Apocalipsis 10:4 - Tüpä Ñe'ëngagwer

⁴ Koiye oñe'ë pare ñuvɨrïo ova tuprɨ osunu va'e, a'ese iñe'ë che aikwachiara viña; asendu rumo ɨva sui ñe'ësa aipo e'i va'e: “Eremboyekwai rene akoi ñuvɨrïo ova tuprɨ osunu va'e ñe'ë, ndereikwachiai chietera e'i cheu.”

Tũpa Ñehengagüer

⁴ Oñehepase, ahese iñehe che aicuachiara viña; asendu rumo ɨva sui ñehesa aipo ehi vahe: “Eremboyecuai rene acoi siete tuprɨ osunu vahe ñehe, ndereicuachiai chietera” ehi cheu.

Apocalipsis 10:4 Cross References

Apocalipsis 1:11

aipo e'i cheu: “Eikwachia mba'e eresepia va'e, ipare emondopa ñuvɨrïo ova tekwa pendar che reroyasar ɨvɨ Asia rupindar upe: Éfeso ve, Esmirna ve, Pérgamo ve, Tiatira ve, Sardis ve, Filadelfia ve, iyavei Laodicea ve.”

Apocalipsis 1:19

Sese eikwachia ko mba'e eresepia va'e: kurïtëi oime va'e iyavei oime va'erä mba'e koiye katu.

Apocalipsis 10:8

Ñe'ësa asendu va'e ɨva sui oñe'ë iri cheu aipo e'i: “Eso tereipɨsɨ kwachiarmi imboiprɨ mbigwai ɨva pendar vɨreko va'e evokoi opɨ̇ro va'e paragwasu rese o'ä, ɨvɨ rese aveino.”

Apocalipsis 22:10

Aipo e'i avei cheu no: “Ereikwakui rene ko ñe'ësa Tüpä suindar mba'e oime va'erä resendar sereko, evokoi ikwachiaprɨ kwachiar pɨpe, esepia ni'ä arɨ köimi sekoi imboavɨye agwä.