Apocalipsis 12:4 - Tüpä Ñe'ëngagwer

⁴ Sugwai evokoiyase ombotɨrɨrɨ yasɨtata ɨva pendar imombosapɨsa sui ñepëi iya'okwer seraso, ipare opa omombo ɨvɨve. A'ese mba'e ɨpɨ evokoiyase opɨta osärö kuña imembɨra pota va'e o'ä, ta'upaño voi imembrɨ o'a ramoseve e'i viña.

Tũpa Ñehengagüer

⁴ Suguai evocoiyase ombotɨrɨrɨ yasɨtata ɨva pendar imombosapɨsa sui ñepei iyahocuer seraso. Ipare opa omombo ɨvɨve. Ahe evocoiyase opɨta osãro cuña imembɨra pota vahe rovai ohã, “Tahupaño voi imembrɨ oha ramoseve” ehi viña.

Apocalipsis 12:4 Cross References

San Juan 8:44

Peyesupa a'e karugwar tëiete; inungar tuprɨ avei peiko, peyapo mba'e semimbotar tëi avei. Esepia karugwar oporoyuka va'e yɨpɨsuive ite oiko. Ndasekoi va'e mba'e supi tuprɨ va'e pɨpe, noñe'ëi avei mba'e supiete va'e rese. Omombe'use temirä, oñe'ë inungar supiete va'e; esepia semiräñeteai va'e ite iyavei a'e ni'ä temirä yesupa tëi sekoi yepi.

1 San Pedro 5:8

Pearakwa kañɨi rene peyesui, pema'emo'ä arɨ rupi peyese, esepia pe amotare'ɨ̇mbar Karugwar pe reko momarä pota yepi inungar yagwar oñarö va'e ogwata tëi oporoeka tamomarä ava oyapave.

Apocalipsis 12:7

Oime avei vavasa ɨvave: a'ese mbigwai ɨva pendar ɨvate katu va'e Miguel gweru ambuae mbigwai ɨva pendareta ovava va'erä mba'e ɨpɨ oporomokañɨ va'e upe. Ipare ovava mba'e ɨpɨ naporäi va'e mbigwai ɨva pendar upe yuvɨreko,

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.

Apocalipsis 13:2

Ko mba'e ɨpɨ vai asepia va'e avɨye tuprɨ akoi yagwar iparaü va'e; iyavei ipɨ avɨye tuprɨ oso pɨ, iyuru evokoiyase avɨye yagwa pɨ̇ta. Mba'e ɨpɨ oporomokañɨ va'e evokoiyase omondo opirätäsa iyavei omborerekwasa chupe.

Apocalipsis 13:4

Omboetei gwasu mba'e ɨpɨ oporomokañɨ va'e sereko yuvɨreko, esepia omondo omborerekwasa mba'e ɨpɨ vai upe, ipare a'e avei omboeteiai yuvɨreko, aipo e'i: “¿Oime pi'ä ava ko mba'e ɨpɨ vai nungar, iyavei uma pi'ä oikatura ovava va'erä chupe?”

Apocalipsis 16:13

Ipare asepia mba'e ɨpɨ oporomokañɨ va'e yuru, mba'e ɨpɨ vai yuru avei, nda'ei va'e Tüpä ñe'ë mombe'usar yuru, a'e iyuru rupi yuvɨnosë mbosapɨ karugwar vɨreke nungar.

Apocalipsis 17:18

Iyavei evokoi kuña eresepia va'e yagwasa-gwasa tëi va'e, a'e ni'ä tekwa gwasu ɨvɨ pɨpendar mborerekwareta vɨreko va'e opovrɨve yepi.”

Apocalipsis 20:2

Ko mbigwai ɨva pendar oipɨsɨ mba'e ɨpɨ oporomokañɨ va'e mboi nungar araka'endar, a'e ni'ä Karugwar sekoi iyavei opakatu Karugwar rerekwar; a'e oiku'akwa karena pɨpe mil aravɨter rupi imoi.

Apocalipsis 8:10

Ipare imombosapɨsa mbigwai ɨva pendar omoñe'ë gwemimbɨ, a'ese yasɨtata tuvicha va'e ovɨapi ɨva sui ou, sendɨ gwasu inungar akoi ɨvɨra rese tata sendɨ gwasu va'e, a'e ovɨapi ɨai mombosapɨsa ya'okwer pɨpe iyavei ɨvɨ sui ɨ o'ë va'e mombosapɨsa ya'okwer pɨpe aveino.

Apocalipsis 8:11

Yasɨtata rer evokoiyase Irova'e; ipare ɨ mombosapɨsa ya'okwer iro iteanga. Evokoi ɨ pɨpe seta ava omano yuvɨreko.

Apocalipsis 8:12

Imoirugätusa mbigwai ɨva pendar omoñe'ë gwemimbɨ, ipare arɨ mombosapɨsa ya'okwer imegwä, yasɨ mombosapɨsa ya'okwer, yasɨtata mombosapɨsa ya'okwer aveino. Ichui imombosapɨsa ya'okwer ndosesape iri yuvɨreko arɨ mombosapɨsa ya'okwer pɨpe, pɨ̇tü mombosapɨsa ya'okwer pɨpe aveino.

Apocalipsis 8:7

Yɨpɨndar va'e mbigwai ɨva pendar omoñe'ë gwemimbɨ, a'ese imombosa ɨvɨ arɨ rupi amanda iyavei tata oyese'a va'e tuvɨ rese. Ipare opa okai ɨvɨ mombosapɨsa ya'okwer, oyoya tuprɨ ɨvɨra mombosapɨsa ya'okwer rese iyavei kapi'i reseve avei opa yuvɨrokai.

Apocalipsis 8:8

Imoñuvɨrïosa mbigwai ɨva pendar omoñe'ë gwemimbɨ. A'ese imombosa paragwasu pɨpe inungar tuprɨ akoi ɨvɨtrɨ sendɨ va'e tata pɨpe; ipare paragwasu mombosapɨsa ya'okwer oyeapo tuvɨ.

Apocalipsis 8:9

Iyavei paragwasu mombosapɨsa ya'okwer pɨpendar ava omano yuvɨreko. Ipare ɨarusu mombosapɨsa ya'okwer pɨpendar opa tuprɨ avei imokañɨsa.

Apocalipsis 9:10

Vɨreko vugwai rese opopiar avɨye mba'e rumbɨkɨäpe popiar, a'e ni'ä vɨreko opirätäsa poyandepo yasɨ rupi ava momarä agwä tëi.

Apocalipsis 9:19

Esepia ni'ä kavayu pirätäsa iyuru rese chini, sugwai rese aveino; a'e sugwai ndoyavɨi tuprɨ ite mboi akä, ipɨpe avei ava omomarä.