Apocalipsis 1:6 - Tüpä Ñe'ëngagwer

⁶ iyavei yande rereko mborerekwarä; pa'igwä aveino Vu Tüpä upe yande poravɨkɨ agwä. ¡Egwë te'i imboeteiprɨ tasekoi opirätäsa pɨpe apɨre'ɨ̇ va'erä! Amén.

Tũpa Ñehengagüer

⁶ iyavei yande rereco mborerecuarã, pahiguã avei no Vu Tũpa upe yande poravɨquɨ ãgua. ¡Ẽgüe tehi imboeteiprɨ tasecoi opĩratasa pɨpe apɨrẽhɨ vaherã!

Apocalipsis 1:6 Cross References

San Mateo 6:13

Ore mboangaipa ukai rene eve, eipe'a mba'e naporäi va'e ore sui.’

San Juan 5:23

egwë e'ira opakatu Che mboetei agwä inungar omboetei che Ru yuvɨreko. Akoi ndache mboetei va'e, egwë e'i avei che Ru mboetei e'ɨ̇, a'e ni'ä che mbousar.”

Romanos 11:36

Esepia Tüpä suiño ite ni'ä opakatu mba'e oime, ichui ni'ä mba'e opakatu oime, chupe narä avei. ¡Sese imboeteiprɨ ite Tüpä tasekoi! Amén.

Romanos 15:6

ipɨpe sui opakatu oyoya gwasu ñepëi pe pɨ'anemoñetasa pɨpe, tapemboetei Tüpä, yande Yar Jesucristo Yesupa.

Filipenses 2:11

ichui toikwa opakatu Jesucristo yande Yar sekoise yande Ru Tüpä mboetei agwä.

1 Timoteo 6:16

A'eño ite sekoi tesapesa apɨre'ɨ̇ ndopai va'e, ndipoi oyemboya va'e sese; ndipoi ete ambuae ava osepia va'e. ¡Egwë te'i, imboeteiprɨ tasekoi opakatu opirätäsa apɨre'ɨ̇ va'e rese! Amén.

Hebreos 13:21

tombou pe reko mo'ɨ̇visa iyavei pe reko avɨyesa opakatu pe semimbotar apo agwä; iyavei a'e toyapo mba'e opakatu gwemimbotar yande rese Jesucristo rembiapo sui. ¡Egwë te'i imboeteiprɨ apɨre'ɨ̇ tasekoi Cristo yepi! Amén.

1 San Pedro 4:11

Akoi ava oñe'ë tuprɨai va'e, a'e tomombe'u Tüpä ñe'ë ite. Akoi peporopɨtɨ̇vɨï potase, peyapoño Tüpä ombou va'e pirätäsa pɨpe peü. Opakatu mba'e peyapo va'e, peyapo katu Jesucristo rer pɨpe Tüpä mboetei agwä, esepia chupendar ite imboeteisa iyavei imborerekwasa apɨre'ɨ̇ va'erä ite. Amén.

1 San Pedro 5:11

Egwë te'i tasekoi gweko pirätäsa apɨre'ɨ̇ va'e pɨpe. Amén.

2 San Pedro 3:18

Peikwa tuprɨ katura rumo yande Yar Poropɨsɨrösar Jesucristo iyavei peikoveño itera iporovasasa pɨpe. ¡Egwë te'i imboeteiprɨ tasekoi kurïtëi apɨre'ɨ̇ va'erä! Amén.

Apocalipsis 1:9

Che Juan, pe rɨke'ɨrɨ aiko, iyavei che pe nungar Tüpä povrɨ pendar aiko, che paraɨsu avei vichiko Jesucristo rese che rekosave che ñemosasa pɨpe. Che rokendasa vichiko ka'a pa'ümi paragwasu avɨterve Patmos serer va'esave Tüpä ñe'ëngagwer mombe'usa pɨpe sui tëi, Jesucristo rekokwer mombe'usa pɨpe sui tëi aveino.

Apocalipsis 20:6

¡Sorɨvete katura akoi ava vɨreko va'e yɨpɨndar kwerayevɨsa, esepia ni'ä, a'e Tüpä upendar ite yuvɨrekoi! Imoñuvɨrïosa manosa evokoiyase chupe ndipo iri ete, egwë e'ira rumo Tüpä upe gweräño ite pa'i yuvɨrekoira Cristo upe avei, ipare mborerekwar yuvɨrekoira sese mil aravɨter rupi.

Apocalipsis 4:11

“Ore Yar Tüpä, iya ite nde mboeteisa, ndeu sapukaisa nde pirätäsa rese, esepia nde ereyapo va'e mba'e opakatu; nde remimbotar rupi ni'ä oime opakatu mba'e.”

Apocalipsis 5:10

Iyavei eremomborerekwa uka Tüpä upe narä, eremondo avei pa'i seko agwä yande Yar Tüpä upe narä, ipare a'e oporokwaira opakatu ɨvɨ rupi yuvɨreko.”