فیلیپیان 1:9 - گیله ماز

⁹ و می دُعا اینه که شِیمی مُحبت بیشتر و بیشتر هَبو و معرفت و فهم کاملِ هَمرَه هَبو،

کتاب مقدس به زبان مازندرانی - گویش غربی

⁹ و می دِعا هَینِه گه شِمِه مِحبت ویشتَر و ویشتَر بَوو، معرفت و فهم کاملی هَمرا ووئِه،

کتاب مقدس به زبان مازندرانی - گویش شرقی

⁹ مِ دعا اینِ که شِمه مِحَبَّت ویشتر و ویشتر بَووه و معرفت و فَهمِ کاملِ هِمراه بوئه،

فیلیپیان 1:9 Cross References

اوّلین نامِه قُرنتیانی سِه 14:20

اِی اَداشان، فکر هَکُردَن دِلِه وَچِه هانِ مثان نَبین، بلکه بَدی هَکُردَن دِلِه وَچِه هانِ مثان هَبین. و فکر هَکُردَنِ دِلِه گَتِه آدم هَبین.

دوّمین نامه قرنتیانِ وَسین 8:7

ولی همونجور که هَمِه چی یه دِلهِ سَرتَرین- ایمان دِلِه، گَب بَزَئن دِلِه، معرفتِ دِلِه، کامِلِ غیرَتِ دِلِه، و شیمی محَبَت دِلِه نسبت به اَما- پس این کارِ خیرِ دِلِه هم همه یه جی سَرتَر هَبین.

اِفِسُسیان 5:17

پَس نادان نَبین، بلکه بِفَهمین که خُداوندِ اراده چیِه.

کولُسیان 1:9

اینه وَسین، اَما هم از اون روز که اینه بِشنَوِسّیم، شیمی دُعا هَکُردَنِ جی دَس نَکِشییَیم، بلکه یِکسَرِه خُدایِ جی خَنیم که شُما اونه اِراده یه بِشناختَنِ همرَه، هر حکمت و روحانی فهمِ دِلِه پُرهَبین؛

کولُسیان 3:10

وَ نُو آدمِ لِواسِ دَکُردین، که حقیقی معرفتِ دِلِه هر لحظه تازه بونِه تا خودِشِه خالقِ مثان دَربیِه.

اوّل تِسالونیکیان 3:12

وَ هَمونجور که اَمی مُحبت شِمِره بیشتر بونه، خداوند شیمی مُحبتِ، هَمدِیگر و تمام مَردُم وَسین زیاد و سرمشت هَکونه.

اوّل تِسالونیکیان 4:1

سَرآخر پس، اِی اَداشان، شما اَمی جی یاد بِیتین که چطور زندگی هَکونید تا خُدا رِه خوشحال هَکونید هَمینجورم که انجام دَنید. اَسِه خُداوند عیسی یِه دِلهِ شیمی جی خَنیم و اِلتماس کانیم هرچه بیشتر اینه باره تَقلّا هکونید.

دوّم تِسالونیکیان 1:3

اِی اَداشان، اَما همش بایسّی خُدا رِه شِیمی خاطِری شُکر هَکُنیم، دَرخور هم هَمینه، چون شیمی ایمان هر چی بیشتر رشد کانه هر کُدام از شِیمی مُحبَت همدیگَر بیشتر بونه.

فیلیمون 1:6

و دُعا کانَم که تی ایمان شریک هَبوسَّن کُمک هَکونه که مسیحِ خاطری هر خُجیرِ چی یه بارِه که اَمیی دِلِه دَرِه، ایتا کامِلِ شناختِ ثمر بیارِه.

نامِه مَسیحینی عبرانی نِژادی سِه 5:14

وَلی سنگینِ غذا گَتِه آدمانِ وَسینِ، اوشانه وَسین که خودِشانِه قوه یه تشخیص رِه زیادی تمرین هَمرَه، جوری تربیت هَکُردَن کِه بَتِنِّن بَد و خوبِ تَشخیص هَدَن.

اول پِطرُس 1:22

اَسِه که حَیقَتِ اِطاعت هَکُردَنِ هَمرَه شیمی جانِ پاک هَکُردَین تا بی ریا اَداشِ مُحبت بِدارین، همدیگَرِ خالِص و پاکِ دِلِ هَمرَه دوس بِدارین.

پطرسی دِوّمین نامِه 3:18

بلکه اَمیِ خُداوند و نِجات دَهَنده مَسیح ِعیسی فیض و بِشناسیَن دِلهِ رشد هَکُنید، که اونه اَز اَلآن تا اَبد جلال هَبو! آمین.