ಪಿಲಿಪ್ಪಿ 4:7 - गवली उनाई नियम

⁷ एठा परमेश्वर गा शांती जो कोरोकु गा समाजोटे पारे होय, आपेगा दिल एठा बिचारनौर के मसीह यीशु गेन सजाका डोएबा।

ದೆವಾಚಿ ಖರಿ ಕಬರ್ ನವಾ ಕರಾರ್

⁷ ತವಾ ಸಗ್ಳೆ ಸಮಜು಼ಕಿವ್ನಿ ಆಗಾವ್ ಆಸ್‍ಲ್ಯಾಲಿ ದೆವಾಚಿ ಶಾಂತಿ ತುಮ್ಚಿ ಮನ, ಯವಜ಼್ನಾ ಕ್ರಿಸ್ತ ಯೆಸುಪ ರಾಖುನಿ.

ಪಿಲಿಪ್ಪಿ 4:7 Cross References

लूका 2:14

“सेबाई टे ऊँचा टे स्वर्ग गेन परमेश्वर गा महिमा एठा पृथ्वी लिंजेन डी कुरकू गेन दिकुटे देटेन खुशोके होय शांती डायु।”

ಯೊಹಾನ್ 14:27

इंज आपेके शांती जेबा मेना। खुद गा शांती इंज आपेके जिऊवा मेना। जैसा दुनिया जिऊवा होय, डेनोगो इंज आपेके बान जिऊ। आपेगा मन परेशानु बाकी एठा हिगरा बाकी।

ಯೊಹಾನ್ 16:33

इंज्नी इनी बातो आपेटे इनिघल्जी मंडीके होय कि आपेन इंजा वोजीटे शांती घटायु। दुनिया गेन आपेन ताखलिफ सेहसेन होना पेनो हिम्मत डोए, इंज्नी दुनिया खाट कोरो शैतान के हरातिंज्केनेच होय।”

रोमियो 1:7

इंज इनी चिठ्ठी रोम शहर गेन थंदळ मिंकू आपे सेबाई विश्वासीकु के ओल्बा मेना, दिकुके परमेश्वर प्यार दडावा होय एठा दिकुके हेजा चोखरा कुरकू डाऊ गा घल्जी हाकोलेमी होय। आलेगा परमेश्वर बाटे एठा प्रभु यीशु मसीह आपेके कृपा एठा शांती जे लक्कू।

रोमियो 14:17

चोयाकी परमेश्वर गा राज्य जोजोम-कखाफ गा बाने, बनकी डी आलेगा विश्वासी डाईचो गा तालान धार्मिकता, शांती एठा खुशी गा बारेन होय, जो पवित्र आत्मा टे घाटाऊवा होय।

रोमियो 15:13

इंज प्रार्थना दडावा मेना, परमेश्वर जो आसा गा पाजेर होय, आपे कुरकू के विश्वास गा द्वारा खुशी एठा शांती जे चाले, देटे पवित्र आत्मा गा शक्तीटे आपे कुरकू गा आसा पुरायु।

रोमियो 5:1

इनिघल्जी जब आलेन विश्वास गा द्वारा परमेश्वर गा सेंग्गोन धर्मी आरुकेमी होय मेटे आले आलेगा प्रभु यीशु मसीह गा द्वारा परमेश्वर गा सेंग्गोन शांती टे थंदळवा होय।

रोमियो 8:6

जो कुरकू पापी स्वभाव लिंजेन मन येंडावा होय दिकुगा मेरान गुजू का होय, पेनो जो कुरकू पवित्र आत्मा लिंजेन मन येंडावा दिकुगा मेरान जीवन एठा शांती होय।

2 ಕೊರಿಂಥ 10:5

आले आलेगा सोचनौर एठा घमंड टे ओटजे मिनी डी सेबाई बातो गा नाशो डाएवा होय, जो परमेश्वर के हाडाई गेन आळा येंडाएवा होय। इनी हथियारनौर गा द्वारा दिमागमिठाच कोरोकु के मसीह गा हात टाल्लेन मनेन दडा गा घल्जी मजबूर दडावा होय,

2 ಕೊರಿಂಥ 13:11

इनिघल्जी हे विश्वासी डाईचो खुशो थंदळे, विश्वास गेन पक्का आरोए चाले, इंजा शिक्षानौर लिंजेन ध्यान जे चाले, म्याका मुठ्ठी थंदळे, इनिज-दियाटे मिलातिंज डोए, एठा प्यार एठा शांती गा परमेश्वर आपेगा सेंग्गोन थंदळकु।

गलातियों 5:22

पेनो पवित्र आत्मा गा द्वारा ओटमिनी गुण इनी होय, प्यार, खुशी, शांती आराम्बो, एठा दया, भालाई, विश्वास,

इफिसियों 3:19

इंज प्रार्थना दडावा मेना, कि आपे मसीह गा इनी प्यार के चिनाए जो कोरोकु गा समाझो टे बल्लान होय, ताकी आपेगा स्वभाव परमेश्वर गा पूरा स्वभाव खिजा आरुयु।

ಪಿಲಿಪ್ಪಿ 1:1

इंज पौलुस, मसीह यीशु गा भाग्य एठा तीमुथियुस गा कोनेटे फिलिप्पी शहर गेन थंदळ मिठाच परमेश्वर गा कुरकू के, सेंग्गोन मुख्याकु एठा सेवककु के इनी चिठ्ठी ओल्बा मेना।

ಪಿಲಿಪ್ಪಿ 1:2

आलेगा परमेश्वर बाटे एठा प्रभु यीशु मसीह गा कोनेटे कृपा एठा शांती आपेन घाटाऊ लज्जू।

ಪಿಲಿಪ್ಪಿ 4:19

इंजा परमेश्वर भी हेजा डी डामा गा रेंगो, जो महिमा गेल्ला मसीह यीशु गेन होय, आपेगा हरेक जरुरत के पुराएवा।

ಪಿಲಿಪ್ಪಿ 4:21

यीशु मसीह गेन हर म्या चोखरा कुरकू के इंजा नमस्कार मांडे। जो विश्वासी डाई इंजा सेंग्गोन होय, दिकु कोनेटे आपेके नमस्कार।

ಪಿಲಿಪ್ಪಿ 4:9

जो बातोनौर आपेनी इंजाटे इथूके होय एठा जो शिक्षा आपेनी इंजाटे मनेनके होय। एठा जो उदहारण इंज्नी इंजा शब्दनौर एठा कामय गा द्वारा आपेके घाल्के होय, डेगा पालन डाए। मेटे शांती जिऊमिठाच परमेश्वर आपेगा सेंग्गोन थंदळवा।

ಕೊಲೊಸ್ಸೆ 3:15

मसीह गा शांती आपेगा मनेन राजो डाए, चोयाकी आपे सेबाईकु म्याका कोम्बोर गा अंगो होय, इनिघल्जी आपेन इनिज-दियागा सेंग्गोन शांती टे थंदळ घल्जी हाकोकेमी होय, एठा धन्यवाद डाए लक्कू।

2 ತೆಸಲೊನಿಕ್ 3:16

नका शांती गा प्रभु, आपेके हर टेमो एठा हर रोंगो टे शांती जे। प्रभु आपे सेबाईकु गा सेंग्गोन थंदळे।

ಇಬ್ರಿಯ 13:20

एठा नका, शांती गा परमेश्वर, डीचनी आलेगा प्रभु यीशु मसीह के मुर्दाकु टे जीटाकेनेच, आपेके तैयारकेमी ताकी आपे दियागा इच्छाके पुराकी। डीच आपेगा तालान मसीह यीशु गा शक्तीगा द्वारा डी सेबाई चीजोनौर के ओटकी चाले जो दियेन अच्छा घाईव्वा होय। यीशु हमेशा टे परमेश्वर गा द्वारा जीकेमिनी वादा गा द्वारा हेजा गा मेंडाकू गा म्या महान ताठया होय, दिकु लिंजेन हेजा गा पचना गा द्वारा चिक्खा येंडाके होय। दियागा महिमा हमेशा- हमेशा गा डाऊ लक्कू, आमीन।

यहूदा 1:1

इंज यहूदा, यीशु मसीह गा भाग्य एठा याकूब गा सानी बोकोटे, डी कुरकू के इनी पत्र ओलेकीबा मेना जो परमेश्वर गा द्वारा हाकोके मिंकू होय एठा जो आलेगा परमेश्वर बाटे गा प्रिय होय एठा यीशु मसीह गेन सजाका होय।

ದರ್ಶಾನ್ 1:4

इंज यूहन्ना, इनी पत्र आपे याई मसीह गा मंडलीनौर गा विश्वासीकु गा घल्जी ओल लक्के मेना, जो आसिया जिल्हा गेन टाकु होय। इंज प्रार्थना दडावा मेना कि आपेके परमेश्वर गा कोनेटे कृपा एठा शांती हासिलजू होना। डीच डीका परमेश्वर होय, जो टेमो गा सुरुवात टे साटे आए टाएन एठा हमेशा गा घल्जी म्या होय एठा बान बदलाऊ। एठा डी याई आत्मानौर गा कोनेटे, जो, परमेश्वर गा सिंघासन गा सम्मान होय।

ದರ್ಶಾನ್ 2:17

हर जेका जो इंजा खाबोर के समझातिंजू चाहतावा होय, दियेन डी बातो के ध्यान टे आजुम होना, जो पवित्र आत्मा मसीह गा मंडली टे मंडीवा होय। जो बुराई लिंजेन जीटाऊवा, डीचके इंज उखु मन्ना तालाटे जेबा, एठा डीचके म्या पुलूम घोटा भी जेबा, एठा डी घोटा लिंजेन म्या जीमू ओल्टे थंदळवा, जो कोरो डीके घोटा हासिलेवा। डीके आराटे जेकाभी डी जीमू के बान हाडाईयु।