɨndar ipandar va'e,

Apocalipsis 1:2

a'e supiete omombe'u opakatu mba'e osepia va'ekwer iyavei omombe'u evokoi Tüpä ñe'ëngagwer akoi Jesucristo oikwa uka tuprɨ va'e mba'e supiete va'e.

Apocalipsis 1:8

“Che aiko yɨpɨndar iyavei ipandar,” aipo e'i yande Yar Tüpä opakatu mba'e mboavaisare'ɨ̇ evokoi yɨpɨve va'e ite, kurïtëindar apɨre'ɨ̇ va'e avei.

Apocalipsis 19:13

Iturukwar evokoiyase imopiräprɨ tuvɨ pɨpe, serer evokoiyase: Tüpä Ñe'ëngagwer.

Apocalipsis 2:8

“Eikwachia avei mbigwai ɨva pendar che reroyasar rärösar Esmirna pendar upe: ‘Ko yɨpɨndar ipandar avei aipo e'i, akoi omano va'ekwer, a'e okwerayevɨ iri:

Apocalipsis 21:6

Ipare aipo e'i cheu: “Opa ite yavɨye. Che aiko yɨpɨndar ñe'ësa iyavei ipandar. Akoi ava i'usei va'e amboɨ'uño itera ɨ tekovesa resendar ndasepɨi va'e pɨpe.

Apocalipsis 22:13

Che aiko yɨpɨndar ñe'ësa ipandar avei; yɨpɨndar va'e ipandar avei yɨpɨsui apɨre'ɨ̇ va'erä ite aiko.”

Apocalipsis 3:14

“Eikwachia avei mbigwai ɨva pendar che reroyasar rärösar Laodicea pendar upe: ‘Ko aipo e'i ñe'ësa supiete va'e mombe'u seko katuprɨ va'e, esepia ichui ni'ä Tüpä oyapo opakatu mba'e ɨvɨ pɨpendar: