فیلیپیان 4:1 - گیله ماز

¹ پَس، می اَداشان که شِمِرِه دوس دارِم و شیمی بَدییَنِ وَسین مُشتاقِم، اِی شُما که می خُشحالی و تاجِ سَرین، اِی عزیزان، اینجوری خُداوَندِ دِلِه قایم بییَسید.

کتاب مقدس به زبان مازندرانی - گویش غربی

¹ پَس، می بِرارِن گه شِمارِ دوس دارمِه و شِمِه بَئینی سِه مِشتاقمِه، اِی شِما گه می خِشالی و تاجِ سَرِنی، اِی عزیزِن، هَینجوری خِداوندی دِلِه قائِم هِرِسین.

کتاب مقدس به زبان مازندرانی - گویش شرقی

¹ پَس، مِ بِرارون که شِما ره دوس دارمه و شِمه بَدیئِنِ وِسه مشتاقِمه، ای شِما که مِ خِشالی و مِ سَرِ تاجِنی، ای عزیزون، این طی خِداوندِ دِله قایم ایست هاکانین.

فیلیپیان 4:1 Cross References

اِنجیلِ مَتّی 10:22

تمام مَردُم می اِسمِ خاطِری شیمی جی بیزار بونَن. وَلی هَر کَس تا آخَر دَوام بیارِه و بُمانه، نِجات گیرنِه.

اِنجیلِ یوحنا 8:31

ایما عیسی یَهودیانی که اونه ایمان بیارد بان رِه باَگوته: «اَگه می کلامِ دِلِه بُمانید، راس راسی می شاگِردان بونید.

اعمال رَسولان 11:23

وَختِی بَرنابا اوجِه بَرِسیِه و خُدایِ فیضِ بَدییِه، خوشحال هَبا و هَمِه رِه تَشویق هَکردِه تا تمام دِلِ هَمرهَ خُداوَند وفادار هَبون،

اعمال رَسولان 14:22

اون شَهرانِ دِلِه شاگِردانِ جانِ قُوَّت هَدَن، اوشانِه تشویق کِانِه بان خودِشانِه ایمانِ دِلِه بُمانَن و نَصیحَت کِانِه بان که «بایسّی خِیلی مصیبَتا رِه تَحمِل هَکنیم تا خُدایِ پادشاهی یه دِلِه بیشیم.»

اعمال رَسولان 2:42

اوشان خودِشان رِه وَقف تَعلیم بِیتَن رَسولانِ جی و دیگَر ایماندارانِ هَمرهَ مُشارکت و نان پارِه هَکُردَن و دُعا هَکُردَن.

رومی ایشون 2:7

خُدا اَبدی زندگی رِه اوشانی رِه دَنِه که صبر همره خُجیرِ کارهایی اَنجام هَدَئَنِ دِلِه، جَلال و حرمت و اَبدی زِندگی یه دُمّال دَرِن؛

اوّلین نامِه قُرنتیانی سِه 15:58

پَس، می عزیزِ اَداشان، پابرجا و پایدار هَبین، هَمَش خُداوندِ کار بیشتَر و بیشتر انجام هَدین، چون دانین شِیمی زحمت خُداوندِ دِلِه بیخُدی نیِه.

اوّلین نامِه قُرنتیانی سِه 16:13

هوشیار هَبین؛ ایمان دِلِه پایدار بُمانید؛ جوانمرد و رَسدار هَبین.

دوّمین نامه قرنتیانِ وَسین 1:14

هَمونجور که شما تا حَدّی اَمَرِه بِشناسییَین، تا اَمِی خداوند عیسی یه روزِ دِلِه شما اَمَرِه فَخر هَکونید، همونجور که اَما شِمِرِه فَخر کانیم.

غَلاطیان 5:1

آزادی یه وَسین با که مَسیح اَمَرِه آزاد هَکُردِه؛ پَس قائِم بییَسید و یِدَفه دیگه نوکری یه گاجمه رِه شیمی گَردَن نَنین.

فیلیپیان 1:27

فقط شیمی جی خَنَم که شِیمی رفتار مسیحِ اِنجیلِ لایق هَبو.، اونجور که چه بییَم و شِمِرِه بَینَم و چه نییَم، شیمی جی بِشنُئَم که ایتا روحِ دِلِه پابرجا هیسین و ایتا فِکرِ همره اِنجیلِ ایمانِ وَسین، دوش به دوش ِهَم تَقَّلا کانید،

فیلیپیان 1:8

چون خُدا می گَواهِ که چطور اون احساساتِ همره که مسیحْ عیسی جی سرچشمِه گیرنِه، شُما هَمه یه مُشتاقم.

فیلیپیان 2:16

زندگی یه کَلامِ قائم بِدارین، تا مسیحِ وَگَرِسَّنِ روزِ دِلِه، افتخار هَکونَم که بیخُدی دُو نَکوردَم و بیخُدی زحمت نَکِشییَم.

فیلیپیان 2:26

چون اون مُشتاقِ شُما هَمِه رِه بِینه و اینه خاطِری که بِشنَوِسّه بِین ناخوش با، پَریشانِ.

کولُسیان 4:12

اِپافْراس، که خودِش شیمی جی و عیسیِ مسیحِ خادِمِ، شِمِرِه سلام داره. اون هَمَش دُعایِ دِلِه خُدایِ جی خَنِه که شُما اون آدمانِ مِثان که بالغ و خاطرجَم هیسین، پابرجا بُمانید، و خُدایِ اِراده یه جی کامِلاً اطاعت هَکُنید.

اوّل تِسالونیکیان 3:13

و شِیمی دِلِ پایدار هَکونه، تا اون موقِه که اَمیِ خُداوند عیسی تمامِ خودِشِه مُقدَّسین هَمرَه هَنهِ، اَمیِ خُدا، آسمانی پیَرِ حضور بی عیب و مُقدّس هَبین.

دوّم تِسالونیکیان 2:15

پَس، اِی اَداشان، قائم بییَسید و اون تعلیمایی که چه اَمیِ گَبانِ هَمرَه چه اَمیِ نامِه های هَمرَه شِمِرِه بِسپارِسّیم رِه بَچِسبین.

دوم تیموتائوس 2:1

پَس تو می وَچِه، اون فیضِ هَمرَه که مسیحْ عیسی یِه دِلِه دَرِه قوی هَبو،

نامِه مَسیحینی عبرانی نِژادی سِه 10:23

بیئین بدونِ اینکه شَک هَکُنیم، اون اُمیدی که اونِه اعتراف هَکوردیم رِه قایِم بَچِسبیم، چون اونیکه وَعدِه هَدَه وفادارِ.

نامِه مَسیحینی عبرانی نِژادی سِه 3:14

چون اَما مَسیح دِلِه شریک هَبَیم، اگه راس راسی اطمینانِی که از اَوّل داشتیم رِه تا آخَر قایم بِداریم.

نامِه مَسیحینی عبرانی نِژادی سِه 4:14

اوجِه یه جی که اَما ایتا گَتِه کاهنِ اعظم داریم که آسِمانانِ سَمت جآر بَشَه، یَعنی عیسی، خُدایِ ریکا، بیئین اَمی ایمانِ اعترافِ قایِم بِداریم.

پطرسی دِوّمین نامِه 3:17

پَس شُما اِی عَزیزِان، اَسِه که اینه دانید، مُواظب هَبین نَکُنِه بی‌دینِانِ نادرِس راهِ دِلهِ گُمراه هَبین، و شیمی تَحَمُلِ از دَس هَدین،