ፒሊጲሲዮሴ ኣሳስ 2:14 - Geeshsha Maxaafa

¹⁴ Ay miishshika zuuzunththinne palamay baynda ooththite.

ጋሞ ማጻፋ

¹⁴ ኣይ ሚሺካ ዙዙንኔ ፓላማይ ባይንዳ ኦቴ።

ፒሊጲሲዮሴ ኣሳስ 2:14 Cross References

ዬ ማጻፋ 106:25

Istti bantta Dunkaaneza giddon zuuzumidanne GODAA qaalas azazettontta ixxida.

ሌሚሶ ማጻፋ 13:10

Otoroy oosh yelees; aadho erateththi gidikko zore ekkizayta matan dees.

ታይቦ ማጻፋ 14:27

«Hayti iita asati ayde gakkanaas ta bolla zuuzumanee? Ha zuuzumettiza Isra7eele asay ta bolla zuuzumettishin ta siyadis.

Maatosa 20:11

Miishshaa ekkishe qanxxizaade bolla, ‹Hayti wurseththan ooson gelidi issi saate xalla ooththidayti kumeththa gallas ooson daaburdinne awan xuugettidi pe7ida nuussinne isttas wostta issi gina qanxxay?› gida.

ማርቆሳ ሚሺራቾ 14:5

«Shittozi bayzettidaakko heedzdzu xeetu dinaareppe bollara bayzettidi manqotas imettenneeshin!» giidi maccassayokka kadhida.

ማርቆሳ ሚሺራቾ 9:14

Geedon attida Yesusa kaallizaytakko istti simmi yishin daro asay istta giddoththiin Muse wogaa tamaarsizayti isttara palamettizayssa be7ida.

ሉቃሳ ሚሺራቾ 5:30

Farsaawetinne istta Xaafeti, «Qaraxa qanxxisizaytaranne nagaranchchatara issife aazas meetii?» giidi Yesusa kaallizayta bolla zuuzumettida.

ሃዋሬታ ኦሶ 15:2

Hessika Phawuloosanne Barnabaasa gita palamaninne ooshsha giddo gelththides; hessa gishshas Phawuloosinne Barnabaasi hara issi issi ammaniza asatara Yerusalaame kezidi ha yo7oza gishshas cimatanne Hawaareta oychchana mala geetettides.

ሃዋሬታ ኦሶ 15:39

Histtiin daro palamay istta giddon medhettida gishshas ba giddon shaaketti wodhdhida; hessa gishshas Barnabaasi Marqoosa ekkidi markaben gelidi Qophiroose bides.

ሃዋሬታ ኦሶ 15:7

Daro palamappe guye Phexroosi dendi eqqidi, «Ta ishatoo! Guuththa wodeppe kase Xoossi tana intte giddofe dooridi Ayzaabeti ta doonappe mishiraachcho qaala siyidi ammanana mala ooththidayssa intte ereeta.

ሃዋሬታ ኦሶ 6:1

Ammanizayta qooday dari dari biza wode Girike biittafe yida Ayhuda asati Yuhudan diza Ayhuda asaa guyera zigirettida; gaasoykka ubba wode miza kath gishashe am7eta wudettontta aggida gishshassa.

ኦሮሜ ኣሳስ 12:18

Inttes dandayettiko intte intte baggara as ubbaara saron diite.

ኦሮሜ ኣሳስ 14:1

Intte garsan ammanon buro minnonttaade shiishshi ekkite attiin iza qofaa bolla pirdofte.

ኦሮሜ ኣሳስ 16:17

Ta ishatoo! Asa garsan shaaketeth medhdhizaytappenne intte tamaarda timirtaa ekkontta ixon inttes dhuphe gidiza asatappe intte naagettite.

1ቆሮንቶሴ ኣሳስ 10:10

Istta garsafe issi issi asati zuuzumidi dhayssiza bosha kiitanchchan dhaydayssaththo intteka dhayontta mala zuuzumopite.

2ቆሮንቶሴ ኣሳስ 12:20

Tani hee biza wode oonee erizay intte ta koyida mala hanontta aggiko tanikka intte koyza mala gidontta dashe gaagettaneesha gaada hirgays; hessaththoka intte giddon ooshshi, qanaateteththi, hanqoy, zuppeteththi, asa sunth iisoy, zigirsi, otoreteththinne kachchi duus aggenna gaada hirgays.

ጋላቲያ ኣሳስ 5:15

Gido attiin intte issoy issaara saxettizayta gidikko intte intte garsan wurontta mala naagettite.

ጋላቲያ ኣሳስ 5:26

Nuni issoy issaa iitas denththeththishenne qanaatettishe coo mela ceeqettizayssa ane aggoos.

ፒሊጲሲዮሴ ኣሳስ 2:3

As ubbaa inttefe bollara xeellite attiin intterkka inttena doson woykko go7ay baynda galata ekkanaas issi miishshika ooththofte.

1ታሶሎንቄ ኣሳስ 5:13

Istta ooso gishshassika istta siiqora lo7eththi bonchchite; intte intte giddon saron diite.

1ታሶሎንቄ ኣሳስ 5:15

Oonaska iita gishshas iita zaarontta mala naagettite; gido attiin intte intte giddon gidiin hara asara gidiin ubba wode lo7o gidizayssa ooththanaas baaxetite.

Ibirawe 12:14

Asi ubbara saro daana mala inttes dandayettizayssa ubbaa ooththite; geeyana mala koyite; geeshshateththi baynda Godaa beyanaas dandayettenna.

ያቆቤ ኪታ 1:20

Asa hanqoy Xoossa xilloteth ooththenna.

ያቆቤ ኪታ 3:14

Qasse camonne qanaatey, inttena xalla dosiza hanoy intte wozinan dizaa gidikko otoreteththi inttes siyettofo; tumaakka kaddofte.

ያቆቤ ኪታ 5:9

Ta ishatoo! Intte intte giddon zigirettofte; intte zigirettiko intte bolla pirdettana; pirdanaadey hekko intte penge bolla eqqides.

1ጴጽሮሳ ኪታ 3:11

Iita yo7oppe haakko, lo7o ooththo; saroteth koyonne kaallo.

1ጴጽሮሳ ኪታ 4:9

Zuuzunththi baynda issoy issaa imaththateth mokki ekkite.

ዩሁዳ ኪታ 1:16

Heyti he asati ubba wode zuuzumettizaytanne ay miishshankka ufayetti eronttayta; istti ba iita amo kaallizayta; istta doonan otoreteththa qaalay kumides; baas ba go7a koyishe as aadasheettes.