Apocalipsis 1:18 - Tüpä Ñe'ëngagwer

¹⁸ iyavei aikove vɨte va'e. Yepe amano viña, kurïtëi rumo aikove iri ndopai va'erä ite che rekokwer. Che areko che mborerekwasa ava rekokwer mokañɨ agwä.

Tũpa Ñehengagüer

¹⁸ Aicove vahe ité; yepe amano viña, cũritei rumo aicove iri ndopai chivaherã ité aico. Che areco che mborerecuasa ava recocuer mocañɨ ãgua.

Apocalipsis 1:18 Cross References

San Mateo 11:23

Nde avei, tekwa Cafarnaúm, ¿pe pemoäro ko ɨvave oso va'erä viña? ¡Pe rumo pe mondosara ɨvɨkwar ipɨkuku katu va'e pɨpe! Esepia ni'ä ko tekwa Sodoma ve yaposara poromondɨisa va'e viña a'e yaposa ite peü, a'e tekwa kurïtëi oime vɨte itera viña.

San Mateo 16:19

Che amondora Tüpä mborerekwasa ɨva pendar mboisa ndeu; akoi nde ereñapɨ̇chi va'e ko ɨvɨ pɨpe, egwë e'i aveira ñapɨ̇chisara opɨta ɨvave, iyavei akoi nde ereyora va'e ko ɨvɨ pɨpe, egwë e'i aveira oyerara opɨta ɨvave.

San Lucas 24:5

Opaño ñakä ɨvɨso, ɨvɨ kotɨ yuvɨreko osɨkɨyepave; a'e ava aipo e'i yuvɨreko chupe: –¿Ma'erä peseka tuvɨpa pa'ü rupi ava oikove va'e?

San Juan 11:25

Evokoiyase Jesús aipo e'i chupe: –Che aiko kwerayevɨsa iyavei tekovesa. Akoi che reroya va'e, yepe omano tëira viña, oikove ñoitera rumo;

San Juan 14:19

Koiye katumi, yuvɨrekoi va'e ko ɨvɨ pɨpendar ndache repia iri chietera yuvɨreko; pe rumo che repia itera peye, iyavei peikoveño itera esepia che avei ni'ä aikovera.

Romanos 6:9

Yaikwa avei Cristo okwerayevɨse, a'e nomano iri chietera. Esepia manosa ndoikatu iri ete chupe.

2 Corintios 13:4

Supiete ni'ä a'e yatɨkasa kurusu rese, inungar ava nipirätäi va'e, kurïtëi rumo a'e oikove Tüpä pirätäsa pɨpe. Egwë oro'e avei ore seko pirätä e'ɨ̇sa sereko, oroikose rumo sese oroiko Tüpä pirätäsa pɨpe pe rese añeko agwä.

Gálatas 2:20

sese nda'e iri che ite aikove, esepia Cristo rumo che rese sekoi. Sese ite ayeroya che retekwer pɨpe che rekove agwä, a'e ni'ä oyemondo omano agwä che raɨsupave.

Colosenses 3:3

Esepia opa ite pe mano, Tüpä rumo omoigätu mba'e avɨye va'e Cristo rese peiko va'erä.

Hebreos 1:3

A'e ni'ä Tüpä rekokwer porañetesa sekoi, egwë e'i ete, a'e Tüpä rekokwer tuprɨ ite, a'e opakatu mba'e omovɨräkwä oñe'ë pirätäsa pɨpe. Yande angaipagwer sui yande moatɨrö pare oso, ogwapɨ Tüpä akato kotɨ öi ɨvave,

Hebreos 12:2

Yama'e tuprɨ itera Jesús rese, a'e ichui ni'ä yareko yande yeroyasa Tüpä rese, a'e avei oyese yande mboporeroya tuprɨ katu, Jesús oiporara kurusu rese omano ochie'ɨ̇sa pɨpe, esepia a'e oikwa ite oparaɨsu pare vɨrekora ovɨ'aretesa, ogwapɨse omborerekwasave Vu Tüpä akato kotɨ öi.

Hebreos 7:16

a'e rumo nda'ei porokwaita rupi sekoi pa'igwä, a'e oike pa'i gweko agwä ɨvɨ pɨpendar pɨ'a ñemoñetasa rupi tëi, iyavei a'e oike teko pirätäsa ndopai va'e pɨpe ite.

Hebreos 7:25

Sese Jesús oikatu ite ñepëi reseve Tüpä reroyasar pɨsɨrö agwä, esepia a'e oikove va'erä ite sekoi yepi, oporandu agwä avei mba'e avɨye va'e rese Tüpä upe.

Apocalipsis 10:6

ichui Tüpä ndopai va'e rer pɨpe evokoi oyapo va'e ɨva, ɨvɨ, paragwasu iyavei opakatu mba'e ipor reseve. A'ese aipo e'i oñe'ë: “Nasärösa iri chietera evokoi nungar mba'e;

Apocalipsis 15:7

Ipare ñepëi evokoi irugätu ɨva pendar yuvɨrekove va'e pa'ü pendar omondo ñuvɨrïo ova tuprɨ mbigwai ɨva pendar upe ñuvɨrïo ova Tüpä ñemoɨrösa rɨru oro apoprɨ, a'e sekokwer ndopai va'e apɨre'ɨ̇ va'erä ite yepi.

Apocalipsis 2:8

“Eikwachia avei mbigwai ɨva pendar che reroyasar rärösar Esmirna pendar upe: ‘Ko yɨpɨndar ipandar avei aipo e'i, akoi omano va'ekwer, a'e okwerayevɨ iri:

Apocalipsis 20:13

Omano va'ekwer opa yuvɨnosë paragwasu pɨpe sui, iyavei te'ögwer rekosa sui opa yuvɨnosë; ichui opakatu mba'e sembiapokwer rese porandusa yuvɨreko chupe no.

Apocalipsis 20:14

Ipare manosa rekwa opa imondosa tata nungar ɨpa pɨpe. Evokoi ɨpa ni'ä imoñuvɨrïosa manosa,

Apocalipsis 3:7

“Eikwachia avei mbigwai ɨva pendar che reroyasar rärösar Filadelfia pendar upe: ‘Ko seko maräne'ɨ̇ va'e, supi tuprɨ va'e ite, vɨreko va'e mborerekwasa araka'endar mborerekwar gwasu David nungar, akoi omboise okenda, ñepëi yepe ava nomboyai chietera; iyavei akoi omboyase, ñepëi yepe ava nomboi chiaveira:

Apocalipsis 4:9

Evokoi yuvɨrekove va'e omboetei yuvɨreko, avɨye ndeu e'i ko ogwapɨ va'e öi tenda arɨve ndopai va'e upe.

Apocalipsis 5:14

Evokoi irugätu ava yuvɨrekove va'e aipo e'i yuvɨreko: “¡Amén!” Iyavei ikwaiprɨ veinticuatro tuprɨ yuvɨrekoi va'e, a'e oñenopɨ'ä yuvɨreko sovai imboeteisave.

Apocalipsis 6:8

Ama'e, ipare asepia kavayu iyu rasɨ va'e, ava i'arɨ pendar serer va'e Te'ögwer. Ipare sakɨkwei ou va'e oiko a'e serer Omano-va'e-rekosa, a'e chupe imondosa teko pirätäsa ɨvɨ imoirugätusa ya'okwer rupi igwata agwä ava yuka agwä vavasa pɨpe, tɨepore'ɨ̇ pɨpe, mba'erasɨ pɨpe, mba'e ɨpɨ pɨpe aveino.

Apocalipsis 9:1

Mbigwai ɨva pendar imbopoyandeposa omoñe'ëse gwemimbɨ, a'ese asepia yasɨtata ovɨapi va'e ɨva sui ou ɨvɨve; ipare chupe imondosa ɨvɨkwar pɨkuku pɨ̇tümimbi va'e mboisa.