ಪಿಲಿಪ್ಪಿ 4:8 - गवली उनाई नियम

⁸ इनिघल्जी हे डाईचो, जो बातोनौर अच्छा एठा आदर्णीय होय, सच्चो होय, प्रशंसनीय होय, धार्मिकता गा होय, एठा चोखरा एठा मनेन घाऊरोंगो होय, डी बातोनौर लिंजेन ध्यान येंडाए चाले।

ದೆವಾಚಿ ಖರಿ ಕಬರ್ ನವಾ ಕರಾರ್

⁸ ಸರ್ತ್ಯಾಯಳಾಲಾ, ಭನ್ಹಿ ಬಾವ್ಹಾನು, ಕಚ಼ ಖರ, ಕಿಮ್ತಿಚ಼, ನೀಯತಿಚ಼, ನಿರ್ಮಳ್, ಮಾಯೆಚ಼, ಮರೆದಿಚ಼ ಹಾ, ಕಚ಼ ಚಾ಼ಂಗಲ್ಯಾ ಗುನಾಚ಼ ಹಾ, ಕಚ಼ ಮರೇದಿಲಾ ಚಾ಼ಂಗ್ಲ ಹಾ, ತ್ಯಾ ಸಗ್‌ಳ್ಯಾಂಚಿ ಕ್ಯಾಳ್ಜಿ ಕರಾ.

ಪಿಲಿಪ್ಪಿ 4:8 Cross References

ಮತ್ತಾಯ್ 22:16

डे मतलब दिकुनी हेजा चेलाकूके हेरोदेस राजा गा साथो दियागा मेरान इनी मंडी कुल्केकु, “हे गुरु, आले हाडाई कि अमा हमेशा सच्चो गघालबा होय। एठा परमेश्वर गा राज्य शिक्षा सच्चाई टे जेबा होय। एठा आम जेका परवाह बान दडा, चोयाकी आम कोरो गा म्वार धोटे बातो बाने।

ಮಾರ್ಕ್ 6:20

चोयाकी हेरोदेस राजा यूहन्ना के धर्मी एठा चोखरा कोरो मेंटटोन दियाटे हिगरा डा, इनिघल्जी जेलेन डीचके सजाका डोएच डा। हारबार मेटे हेरोदेस राजा यूहन्ना के मंडीटे आजुम्डा, डीच भेबाव घबरातिंजू डा, पेनो एठाभी डीचके आजोम पपासंद डा।

लूका 16:15

मेटे यीशु नी दिकुटे मंडीके, “आम खुदके कुरकू गा सम्मान धर्मी ठहरातिंजेवा, पेनो परमेश्वर आपेगा मन के हाडाई। चोयाकी जो चीजो कोरो गा नजर गेन कास होय, देटेन परमेश्वर गा मेरान उजळातिंज होय।”

लूका 2:25

डी टेमो यरूशलेम शहर गेन शमौन जीमू म्या कोरो डा। डी कोरो धर्मी एठा परमेश्वर गा हिगरा दोडो मिठाच कोरो डा। एठा बेसबार टे मसीह गा इंतजार दडा लक्के डा, कि देटेन हेजे एठा इस्राएली कुरकू के तसल्ली जे। एठा पवित्र आत्मा दियागा सेंग्गोन डा।

लूका 23:50

यहूदिया जिल्हा गा म्या शहर अरिमतियाह टे, यूसुफ जीमू गा म्या कोरो डा। डीच म्या अच्छा एठा सज्जान कोरो डा, जो परमेश्वर गा राज्य हेजे गा राह दोडो लक्के डा। हालाकी डीच यहूदी कुरकू महासभा गा मुख्या डा, लेकिन दिकु इकुगा निर्णय एठा करवाई टे सहमत बाऊ।

ಯೊಹಾನ್ 7:18

जो हेज कोंटे चोचका मंडीवा होय, देटेन हेजेका सम्मान चाहतावा होय। पेनो जो हेजा कुकूल मिठाच गा सम्मान चाहतावा होय देटेन ईमानदार होय एठा दियेन बैमानी बाऊ होय।

ಅಪೊಸ್ತಲ್ 10:22

दिकुनी जवाब जीके, “कुरनेलियुस मुख्या जो धर्मी एठा परमेश्वर टे हिगरा मिठाच एठा सेबाई यहूदी कुरकू गा तालान जीमू के कोरो होय, डीचनी म्या चोखरा स्वर्गदूतकु टे इनी सुचना घाटावे होय, कि आमके हेजा उरान हाकोटे अमाटे शिक्षा आजुमे।”

ಅಪೊಸ್ತಲ್ 22:12

“मेटे हनन्याह जीमू गा मूसा गा नियम गा रोंगो म्या भक्त कोरो डा।” जो डेगा थंदळ मिठाच सेबाई यहूदी कुरकू गेन ज्यादा जीमू डा। इंजा मेरान हेन,

ಅಪೊಸ್ತಲ್ 6:3

इनिघल्जी हे डाईचो, आपेगा याईय्या पक्का जीमू डाऊ सनाकुके जो पवित्र आत्मा एठा दिमाग टे भेट्टिके टासो कालाम्जोम, कि आले दिकुके इनी कामय लिंजेन थंदळकूवा।

रोमियो 13:13

जैसा दिनके सोबा जिऊवा होय, डेनोगोका आले सीधा चाल सेंदराय, न कि सोंगळया एठा सिडू कुत्या गेन, न आनोवा एठा लुच्चापन गेन, एठा न झागडा एठा जुलू गेन।

रोमियो 13:3

अगर जेका अच्छा कामय दडा लक्के होय, मेटे डीचके अधिकारीकु टे हिगरा गा जरुरत बाऊ होय। लेकिन अगर डीच बुराई दडा लक्के होय, मेटे दियाटे हिगरा होना। अगर आम अधिकारी टे हिगरा बान चाहता कि मेटे अच्छा कामय डाए मेटे डाबोलटे अमा आदर डाएवा।

रोमियो 14:18

जो इनी बातोनौर द्वारा मसीह गा सेवा दडावा होय, दिकु परमेश्वर गा प्रिय एठा कोरोकु द्वारा आदर घाटाएवा होय।

रोमियो 2:29

पेनो आसली यहूदी डी कोरो होय, जो तालाटे म्या यहूदी कोरो होय यानेकी दियागा मन गा खतना डाके मेना होय, एठा इनी परमेश्वर गा आत्मा गा कामय होय, ओल्के नियम गा बाने। येनेगो कोरो परमेश्वर टे तरीफ घाटाएवा होय कोरोकु टे बाने।

1 ಕೋರಿಂಥ್ 4:5

इनिघल्जी जब टाएन प्रभु बान हिरा मेटे टाएन जेका गा न्याय बाकी दडा। डीका अन्धकार गेन उखुके मिनी बातो के उजाला गेन साकोम्बा एठा कोरोकु गा दिल गा उखु मकसदनौर के ओडेवा। डी टेमो हर म्याखोम के परमेश्वर गा कोनेटे बढाई घाटाऊवा।

2 ಕೊರಿಂಥ 13:7

आले परमेश्वर टे प्रार्थना दडावा होय, कि आपे तुनिका बुराई बाकी दडा। इनी घागल गा घल्जी बाने कि आलेगा सेवा कामय आपे कुरकू गा तालान साटे कमयाबके होय। पेनो इनिघल्जी कि आपे डीका डाए, जो सही होय, डाबोलटे भलाका आले बान कमयाबू होय।

2 ಕೊರಿಂಥ 6:8

जब कुरकू आलेगा बढाई दडावा होय या जब दिकु आलेके खीजो दोडोवा होय, दिकु दूसराकु के घालेवा होय, कि आले बुरा कुरकू या अच्छा कुरकू होय, एठा आलेके भुबल्ला मिठाच समझातिंजकोम्बा होय, जब कि आले सच्चाई मंडीवा होय।

2 ಕೊರಿಂಥ 8:18

आले दिकुगा सेंग्गोन डी विश्वासी डाईके कुलेच लक्के होय, जो अच्छा खाबोर गा प्रचार गा वोजीटे सेबाई मसीह गा मंडलीनौर गेन बढाई गा वाजा होय।

2 ಕೊರಿಂಥ 8:21

चोयाकी न बस प्रभु गा नजर गेन, बनकी कोरोकु गा नजर गेन भी आले अच्छा स्वाभव दडा गा ध्यान दोडोवा होय।

गलातियों 5:22

पेनो पवित्र आत्मा गा द्वारा ओटमिनी गुण इनी होय, प्यार, खुशी, शांती आराम्बो, एठा दया, भालाई, विश्वास,

इफिसियों 4:25

इनिघल्जी आपे कुरकू लाबाळ मंडी आराकी एठा हरेक विश्वासी इनिज-दियाटे सच्चो मंडे, चोयाकी आले म्याका कोम्बोर गा अंगो होय।

इफिसियों 5:9

चोयाकी अगर तुनिका कोरो उजाला गेन होय, मेटे डीच सच्चो एठा सही होय एठा दिया लिंजेन भरोसा डाए सकतावा होय।

इफिसियों 6:14

इनिघल्जी आपे सच्चाई गा पट्टा रेवेटटे, एठा सही टे व्यवहार डाए। इनी झिलम उरी गा रोंगो होय।

ಪಿಲಿಪ್ಪಿ 3:1

इनिघल्जी हे इंजगा विश्वासी डाईचो, प्रभु गेन खुशो थंदळे। डीका बातोनौर के आपेके डाबोलटे ओलेन इंजेन मेटे तुनिका ताक्लिप बान डाऊ। एठा इंजा इनी बातोनौर के ओल आपेके भटकातिंजू टे बचातिंजकोम्बा।

ಕೊಲೊಸ್ಸೆ 4:5

साही मौका गा इस्तमाल डाटे अविश्वासीकु गा सेंग्गोन दिमागदरी गा सेंग्गोन व्यवहार डाए।

1 ತೆಸಲೊನಿಕ್ 4:12

इनी खिजा आपे दिकुटे आदर घाटाए चाले जो विश्वासी बाऊ होय, एठा आपेके इकुगा जरुरत घल्जी तुनिका कमी बाकी डाऊ।

1 ತಿಮೊತಿ 2:2

राजाकु एठा सेबाई ऊँचा पदमिंकु घल्जी प्रार्थना डाकी चाले, ताकी दिकु आलेके शांती एठा ईश्वरीय जीवन बिबातातिंजेन मदत डाकी एठा दियागा द्वारा आले परमेश्वर गा आदर डाकी होना एठा हमेशा दूसराकु गा सेंग्गोन अच्छा व्यवहार डाकी होना।

1 ತಿಮೊತಿ 3:11

इनिका रोंगो दिकुगा जापाएकु के भी गम्भीर थंदळ होना, एठा दिकु आनोवा तोटाका बाकी होना, पेनो गम्भीर, सम्मन लायको एठा सेबाई बातोनौर विश्वास लायको होना।

1 ತಿಮೊತಿ 3:4

डेननी हेजा उरा गा अच्छा सोए दडा गा खूबी होना, एठा हेजा कोणकु के हार बातोन आदर गेल्ला दियागा हुकूम ममानातिंज इथू होना।

1 ತಿಮೊತಿ 4:12

अमा जबान टाकु गा वोजीटे जेका आमके बेकार बाकी ससामझातिंज। पेनो आपे आपेका बातो-चितो गेन, आपेगा स्वभाव गेन, प्यार गेन, विश्वास गेन एठा पवित्रता गेन विश्वासी कुरकू गा घल्जी नमूना आरुयु।

1 ತಿಮೊತಿ 5:10

एठा दिकु इकुगा भलाई कामय गा वोजीटे चिनाऊवा होय, जैसा कि म्या जापाए हेजा गा कोणकु गा पालन-पोषान दडा, पउंचार दडा, प्रभु गा कुरकू गा सेवा दडा, मुसीबत गेन कुरकू गा मदत दडा, एठा हर म्या भला कामय गा घल्जी खुदके समर्पित डाके।

1 ತಿಮೊತಿ 5:2

आपेन खाट बाईकु गा सेंग्गोन डेनोगोका व्यवहार दडा होना जैसा कि डीच आमगा खुद आंटे होय एठा चफनी बाईकु गा सेंग्गोन डेनोगोका व्यवहार डाए, जैसा दिकु आपेगा खुद गा बोकाजाई होय। सपा मन टे येगोगो डाए।

तीतुस 1:8

डीच पांचार दडामिठाच, एठा दूसराकु गा सेंग्गोन भलाई दडामिठाच होना, संयमी होना, न्यायि होना, चोखरा होना एठा अनुशासन प्यार होना।

तीतुस 2:14

जो मसीह यीशु नी हेज खुदके आलेगा जीके मेना। कि देटे डीच आलेके सेबाई रेंग्गो गा बुरा कामय टे बचातिंजकोम्बा एठा आलेके चोखरा प्रजा आरुकोम्बा, जो चोखरा डाऊवा, जो दियागा खुद गा डाऊवा एठा अच्छा कामय दडा गा घल्जी तैयार थंदळवा।

तीतुस 2:2

बुड्डा कोरोकु समझातिंज्कु कि दिकु सयमी, समाझदार, गम्भीर, विश्वास गेन मजबूत, प्यार एठा सेहेसेन गेन हमेशा आरुका थंदळकु।

तीतुस 2:7

इनी सेबाई बातो गेन आम आपना खुदके भला कामयनौर गा उदाहरण आरोए। जब आम विश्वासीकु इथूवा होय, मेटे अमा शिक्षा गेन सफाई, गम्भीरता गा सेंग्गोन डायु।

तीतुस 3:14

आलेगा कुरकू भी जारुरातनौर के पुपारा गा घल्जी अच्छा कामयनौर गेन चालु थंदळ इठोए। इनी रोंगो दिकु खुद गा जरुरत गा घल्जी दूसराकु लिंजेन निर्भर बाकी थंदळ, एठा दिकु म्या मकसद गा सेंग्गो जीवन बितातिंजे।

ಇಬ್ರಿಯ 11:2

विश्वास गा वाजा आलेगा जुना सानाकु नी परमेश्वर टे कृपा घटाके।

ಇಬ್ರಿಯ 13:18

आपे आलेगा घल्जी प्रार्थना डाएका चाले। आलेन विश्वास होय कि आलेगा मन सापा होय, चोयाकी आले हरेक परिस्थिति गेन सही आचरण दडा चाहतावा होय।

ಯಾಕೊಬ್ 1:27

आलेगा परमेश्वर बाटे गा मेरान चोखरा एठा निर्मल भक्ति इनी होय, कि अनाथकु एठा विधवाकु गा मुसीबातनौरेन दिकुगा ध्यान डोएबा, एठा खुदके दुनिया गेन डाऊ मिनी बुरा व्यवहार टे खुद लिंजेन बाकी हेजडाए।

ಯಾಕೊಬ್ 3:17

पेनो जो ज्ञान स्वर्ग टे हेजेवा होय, डीच पेला मेटे चोखरा थंदळवा होय, डाबोलटे मिलनसार, नेरोम एठा नम्र स्वाभव एठा दया एठा अच्छा कामय टे भेट्टिके मिनी, पक्षपात एठा कपट दियेन बान थंदळ होय।

1 पतरस 1:22

चोयाकी सच्चाई गा पालन दडा गा द्वारा आपेके चोखराकेमी, नका आपेन आमगा सोप्ती विश्वासी डाईचो टे बिनादागो टे सेंग्गोन प्यार दडा होना। इनिज-दियाटे आरी टेका पूरा दिल टे प्यार दडा सुरुका डोए।

1 पतरस 2:12

जो कुरकू परमेश्वर लिंजेन विश्वास बान दडा, दिकुगा तालन आपे कुरकू गा चाल-चालन भाला होना, इनिघल्जी कि जो-जो बातो गेन दिकु आपेके कुकर्मी मंडीटे आपेगा निंदा दडावा होय, दिकु आपेगा भाला कामयनौर के धोटे मसीह गा डाबोलटे हेजे गा दिन परमेश्वर गा महिमा डाएवा।

1 पतरस 4:8

सेबाई टे मेन बातो इनी होय, कि इनिज-दियाटे जादा प्यार डोए, चोयाकी प्यार चोटोका पापोनौर के उगुरेवा होय।

2 पतरस 3:1

हे इंजा प्यारे विश्वासी डाईचो, इंज आपेके नका दूसरा बार पत्री ओल्बा मेना। इंज्नी आपेके इनी बरी पत्री इनिघल्जी ओल्के होय, ताकी जो बातो आपे पेलाटेका हाडाई होय, डेगा बारेन आपेके यादो जिऊ गा द्वारा इंज आपेगा मन गेन चोखरा बिचार के ओटकी होना।

1 ಯೊಹಾನ್ 3:18

हे इंजा प्यारे कोणकु, आले वचन एठा बातो टेका बाने, पेनो कामय एठा सच्चाई टे प्यार डाए।

1 ಯೊಹಾನ್ 3:3

एठा जो जेकाभी मसीह लिंजेन इनी आसा दोडोवा होय, डीच हेज खुदके डेनोगोका चोखरा आरोएवा होय, जैसा डी चोखरा होय।

1 ಯೊಹಾನ್ 4:1

हे प्यारे सोपतीकु, हर म्या कोरो लिंजेन विश्वास बाकी दडा जो मंडीवा होय कि दिकुन नी परमेश्वर गा आत्मा होय, येनेगो कोरोकु के चिनाकु कि जो आत्मा दिकुन होय डी परमेश्वर गा होय या बाने, चोयाकी घोनेच टे लबाळ कुरकू दुनिया गेन ओटके होय, जो हेज खुदके परमेश्वर गा कोनेटे मंडीमिठाच घालेवा होय।