Apocalipsis 8:8 - Tüpä Ñe'ëngagwer

⁸ Imoñuvɨrïosa mbigwai ɨva pendar omoñe'ë gwemimbɨ. A'ese imombosa paragwasu pɨpe inungar tuprɨ akoi ɨvɨtrɨ sendɨ va'e tata pɨpe; ipare paragwasu mombosapɨsa ya'okwer oyeapo tuvɨ.

Tũpa Ñehengagüer

⁸ Imoñuvɨriosa Tũpa rembiguai omoñehe güemimbɨ. Ahese imombosa para guasu pɨpe inungar tuprɨ acoi ɨvɨtrɨ sendɨ vahe tata pɨpe; ipare para guasu mombosapɨsa yohacuer oyeapo tuvɨ.

Apocalipsis 8:8 Cross References

San Marcos 11:23

Supiete aipo a'e peü akoi aipo e'i va'e ɨvɨtrɨ upe: ‘¡Esɨrɨ avesui evɨapɨ eso paragwasu pɨpe!’, iyavei ndape yapoi chira ate'ɨ̇sa pɨpe, ko peroya itera aipo peye va'e, a'ese egwë e'i etera kuri.

Apocalipsis 11:6

Ko che ñe'ë reroyasar yuvɨrekoi va'e vɨreko ite opirätäsa ɨva rokenda mboya agwä yuvɨreko, okɨ e'ɨ̇ ägwä mombɨta avei, akoi arɨ rupi che reko mombe'u vɨteseve yuvɨreko, iyavei vɨreko pirätäsa ɨ rekuñarö agwä tuvɨ pɨpe yuvɨreko, imombaraɨsu uka agwä avei ɨvɨ opakatu-katu tëi mba'erasɨ pɨpe gwemimbotar rupi.

Apocalipsis 12:4

Sugwai evokoiyase ombotɨrɨrɨ yasɨtata ɨva pendar imombosapɨsa sui ñepëi iya'okwer seraso, ipare opa omombo ɨvɨve. A'ese mba'e ɨpɨ evokoiyase opɨta osärö kuña imembɨra pota va'e o'ä, ta'upaño voi imembrɨ o'a ramoseve e'i viña.

Apocalipsis 8:7

Yɨpɨndar va'e mbigwai ɨva pendar omoñe'ë gwemimbɨ, a'ese imombosa ɨvɨ arɨ rupi amanda iyavei tata oyese'a va'e tuvɨ rese. Ipare opa okai ɨvɨ mombosapɨsa ya'okwer, oyoya tuprɨ ɨvɨra mombosapɨsa ya'okwer rese iyavei kapi'i reseve avei opa yuvɨrokai.

Apocalipsis 9:15

Evokoiyase opa yorasa irugätu mbigwai ɨva pendar naporäi va'e, ava mombosapɨsa ya'okwer yuka agwä yuvɨreko, esepia evokoi imoigätuprɨ ite a'e arɨ, yasɨ iyavei aravɨter rupi tuprɨ narä yuvɨreko.

Apocalipsis 9:18

Iyavei ava mombosapɨsa ya'okwer opa tuprɨ omano ko mbosapɨ mba'e-mba'e tëi pɨpe yuvɨreko, a'e osë va'e kavayu yuru rupi sui: tata, tatächi iyavei azufre.