فیلیپیان 2:13 - گیله ماز

¹³ چون خُدائه که شیمی دِلِه خودِشِه راضی هَکُردَنِ وَسین کار کانه، هم اِراده یه دِلِه، هم عملِ دِلِه.

کتاب مقدس به زبان مازندرانی - گویش غربی

¹³ چون خِدائه گه شِمِه دِلِه شی راضی ووئنی سِه کار کِنِّه، هَم اِراده ای دِلِه، هَم عملی دِلِه

کتاب مقدس به زبان مازندرانی - گویش شرقی

¹³ چوون خِدائه که شِمه دِله، شه راضی بییَنِ وِسه کار کانده، هم ارادهِ دِله هم عمِلِ دِله.

فیلیپیان 2:13 Cross References

لوقا 12:32

«اِی کوچِ گَلِّه، نَتِرسین، چونکه شِیمی آسِمانی پیَرِ خُشحالی اینه که پادشاهی رِه شِمِره هَدِه.

لوقا 2:14

«جَلال خُدا رِه آسِمانِ عَرشِ دِلِه، وَ صُلح و سَلامتی اوشانه وَسین که خُدا زَمینِ سَر اوشانه جی راضیِه!»

اِنجیلِ یوحنا 3:27

یَحیی اونه جَواب باَگوته: «آدَمی نَتَّنِه چیزی بِدَس بیارِه، مَگِه اینکه خُدایِ طَرفِ جی اونه هَدَه هَبا بو.

اِنجیلِ یوحنا 6:45

پِیغَمبَرانِ بَنویشته دِلِه بوما که ”همه خُدایِ جی تَعلیم گیرنَن.“ پَس هر کی خُدایِ جی بِشنَوِسِّه بو و اونه جی تَعلیم بِیتِه بو می وَرجه هَنه.

اِنجیلِ یوحنا 6:65

وَ باَگوته: «اینِه وَسین شِمِره باگوتَم هیچکَس نَتَّنِه می وَرجه بیه، بِجز اینکه آسمانی پیَرِ طرف جی اونه هَدَه هَبا بو.»

اعمال رَسولان 11:21

خداوَندِ دَس هَم اوشانِ هَمرهَ دَبا و خِیلیان ایمان بیاردِن و خداوَندِ مُلحَق هَبان.

رومی ایشون 12:3

چون اون فیضِ طریقِ جی که مَرِه هَدِه هَبا، شُما هر کدامِ گونَم که اونچه یه جی که هیسین شِمِرِه بیشتَر نِدانین، بلکه اون ایمان قَدَر که خُدا هَر کُدام از شِمِره هَدَه، دُرُس قضاوت هَکُنید.

رومی ایشون 9:11

هر چَن پیش از اونکه اوشان دُنیا بیئَن و خُجیرِ کار یا بَدِ کارهَکونَن، اینه وَسینِ که خُدایِ هدف خودِشِه اِنتِخابِ دِلِه پابرجا بُمانِه، نه اعمالِ راهِ جی، بلکه اونه طریقِ جی که خودِشِه وَر دُخواندِنِه.

رومی ایشون 9:16

پس آدَمی یه خواسِّه یا تَقَّلا رِه ربطی نِداره، بلکه خُدایی رِه مربوطِ که رَحم کانه.

اوّلین نامِه قُرنتیانی سِه 12:6

جورواجورِ کار دَرِه، وَلی همون خُدائه که اَما همه رِه همه چی یه دِلِه قوَّت دَنِه.

اوّلین نامِه قُرنتیانی سِه 15:10

وَلی اونیکه الان دینین هیسَم خُدایِ فیضِ خاطری یه، و اونه فیض می وَسین بی فایده نَبا. برعکس، مَن تمام اوشانه جی سخت تر کار هَکُردَم، ولی من نَبام، بلکِه خُدایِ فیض خاطری با که می هَمرَه دَرِه.

دوّمین نامه قرنتیانِ وَسین 3:5

نه اونکِه خودِمان لیاقت داریم که اِدّعا هَکُنیم یِچّی اَمی دَس بَر هَنِه، بلکِه اَمی لیاقت خُدایِ جییه.

اِفِسُسیان 1:11

اَما اونه دِلِه وارِثان هَبَیم. چون طبقِ اونه خواسِّه که هَمِه چیرِه طِبقِ خودِشِه اِراده انجام دَنِه، پیشتر انتخاب هَبَبِیم.

اِفِسُسیان 1:5

اون خودِشِه خُجیرِ خواسّ و اِرادِه یه هَمرَه، اَمَرِه پیشتر خودِشِه فرزند خواندگی یه وَسین تعیین هَکُردِه، تا عیسی مسیحِ طریقِ جی خُدایِ ریکاشان هَبیم،

اِفِسُسیان 1:9

اون خودِشِه اِراده یه راز رِه اَمَرِه بِشناساندِه، طبقِ خودِشِه خُجیرِ خواسِّ هَمرَه که مَسیح دِلِه ظاهِر هَکُردِه

اِفِسُسیان 2:8

چون فیضِ همره و ایمانِ راهِ جی نِجات بِیتین. وَ این شیمی جی نیِه؛ بَلکه خدایِ هَدیِه هیسه،

دوّم تِسالونیکیان 1:11

اینِه وَسین، اَما هَمَش دَریم شِمِرِه دُعا کانیم تا اَمیِ خُدا شِمِره خودشه اون دعوَتِ وَسین که دُخوانِسِّه هَبَین لایق بِدانه و خودشه قُوّتِ هَمرَه هر خُجیرِ نیّت و هر کاری که ایمان جی سرچشمه گیرنِه رِه، انجام هَدِه.

دوم تیموتائوس 1:9

خُدا اَمَره نِجات هَدَه و اَمَره مُقَدَّس زندگی یه وَسین دُخوانِسِّه، اینه نه اَمیِ کارانِ خاطری، بلکه خودِشه هدف و فیضِ وَسین هَکوردِه، فیضی که مسیحْ عیسی یِه دِلِه از اَزل اَمَرِه هَدَه هَبا با،

نامِه مَسیحینی عبرانی نِژادی سِه 13:21

همون خُدا شِمِره هر خُجیرِ چی یه هَمرَه مُجهز هَکونه، تا اونه ارادِه رِه بِجا بیارین. تا اونچه که خُدا رِه راضی کانه عیسی مَسیح طریق اَمی دِلِه انجام بَرِسانِه، همون عیسیِ مسیح که تا اَبد و تا اَبد اونه جلال هَبوه. آمین.

اول پِطرُس 1:3

مُبارک هَبو خُدا و اَمیِ خُداوند عیسی مَسیح پیَر که خودشه گَتِه رَحمَت جی، عیسی مسیحِ زندهِ هَبُوسَّنِ طریق مُردِگان جی، اَمَرِه زندهِ اُمیدِ وَسین ایتا تازه تولُّد هَدَه،