Apocalipsis 8:5 - Tüpä Ñe'ëngagwer

⁵ Evokoiyase mbigwai ɨva pendar opoko itaɨsɨ rapɨsa rese, omboapɨpo mba'e reropove'ëprɨ renda pendar tatäpɨi pɨpe, ipare opa omombo ɨvɨ arɨ rupi; a'eseve voi osunu va'e opororo-roro, overa-vera iyavei ɨvɨ orɨrɨi.

Tũpa Ñehengagüer

⁵ Ipare evocoiyase Tũpa rembiguai ɨva pendar opoco itaɨsɨ rapɨsa rese, omboapɨpo mbahe reropovẽheprɨ renda pendar tãtapɨi pɨpe. Ipare opa omombo ɨvɨ harɨ rupi. Aheseve voi osunu vahe opororo-roró, overa-vera iyavei ɨvɨ orɨrɨi.

Apocalipsis 8:5 Cross References

San Mateo 24:7

Esepia ñepëi ɨvɨ pɨpendar ovavara ambuae ɨvɨ pendar rese iyavei ñepëi tekwa gwasu ovavara ambuae ɨvɨ pendar rese; iyavei oimerä tɨavor ɨvɨ rɨrɨi opakatu-katu tëi tekwa rupi.

San Lucas 12:49

“Che ayu tata moendɨ agwä tëi ko ɨvɨ pɨpe; evokoiyase ¡marä e'ira pi'ä yɨpɨve gwendɨse öi viña!

Los Hechos 16:26

a'ese avɨyeteramo tëi ɨvɨ orɨrɨi eteanga, opa omomarä ava rokendasa movɨräkwäsa, opakatu okenda oyemboi, iyavei opakatu karena oyera sokendaprɨ sui.

Los Hechos 4:31

Iyerure pare, Tüpä omborɨrɨi opakatu mba'e iñemonu'äsave yuvɨreko chupe; a'ese Espíritu Maräne'ɨ̇ opa oike yuvɨreko sese, sese osɨkɨye e'ɨ̇sa pɨpe omombe'u tuprɨ Tüpä ñe'ëngagwer yuvɨreko.

Apocalipsis 11:13

A'eseve voi oime ɨvɨ rɨrɨi tuvicha va'e, ichui tekwa gwasu imboopa yandepoyovaivesa ya'okwer opa onduru, a'ese siete mil tuprɨ ava opa omano yuvɨreko. Evokoiyase ava rumbɨrer, osɨkɨyepave tëi osapukai Tüpä ɨva pendar upe imboeteisa pɨpe yuvɨreko.

Apocalipsis 11:19

A'ese oyemboi Tüpä rëtä ɨva pendar, iyavei sëtä pɨpe oyekwa tuprɨ kwachiar porokwaita resendar rɨru. Ipare overa-vera, sɨapu gwasu, osunu, ɨvɨ orɨrɨi, amanda osururu aveino.

Apocalipsis 4:5

Evokoiyase Tüpä renda sui yuvɨnosë overa-vera va'e, iyavei sɨapu gwasu va'e, osunu va'e no; iyavei ñuvɨrïo ova tuprɨ tataendɨ sendɨpa yuvɨreko evokoi tenda rovai, a'e ko ñuvɨrïo ova tuprɨ Tüpä espíritu.

Apocalipsis 6:12

Akoi Ovesami a'e Cristo sekoi va'e omondorose imoñepëi ova sello, a'ese oime ɨvɨ rɨrɨi ipirätä va'e. Arɨ evokoiyase sü, avɨye akoi turukwar sü va'e mano sendar yemondesa iyavei yasɨ pirä inungar tuvɨ,

Apocalipsis 8:3

Ipare ou ambuae mbigwai ɨva pendar oro itaɨsɨ rapɨsa reseve, iyavei ou o'ä itaɨsɨ rapɨsa renda rovai; ipare imondosa tuvicha itaɨsɨ chupe oikwave'ë va'erä oyoya tuprɨ opakatu ava Tüpä upendar yeruresa rese oro mba'e reropove'ëprɨ renda arɨve; a'e Tüpä renda rovai chini va'e.