فیلیپیان 4:9 - گیله ماز

⁹ اونچه که می جی یاد بِیتین و قبول هَکوردین و هر اونچه می جی بِشنَوِسّین و یا می دِلِه بَدیِیَین، هَمونِه بِجا بیارین، که خُدای آرامش شیمی هَمرَه دَرِه.

کتاب مقدس به زبان مازندرانی - گویش غربی

⁹ اونچی گه میجا یاد بَیتِنی و بِدس بیاردنی، میجا بِشنُسِنی و می دِلِه بَئینی رِه، هَینِنِه بِجا بیارین، گه خِدای صِلح و سلامتی شِمِه هَمرا دَرِه.

کتاب مقدس به زبان مازندرانی - گویش شرقی

⁹ اونچی مِ جِم یاد بَییتِنی و به دَس بیاردینی و مِ جِم بِشنُسینی و مِ دِله بَدینی ره، اینا ره به جا بیارین، که خِدائه صِلح و سِلامتی شِمه هِمراه دَره.

فیلیپیان 4:9 Cross References

اِنجیلِ مَتّی 1:23

«ایتا اَذَب کیجا شِکَمدار بونه، ایتا ریکا زانِه که اونه عِمانوئیل گونَن،» که اونه مَعنی خُدا اَمیِ هَمرَه هیسه.

اِنجیلِ مَتّی 28:20

و اوشانه تعلیم هَدین که اونچه رِه که شِمِره دَستور هَدَم، بِجا بیارِن. بِدانین مَن تا آخَرِ زَمان هَمش شِیمی هَمره دَرَم!»

اِنجیلِ مَتّی 7:21

«نه هَر کی که مَرِه ’خُداوند، خُداوند‘ باگو آسِمانِ پادشاهی یه دِلِه شونِه، بلکه فقط اونی شونِه که می پیَره خواسِّه رِه که آسِمانِ دِلِه دَرِه رِه به اَنجام بَرِسانِه.

لوقا 6:46

«چِطور بونه که، مَرِه ’آقا، آقا‘ دُخوانید، وَلی اونچه که گونَم رِه عَمَل نُکانید؟

لوقا 8:21

وَلی عیسی اوشانه جِواب باگوته: «می مآر و اَداشان اوشانیِیَن که خُدایِ کَلامِ اِشنَوِنَن و اونِه عَمَل کانَن.»

اِنجیلِ یوحنا 13:17

اَسِه که اینِه دانید، خوش بِحالِ شُما اَگِه اینِه اَنجام هَدین.

اِنجیلِ یوحنا 15:14

اَگِه اونچه شِمِره حُکم کانَم رِه عَمل هَکُنید، می رَفیقانید.

اِنجیلِ یوحنا 2:5

اونِ مآر پاکارانِ باَگوته: «هر چی شِمِره گونِه، هَکُنید.»

اعمال رَسولان 9:6

اَسه، وَرِس وبه شَهر بوشو. اوجِه تِرِه گونَن چه بایسّی هَکُنی.»

رومی ایشون 15:33

خُدایِ صُلح و سلامتی شیمی هَمرَه دَبو. آمین.

رومی ایشون 16:20

خُدای صُلح و سلامتی خیلی زود شِیطانِ شِیمی لِنگِ جیر لِه کانه. اَمیی خُداوند عیسی یِه فیض شِیمی هَمرَه دَبو.

اوّلین نامِه قُرنتیانی سِه 10:31

پَس هر چی خارنین، و هرچی نوشِنین یا هر کارِی کانیید رِه، هَمِرِه خُدایِ جَلالِ وَسین هَکُنید.

اوّلین نامِه قُرنتیانی سِه 14:33

چون خُدا، هرج و مرج خدا نیه، بلکه صلح و سلامتی یه خُدائِه، هَمونجور که تمام مُقدَّسین کلیساهایِ دِلِه اینجوره.

اوّلین نامِه قُرنتیانی سِه 4:16

پَس شیمی جی خواهش کانَم می جی سَرمشق هَگیرین.

دوّمین نامه قرنتیانِ وَسین 13:11

سَر آخَر، اِی اَداشان، خوشحال هَبین؛ شیمی فِکر این هَبو که باز هَم جان هَگیرین؛ و همدیگرِ تسلّی هَدین، همدیگرِ هَمره هم نظر هَبین، صُلح و سلامتی یه دِلِه زندگی هَکُنی؛ که خدایِ مُحبت و صُلح و سلامتی شِیمی هَمرَه ماندِنِه.

فیلیپیان 3:17

اِی اَداشان، با هم می جی سرمشق هَگیرین، وَ شیمی توجه رِه اوشانه وَسین بَنین که طِبق الگویی که اَمیی دِلهِ سُراغ دارِن، رفتار کانَن.

فیلیپیان 4:7

خُدایِ صلح وسلامتی که هر فهم جی بالاترِه، شِیمی دِلِشان و فِکرِشان رِه مسیحِ عیسی یِه دِلِه محافظت کانه.

اوّل تِسالونیکیان 1:6

شُما اَمیی جی و خُداوَندِ جی سَرمَخش بِیتین، چون خیلی مُصیبت دِلهِ، خُدایِ کلامِ اون خُشحالی یه هَمرَه که روح القدس دَنهِ، قبول هَکُردین.

اوّل تِسالونیکیان 2:14

چون اِی اَداشان، شُما خُدایِ کلیساها که یَهودیه منطقه یه دِلِه مسیحْ عیسی یِه دِلهِ دَرَن جی، سَرمشق بِیتین: چون شُما هَم شیمی هموطنِانِ جی، همون عذابا رِه بِدییَین که اوشان یَهودیِانِ جی بَدییَن،

اوّل تِسالونیکیان 5:23

اَسِه خُدای صُلح و سلامتی خودِش شِمِره کامِلاً تقدیس هَکونه، و شیمی روح و جان و تَن رِه، تا اَمی خُداوند عیسیِ مَسیح بموئَنِ موقِه بی‌عیب بُمانه.

دوّم تِسالونیکیان 3:4

اَما خُداوندِ دِلِه شِمِره اطمینان داریم، اونچه که شِمِره حُکم کانیم رِه، بِجا هارنین و انجام دَنید.

دوم تیموتائوس 4:22

خداوند تی روح هَمرَه دَبو. خُدایِ فیض شِیمی هَمرَه دَبو.

یعقوبِ نامه 1:22

خُدایِ کَلامِ بِجا بیارین، نه فقط اونِهِ بِشنُئین؛ شِمِرِه گول نَزِنین!

پطرسی دِوّمین نامِه 1:10

پَس اِی اَداشان، بیشتر تَقلّا هَکُنید تا شیمی دعوت و اِنتخاب هَبوسَّن رِه ثابت هَکُنید، چون اگه این کارِ هَکونید هیچ وَقت نَکِّنین

اوّل یوحنا 3:22

و هر چی اونه جی بِخوایم گیرنیم، چون اونه اَحکامِ عمل کانیم و اونچه که اونه خوشحال کانه رِه کانیم.