فیلیپیان 2:3 - گیله ماز

³ هیچ کاری رِه خُدخواهی و چِش و هَم چِشمی سَر نَکُنین، بلکه فروتنی یه هَمرَه بَقیِه رِه شیمی جی بِهتَر بِدانید.

کتاب مقدس به زبان مازندرانی - گویش غربی

³ هیچ کاری رِه خِدخواهی و چِش و هَم چِشی ای سَر نَکِنین، بَلگی فروتنی ای هَمرا بَقیِه رِه شیجا بِهتَر دِنّین.

کتاب مقدس به زبان مازندرانی - گویش شرقی

³ هیچ کاری ره خودخواهی و چِش و هم چِشیِ سَر نَکِنین، بلکه فروتنیِ هِمراه بَقیه ره شه جِم بِهتَر بَدونین.

فیلیپیان 2:3 Cross References

لوقا 18:14

شِمِره گونَم این مَردَای بَخشیدِه هَبا و خودشه سِرِه بَشَه، وَلی اون فَریسی نه، چون هر کی خودِش رهِ گَته هَکونه، کوچِک بونه، هَر کی خودِش رهِ فروتَن هَکونه، سَر بلَن بونه.»

رومی ایشون 12:10

اَداش مِثان همدیگر محبت هَکُنید، اِحتِرام بُگذاشتَنِ دِلهِ، همدیگَرِ جی پِیش دَکِین.

رومی ایشون 13:13

بیئِین جوری رفتار هَکُنیم که اوشانیکه روزِ روشِنایی یه دِلِه دَرِنِ لایق هَبو، نه عیاشی و مَسی یه دِلِه، نه زَنا و هوس بازی یه دِلِه، نه دَعوا مُرافِه و حَسودی یه دِلِه.

رومی ایشون 2:8

وَلی اوشانِ وَسین که خُد خواهَن وحَقیقَتِ جی اطاعت نُکانَن، وناراسّی یه دُمّال شونَن، غیظ و غضبِ داره.

اوّلین نامِه قُرنتیانی سِه 15:9

چون مَن رسولانِ میَن کوچیکترینِم، و یِذَره هم لایِق نییَم که خدای رَسول دُخوانده هَبوُم، چونکه خُدایِ کِلیسا رِه آزار دَنِه بام.

اوّلین نامِه قُرنتیانی سِه 3:3

چونکه هَلَه هوا وهَوَس دُمّال دَرین. وَختی شِیمی میَن حَسودی و دعوا دَرِه، مَگِه این نِشان نَدَنه که هوا وهوس دُمّال دَرین و ایتا بقیه آدَمان مِثان رفتار کانین؟

دوّمین نامه قرنتیانِ وَسین 12:20

چون اونه جی تَرسِنَم که شِیمی وَرجه بییَم و شِمِره اونجور که اِنتِظار دارمِ، نَینَم، و شُما هَم مَرِه جوریکه اِنتِظار دارِین، نَینین. اونه جی تَرسِنَم شِیمی میَن دعوا مُرافِه، حَسودی، غیظ، دشمنی، تُهمَت، غیبت، غرور و هرکی هرکی بِینَم.

غَلاطیان 5:15

ولی اگه چنگ و دندان هَمرَه همدیگَرِ جان دَکین، مُواظب هَبین که هَمدیگرِ دَسِّ هَمره از بیِن نَشین.

غَلاطیان 5:26

بیخدی مغرور نَبیم و هَمدیگَر خشمِ جآر بیاردَنِ جی و هَمدیگَرِ حَسودی هَکُردَنِ جی دَس بَکِشیم.

اِفِسُسیان 4:2

تمام فروتَنی و ملایمتِ همره؛ وَ صبر و مُحبتِ دِلِه هَمدِیگرِ تحمل هَکُنید.

اِفِسُسیان 5:21

مَسیح حُرمَتِ خاطِری، هَمدِیگَرِ جی اطاعت هَکُنید.

فیلیپیان 2:14

هر کاری رِه بدون غُرغُر و جر و بحث اَنجام هَدین،

کولُسیان 3:12

پَس ایتا خُدایِ اِنتخاب هَبوسِّه قومِ مثان که مُقَدَّس و عَزیزِن، دِلسوزی، مِهرَبانی، فروتنی، مُلایمت و صَبرِ لِواسِ دَکُنین.

کولُسیان 3:8

وَلی اَسه بایسّی تمام ایشان رِه شیمی جی دور هَکونید.، یَعنی غیظ، غضب، بدخواهی، تُهمت و بَدِ گَب که شیمی دَهنِ جی دِرگا هَنه.

اول تیموتائوس 6:4

اونه غرور بِیته و هیچی نِفَهمِنِه. اینجور آدمِ، جنگ و جدال و دعوا مرافه کَلماتِ سَر داره، که اونه جی حَسودی و دعوا و توهین و بَد گَمانِی وَرِسِنِه،

اول پِطرُس 3:8

سرآخر، شما هَمِه، همفِکر و یِکدِل و اَداش دوس و دِلسوز و فروتن هَبین.

اول پِطرُس 5:5

همینجور شُما هم اِی جَوانان، مشایخِ جی اطاعت هَکُنید. شُما همه شیمی رفتارِ دِلِه همدیگَرِ هَمرَه فروتنی رِه شیمی کَمَر دَبِدید، چون، «خُدا مغرورِانِ پِیش ایسَنِه، وَلی فروتَنان رِه فیض بَخشِنِه.»