Filemón 1:10 - Tüpä Ñe'ëngagwer

¹⁰ aporandu pota mba'e avɨye va'e rese ndeu Onésimo upe narä, esepia a'e inungar che ra'ɨrɨ ite sekoi iyavei che amombe'u chupe ñe'ësa avɨye va'e ko'ave che rokendasave.

Filemón 1:10 Cross References

San Marcos 9:17

Ñepëi ipa'ü pendar omboyevɨ chupe: –Porombo'esar, ko aru che ra'ɨrɨ ndeu, vɨreko va'e karugwar oyese nomoñe'ëgätu ukai va'e yepi.

Romanos 12:1

Sese che rɨvrɨ eta, che Tüpä poroparaɨsuerekosa pɨpe aipota pe yemondo ite pe rekoveseve chupe narä, inungar mba'e Tüpä upe seropove'ëprɨ ite, a'e avɨye itera chupe. A'e ni'ä pe kwaita pe pɨ'a pɨpe sui ete peyapo va'erä chupe.

1 Corintios 4:14

Nda'ei pe mochi agwä aipo a'e ikwachia peü, egwë e'i rumo pe mboarakwa agwä tëi, inungar che ra'ɨrɨ ite, che rembiaɨsu opovɨreko.

1 Corintios 4:15

Esepia, yepe pereko atɨ pe pɨtɨ̇vɨïsar Cristo rese pe reko agwä viña, ndaperekoi rumo seta pe yesupa, esepia che amombe'use ni'ä ñe'ësa pɨsɨrösa resendar peü, a'ese ramo peroya Cristo Jesús. Seroyasa pɨpe evokoiyase che inungar pe yesupa ite aiko peü.

Gálatas 4:19

Che ra'ɨreta, che paraɨsu iri ete vichiko, inungar kuña imembɨrasɨ va'e, Cristo sekoi va'erä pe rese.

Colosenses 4:9

Ko Onésimo avei osora supi, a'e avei yande rembiaɨsu, yande rɨvrɨ seko tuprɨ va'e pe rekwa pendar. A'e ñuvɨrïo mbɨa omombe'ura peü opakatu mba'e oime va'e ko'ave.

1 Timoteo 1:2

amondo ndeu che avɨravesa che ra'ɨrɨ Timoteo, Tüpä reroyasa pɨpe tombou yande Ru Tüpä, yande Yar Cristo Jesús oporovasasa, oporoparaɨsuerekosa nde reko tuprɨ agwä ndeu.

Tito 1:4

Nde Tito, nde ni'ä che ra'ɨrɨ ite ereiko sese yande poreroyasa pɨpe esepia oyoya yaroya va'e yaiko. Yande Ru Tüpä yande Pɨsɨrösar Jesucristo tombou oporovasasa nde reko tuprɨ agwä ndeu.

Filemón 1:11

Araka'e aipo, Onésimo sekoi ndeu mbigwai naporäi va'e, kurïtëi rumo egwë nde'i chira oiko ndeu iyavei cheu no.

Filemón 1:13

Che aipota opɨta va'erä ko'ave che pɨri, nde nungar tuprɨ che pɨtɨ̇vɨï agwä viña, ko sokendaprɨ vɨte che rekose Jesucristo ñe'ëngagwer sui tëi.

3 San Juan 1:4

Ndipoi ete ni'ä ambuae ñe'ësa asendu va'e che mbovɨ'arete katu va'e che ra'ɨreta ogwatase ko porombo'esa supiete va'e rupi yuvɨreko.