فیلیپیان 4:17 - گیله ماز

¹⁷ نه اینکه هَدیه بِیتَنِ دُمّال دَبوم، بَلکه ایتا ثَمره دُمّال دَرِم که شیمی اعتبارِ خُدایِ وَر زیاد کانه.

کتاب مقدس به زبان مازندرانی - گویش غربی

¹⁷ نا هَینگه هَدیه ای دِمال دَووم، بَلگی یَتِه ثمری دِمال دَرمِه گه شِمِه اعتبارِ خِدایی وَر زیاد کِنِّه.

کتاب مقدس به زبان مازندرانی - گویش شرقی

¹⁷ نا اینکه هدیهِ دِمبال دَووِم، بلکه یِتا ثَمِرِ دِمبال دَرِمبه که شِمه اعتبارِ خِدائه پَلی زیاد کانده.

فیلیپیان 4:17 Cross References

اِنجیلِ یوحنا 15:16

شُما مَرِه اِنتِخاب نَکُردِین، بلکه مَن شِمِره اِنتِخاب هَکُردَم و روانه هَکوردَم تا بیشین و میوِه بیارین و شِیمی میوِه بُمانه، تا هر چی پیَرِ جی می اِسمِ هَمرَه بِخواین شِمِره هَدِه.

اِنجیلِ یوحنا 15:8

می پیَرِ جَلال اینجور آشکار بونه که شُما خِیلی میوِه بیارین، وَ اینجور می شاگِردان بونید.

رومی ایشون 15:28

پس وَختی این کارِ انجام هَدَم و اونچه که جم هَبا با رِه اوشانه دَس بَرِسانییَم، شیمی راهِ جی اسپانیایِ سمت شونَم.

دوّمین نامه قرنتیانِ وَسین 11:16

باز هَم گونَم: کَسی مَرِه نادان نِدانِه. وَلی اَگِه اینجور کانید، اَقَلاً مَرِه ایتا نادانِ آدَم مِثان قبول هَکُنید، تا مَنَم بِتَّنَم یِذَرِه فَخر هَکُنَم.

دوّمین نامه قرنتیانِ وَسین 9:5

پَس لازم بِدانِسَّم اَداشانِ جی بِخوام که پیشتر شیمی بَدییَنِ وَسین بییَن و اون هدیه هایی که وَعده هَدَه بِین رِه، تدارک بَینین. تا این هَدیه، هدیه ای هَبو که شیمی میلِ همره دَنین نه زور هَمرَه.

فیلیپیان 1:11

صالِحی یه ثمره یه جی پُرهَبین که عیسی مَسیحِ طریقِ جی به بار هَنِه، و خُدایِ جلال و حمد و ثنا هَکُردن رِه ختم بونِه.

فیلیپیان 4:11

اینِ احتیاجِ سَرِ جی نَگونَم، چون یاد بِیتَم که هر وضعیت دِلهِ قانِع هَبوم.

اوّل تِسالونیکیان 2:5

شما خوب دانید که اَما هیچ وخت چاپلوسی یه هَمرَه گَب نَزَییم، و خُدا سَر شاهدِ- وانمود هَکوردَنِ هَمرَه ایتا سرپوش مِثان طَمَعِ وَسین سود نَبِردیم.

اول تیموتائوس 3:3

نه عرق خور، نه زورگو، بلکه آرام هَبو؛ نه جنگی، نه پولدوس.

اول تیموتائوس 6:10

چون پولدوسی ریشه ایی یه که هر جور بَدی اونه جی به بار هَنِه، و هَمین پولِ حِرصِ که بعضیان ایمان جی دور بونَن، و خودِشان رِه خیلی دَردایِ گِرفتار هَکُردَن.

تیتوس 1:7

چون که ایتا ناظر که خُدایِ مُواشرِ، اونه زندگی هر سَرکوفِ جی بایسّی دور هَبو، اون نباید مغرور یا تُندِ مَزاج یا عرق خور یا زورگو هَبو یا پولِ حِرصِ بَزِنِه

تیتوس 3:14

بَنی اَمیی مَردُم یاد هَگیرِن احتیاجاتِ برطرف هَکُردَنِ وَسین خودِشان رِه خُجیرِ کارانِ وَسین وقف هَکُنَن و بی ثمر نَبون.

نامِه مَسیحینی عبرانی نِژادی سِه 6:10

چون خُدا بی انصاف نیِه که شیمی کار و مُحبتی که اونه اِسمِ خاطری مُقَدَسینِ خِدمتِ دِلِه نِشان هَدَین رِه یاد هَکونه. همونجور که هَلَه هم دَرید کانید.

اول پِطرُس 5:2

گَلِّه ایی که خُدا شیمی دَس بِسپارِسِّه رِه گالِشی و نِظارت هَکُنید، ولی نه زور زورکی بلکه میل و رغبتِ هَمرَه، همونجور که خُدا خَنِه؛ و نه شرم آورِ سودِ وَسین بلکه شوق هَمرَه.

پطرسی دِوّمین نامِه 2:15

اوشان راسِ راهِ وِل هَکُردَن و گُمراه هَبان، اوشان بَلعام، بِعورِ ریکایِ راهِ پِیش بِیتَن که ناراسی یه مُزِّ دوس داشتِه.

پطرسی دِوّمین نامِه 2:3

و خودِشانِه طمعِ راه دِله دِروئی گَبانِ هَمرَه، شِمِرِه غارت کانَن. اوشانه محکومیت که پیشتَر تعیین هَبا با، بیکار نَنیشتِه و اوشانه نابودی‌ نُخاتِه!

یهودائه نامه 1:11

وای بِحالِ اوشان، چون همون راهی رِه بَشَن که قائن بَشَه با، و خودِشانِه منفعتِ خاطری، بَلعامِ غلطِ راهِ دِلِه دَکِتَن و قورَحِ شورشِ دِلهِ هَلاک هَبان.