فیلیپیان 4:7 - گیله ماز

⁷ خُدایِ صلح وسلامتی که هر فهم جی بالاترِه، شِیمی دِلِشان و فِکرِشان رِه مسیحِ عیسی یِه دِلِه محافظت کانه.

کتاب مقدس به زبان مازندرانی - گویش غربی

⁷ خِدای صِلح و سلامتی گه هر فهمی جا بالاترِ، شِمِه دِلیشون و فِکریشونِه مَسیحْ عیسایی دِلِه مِحافظت کِنِّه.

کتاب مقدس به زبان مازندرانی - گویش شرقی

⁷ خِدائه صِلح و سِلامتی که هر فَهمِ جِم بالاترِ، شِمه دلها و فِکرا ره مَسیحْ عیسیِ دِله محافظت کانده.

فیلیپیان 4:7 Cross References

لوقا 1:79

تا اوشانیکه ظُلَمات و سایِه مَرگِ دِلِه نیشتَن رِه روشَنایی هَده، وَ اَمیی قَدَمِ، صُلح و سَلامتی یه راه دِلِه هِدایَت هَکونه.»

لوقا 2:14

«جَلال خُدا رِه آسِمانِ عَرشِ دِلِه، وَ صُلح و سَلامتی اوشانه وَسین که خُدا زَمینِ سَر اوشانه جی راضیِه!»

اِنجیلِ یوحنا 14:27

شِمِره آرامش و سَلامتی بِجا نَنَم؛ می آرامش و سَلامتی رِه شِمِره دَنَم. اونچه مَن شِمِره دَنَم، اونجوری نییِه که دُنیا شِمِره دَنِه. شِیمی دِل پَریشان نبو و نُزارین شِیمی دِل تَرس دَکِه.

اِنجیلِ یوحنا 16:33

ایشانِ شِمِره باگوتَم تا می دِلِه آرامِش بِدارین. دُنیایِ دِلِه شِمِرِه زَحمَت و عَذاب دَرِه؛ وَلی شیمی دِل قِرص هَبو، چون مَن دُنیا رِه پیروز هَبام.»

رومی ایشون 1:7

تمام اوشانه وَسین که رومِ شهرِ میَن دَرِن، که خُدا اوشانه دوس دارِه و اوشانه دُخوانِسِّه تا خُدایِ مُقَدَّس قوم هَبون: فیض و سلامتی اَمیی پیَر، خُدا، و خُداوند عیسی مَسیح طَرَفِ جی، شیمی هَمرَه دَبو.

رومی ایشون 14:17

چون خُدایِ پادشاهی بُخاردَن و بَنوشیَن نیِه، بلکه صالحی، صُلح و سلامتی، وخوشحالی روح القُدُسِ دِلِئِه.

رومی ایشون 15:13

هَبو خُدایی که اُمید دَنِه شِمِرِه ایمانِ دِلِه، خُشحالی و آرامشِ جی پُر هَکونِه، اونجور که روح القُدُسِ قُوَّتِ هَمره، اُمیدِ جی پُر هَبین.

رومی ایشون 5:1

پَس چون ایمان راهِ جی صالِح بِشمارِسِّه هَبَیم، اَمیی خُداوند عیسی مسیح طَریقِ جی خُدایِ هَمرَه صلح داریم.

رومی ایشون 8:6

چون اون آدَمی که خودِشِ فِکرِ اون چیزانِ سَر که جِسمانیِه نَنِه، مَرگِ، وَلی اون فکری که خُدایِ روحِ دُمّال دَرِه، زندگی و سلامتیِه.

دوّمین نامه قرنتیانِ وَسین 10:5

اَما هر بحث و هرکسی که خُدایِ معرفتِ علیه گَتِه نظر دَنِه رِه از بِین بَرنیم، و هر فکری رِه مجبور کانیم که مسیحِ جی اطاعت هَکونِه

دوّمین نامه قرنتیانِ وَسین 13:11

سَر آخَر، اِی اَداشان، خوشحال هَبین؛ شیمی فِکر این هَبو که باز هَم جان هَگیرین؛ و همدیگرِ تسلّی هَدین، همدیگرِ هَمره هم نظر هَبین، صُلح و سلامتی یه دِلِه زندگی هَکُنی؛ که خدایِ مُحبت و صُلح و سلامتی شِیمی هَمرَه ماندِنِه.

غَلاطیان 5:22

وَلی خدای روحِ ثَمَرِه، مُحبت، خُشحالی، صلح وسلامتی، صبر، مهرَبانی، خوبی، وَفاداری،

اِفِسُسیان 3:19

وَ مسیحِ محبت که بَشرِ معرفتِ جی بالاتر هیسِه رِه بِشناسین - تا خُدایِ کاملِ پُری یه جی سَرمشت هَبین.

فیلیپیان 1:1

پولُس و تیموتائوسِ طرفِ جی، مسیحِ عیسیِ پاکاران، تمام مُقَدَسینِ وَسین که مسیحْ عیسی دِلِه فیلیپی شهرِ دِلِه دَرِن، ناظِران و شَمّاسان:

فیلیپیان 1:2

فیض و صلح و سلامتی، اَمی پیَر، خُدا، وَ خُداوند عیسیِ مَسیحِ طَرَفِ جی، شِمِره بییِه.

فیلیپیان 4:19

وَ می خُدا، تمام شیمی اِحتیاجان رِه، خودِشِه پُر جلالِ دولت طَریقِ جی، مسیحْ عیسی دِلِه برطرف کانه.

فیلیپیان 4:21

تمام مُقَدَّسین وَسین عیسی یِه مسیحِ دِلهِ سَلام بَرِسانین. اَداشانی که می هَمرَه دَرِن، شِمِره سَلام رِساندِنِن.

فیلیپیان 4:9

اونچه که می جی یاد بِیتین و قبول هَکوردین و هر اونچه می جی بِشنَوِسّین و یا می دِلِه بَدیِیَین، هَمونِه بِجا بیارین، که خُدای آرامش شیمی هَمرَه دَرِه.

کولُسیان 3:15

مسیحِ صُلح و سلامتی شیمی دِلِ میَن حاکم هَبو، چونکه دُخوانده هَبَین تا ایتا تن اعضا‌ مِثان صلح و سلامتی دِلِه زندگی هَکونید و شکرگزار هَبین.

دوّم تِسالونیکیان 3:16

اَسِه، خُداوندِ صُلح و سلامتی خودِش، هَر موقِه و هر وضعیت دِلِه شِمِره صُلح و سلامتی هَدِه. خداوند شیمی همه یه هَمرَه دَبو.

نامِه مَسیحینی عبرانی نِژادی سِه 13:20

اَسِه که خُدای صُلح و سلامتی، اَمیِ خُداوند عیسی یعنی گوسِندِشانِ گَتِ گالِش اون اَبدی عهد خونِ هَمرَه، مُردِگانِ جی زندهِ هَکُردِه،

یهودائه نامه 1:1

یَهودایِ طرفِ جی، عیسیِ مَسیح پاکار و یعقوبِ اَداش، اوشانیکه دُخوانده هَبان خُدای پیَرهِ دِلهِ عزیزِن، وَ اوشانیکه عیسیِ مَسیح وَسین محفوظ هَبان:

یوحنایِ مکاشفه 1:4

یوحنایِ طرفِ جی، هفتا کلیسای وَسین که آسیایِ منطقه یه دِلِه دَرِن: فیض و صُلح و سلامتی، اونه طرفِ جی که دَرِه و دَبا و هَنهِ، شِمِرِه بیه، و هفتا روحِ طرفِ جی، که اونه پادشاهی یه تَختِ پِیش دَرِن،

یوحنایِ مکاشفه 2:17

«اونکه گوش دارِه بِشنوئهِ که خُدایِ روح کلیساها رِه چی گونِه. هر کی که پیروز هَبو، اون جاهَدَه ’مَنّایِ‘ جی اونه دَنَم و ایتا اِسبی سَنگ اونه دَنَم، که اونه سَر ایتا جدیدِ اِسم بَنوِیشتِه هَبا که هیچکَس اونه نِدانِه، بِجُز کسی که اونِه گیرنِه.