Apocalipsis 8:7 - Tüpä Ñe'ëngagwer

⁷ Yɨpɨndar va'e mbigwai ɨva pendar omoñe'ë gwemimbɨ, a'ese imombosa ɨvɨ arɨ rupi amanda iyavei tata oyese'a va'e tuvɨ rese. Ipare opa okai ɨvɨ mombosapɨsa ya'okwer, oyoya tuprɨ ɨvɨra mombosapɨsa ya'okwer rese iyavei kapi'i reseve avei opa yuvɨrokai.

Tũpa Ñehengagüer

⁷ Yɨpɨndar vahe Tũpa rembiguai omoñehe güemimbɨ, ahese imombosa ɨvɨ harɨ rupi amanda iyavei tata oyeseha vahe tuvɨ rese. Ipare opa ocai ɨvɨ mombosapɨsa yahocuer. Oyoya tuprɨ ɨvɨra mombosapɨsa yahocuer rese iyavei capihi reseve avei opa yuvɨrocai.

Apocalipsis 8:7 Cross References

Santiago 1:11

Iyavei akoi arɨ osëse saku iteanga ou, a'ese ka'a opa ipiru, ipotrɨ avei opa ovɨapi ichui, iyavei iporañetesa opa ichui. Egwë e'i aveira ava mba'e yar omanora oporavɨkɨsa sui.

1 San Pedro 1:24

Esepia Ikwachiaprɨ pɨpe aipo e'i: “Opakatu ava inungar ka'a, iyemboeteisa evokoiyase inungar ipotrɨ. Ipare a'e ka'a opa omano, ipotrɨ avei opa ovɨapi,

Apocalipsis 12:4

Sugwai evokoiyase ombotɨrɨrɨ yasɨtata ɨva pendar imombosapɨsa sui ñepëi iya'okwer seraso, ipare opa omombo ɨvɨve. A'ese mba'e ɨpɨ evokoiyase opɨta osärö kuña imembɨra pota va'e o'ä, ta'upaño voi imembrɨ o'a ramoseve e'i viña.

Apocalipsis 16:2

Yɨpɨndar va'e mbigwai ɨva pendar opa oipɨyere ɨgwa rɨru pɨpendar ɨvɨ arɨ rupi; evokoi opakatu ava vɨreko va'e mba'e ɨpɨ vai rer oyese sa'anga mboeteisar tëi avei, a'e chupe oime mba'e rasɨ vai tasɨ va'e sete rese.

Apocalipsis 16:21

iyavei ɨva sui yuvɨrovɨapi amanda gwasu ava arɨve, a'e iposɨigwer cuarenta sa'ämbrɨ rupindar rutei, ava rumo iñe'ë marä-marä tëiño vɨte ite Tüpä upe yuvɨreko amanda sui tëi, esepia ni'ä evokoi Tüpä poronupasa ɨvate katu va'e.

Apocalipsis 6:8

Ama'e, ipare asepia kavayu iyu rasɨ va'e, ava i'arɨ pendar serer va'e Te'ögwer. Ipare sakɨkwei ou va'e oiko a'e serer Omano-va'e-rekosa, a'e chupe imondosa teko pirätäsa ɨvɨ imoirugätusa ya'okwer rupi igwata agwä ava yuka agwä vavasa pɨpe, tɨepore'ɨ̇ pɨpe, mba'erasɨ pɨpe, mba'e ɨpɨ pɨpe aveino.

Apocalipsis 7:1

Ipare asepia irugätu tuprɨ mbigwai ɨva pendar yuvɨno'äi va'e iro'ɨ kotɨ, norte kotɨ, arɨ sësa kotɨ, ka'aru kotɨ aveino omombɨtu'u tuprɨ va'e irugätu ɨvɨtu yuvɨrekoi va'e ɨvɨ arɨ rupi ipeyu e'ɨ̇ agwä, paragwasu pɨpe angara viña, ñepëi yepe ɨvɨra ro angara viña no.

Apocalipsis 9:15

Evokoiyase opa yorasa irugätu mbigwai ɨva pendar naporäi va'e, ava mombosapɨsa ya'okwer yuka agwä yuvɨreko, esepia evokoi imoigätuprɨ ite a'e arɨ, yasɨ iyavei aravɨter rupi tuprɨ narä yuvɨreko.

Apocalipsis 9:18

Iyavei ava mombosapɨsa ya'okwer opa tuprɨ omano ko mbosapɨ mba'e-mba'e tëi pɨpe yuvɨreko, a'e osë va'e kavayu yuru rupi sui: tata, tatächi iyavei azufre.

Apocalipsis 9:4

Ipare yokwaisa ɨvɨ pɨpendar kapi'i momarä e'ɨ̇ agwä, opakatu mba'e rokrɨ ɨvɨra avei, imomaräsara rumo akoi ava ndovɨrekoi va'e Tüpä rer osɨva rese.