Apocalipsis 9:5 - Tüpä Ñe'ëngagwer

⁵ Nimondosai rumo mborokwaita chupe ava yuka agwä, egwë e'i imondosa mba'e tasɨ va'e ipɨ'a ñemoñeta agwä poyandepo yasɨ rupi tëi; inungar tuprɨ akoi mba'e rumbɨkɨäpe rasɨkwer.

Tũpa Ñehengagüer

⁵ Nimondosai rumo mborocuaita chupe ava yuca ãgua. Ẽgüe ehi rumo ‘tomombaraɨsu pucu rane poyandepo yasɨ rupi sereco’ oyapave tẽi, inungar tuprɨ acoi mbaherumbɨquɨãpe rasɨcuer.

Apocalipsis 9:5 Cross References

San Juan 19:11

A'ese Jesús omboyevɨ chupe: –Ani ndererekoi chietera ñepëi nde mborerekwasa che arɨve, iyavei Tüpä nomondoise ndeu mba'e apo agwä viña; evokoi rumo, che mondosar ndeu a'e oyemboangaipa katu itera ndesui.

Apocalipsis 11:7

Omboavɨyepase rumo Tüpä reko mombe'usa yuvɨreko, a'ese osëra ɨvɨkwar gwasu ipɨkuku va'e sui mba'e ɨpɨ vai, a'e ovavara sese, osekopɨra, ichui oyukara.

Apocalipsis 13:5

Iyavei mba'e ɨpɨ vai upe ipotasa iyemboɨvateai agwä oñe'ë pɨpe ava rovake Tüpä reroɨrö agwä aveino, iyavei mborerekwar gwasu seko agwä cuarenta y dos yasɨ rupi.

Apocalipsis 13:7

Imondosa avei chupe vavasa apo uka agwä Tüpä upendar ava eta upe sekopɨ agwä; imondosa avei mborerekwar seko agwä chupe ava ambuae-ae tëi va'e upe, sekwa ambuae va'e upe ambuae tëi iñe'ë va'e upe, ambuae ɨvɨ rupindar upe aveino.

Apocalipsis 9:10

Vɨreko vugwai rese opopiar avɨye mba'e rumbɨkɨäpe popiar, a'e ni'ä vɨreko opirätäsa poyandepo yasɨ rupi ava momarä agwä tëi.

Apocalipsis 9:3

Iyavei evokoi tatächi sui opa yuvɨnosë tukru gwasu re'ɨi oñemosaï opakatu ɨvɨ rupi; chupe avei imondosa seko pirätä agwä inungar akoi mba'e rumbɨkɨäpe.