ፒሊጲሲዮሴ ኣሳስ 2:13 - Geeshsha Maxaafa

¹³ Xoossi inttes azazeteth immishe ba qofaa wurseth gakkanaas intte giddon ooththees.

ጋሞ ማጻፋ

¹³ ጾሲ ኢንቴስ ኣዛዜቴ ኢሚሼ ባ ቆፋ ዉርሴ ጋካናስ ኢንቴ ጊዶን ኦስ።

Gamo Geesha Maxxafa New Testamen

¹³ Xoossi intes azazetth immishe ba qofa wursieth gakanas inte gidon oothes.

ፒሊጲሲዮሴ ኣሳስ 2:13 Cross References

1ካዎታ ማጻፋ 8:58

Nuni iza ogeta ubbaan hemettana malanne izi nu aawatas immida azazota, wogatanne maarata naagana mala nu wozinaa baakko zaaro.

2ታሪኬ ማጻፋ 30:12

Kawozinne iza shuumeti GODAA qaalay gida mala azazidayssa Yuhuda asay issi wozinan azazettana mala Xoossa kushey Yuhuda asaa bolla dees.

ኢዝራ ማጻፋ 1:1

Qiroosi Paarise deren kawotida koyro layth Xoossay Qiroosa ayana denththeththidi izi ba kawoteththa ubbaan awajja awajjidinne he awajjaa xaafi woththana mala ooththides; hessika haniday kase nabe Ermaasa baggara Xoossi yootida qaalay polettana malassa.

ኢዝራ ማጻፋ 1:5

Hessafe guye Yuhudanne Biniyaame zereththata daannati, qeeseti, Lewetinne Xoossay wozina denththeththida asay wuri simmi baanaassinne Yerusalaamen diza Xoossa Keeththa zaari keexxana giigetti dendida.

ኢዝራ ማጻፋ 7:27

Izray, «Yerusalaamen diza Xoossa Keeththay hayssaththo bonchchettana mala kawoza eeno histtida GODAA nu aawata Xoossi galatetto.

ናሂሚያ ማጻፋ 2:4

Kawozi tana, «Histtiin ha7i ne koyzay aazee?» gi oychchides; tanikka Salo Xoossaako woossidaappe guye,

ኢዮቤ ማጻፋ 33:29

«Hekko! Xoossi hayssa ubbaa miishsha asas zaari zaari ooththees.

ዬ ማጻፋ 110:3

Neni ne morkketara olettiza gallas ne olanchchati ba shenen ne millen eqqana; wontta maalado awa mala geeshshateththan phoollashe ne naateteththa asay neekko yaana.

ዬ ማጻፋ 119:36

Ta wozina bessontta go7as gidontta ne maara polana mala zaara.

ዬ ማጻፋ 141:4

Mooro ooththiza asatara iita ooso ooththontta mala ta wozina iitakko zaaroppa; istta gibiraakka tana mizoppa.

ሌሚሶ ማጻፋ 21:1

Kawo wozinay GODAA kushen dees; izi iza wozinaa goggiza haaththa mala ba dosidaso zaarees.

ኢሳያሳ ቲንቢቴ 26:12

Abeet GODAWU! Neni nuus saroteth yoch ooththadasa; nu ooso ubbaa neni ooththadasa.

ኤርማሳ ቲንቢቴ 31:33

«Gido attiin tani GODAY he wodeppe guye Isra7eele deraara ta caaqettana caaqoy hayssa; tani ta woga istta wozinan xaafa woththana; tanikka isttas Xoossa gidana; isttika ta dere gidana.

ኤርማሳ ቲንቢቴ 32:38

Istti ta dere gidana; tanikka istta Xoos gidana.

ሉቃሳ ሚሺራቾ 12:32

«Intteno guuththa wude mehe mala gididaytoo! Kawoteth inttes immanaas intte Aawaas lo7o qofa gidida gishshas babbofte.

ሉቃሳ ሚሺራቾ 2:14

«Bolla salon Xoossas bonchchoy gido; saroteththika biitta bollan izi dosiza asaa ubbaas gido» gida.

ዮሃኒሳ ሚሺራቾ 3:27

Yohannisikka isttas, «Oonaska Xoossafe imettontta dishin aykkoyka daana dandayenna.

ዮሃኒሳ ሚሺራቾ 6:45

Nabeta maxaafatan asay wuri Xoossafe tamaardaade gidana geetetti xaafettides. Hessa gishshas Aawappe siyidi tamaarda asi wuri taakko yaana.

ዮሃኒሳ ሚሺራቾ 6:65

Kaaleththidikka Yesusi, «Aawaa sheney baynda taakko haa yaana dandayzaadey deenna gaada ta inttes yootiday hessassa» gides.

ሃዋሬታ ኦሶ 11:21

Godaa maadoykka isttara dees; qoodan keehi daro asay ammanidi Godaakko simmides.

ኦሮሜ ኣሳስ 12:3

Inttes Xoossi immida ammano mala intterkka inttena paacci xeellite attiin ha7i dizayssafe bollara inttena dhoqqisi xeellontta mala tani taas imettida Xoossa kiyateththan inttena issaa issaa zorays.

ኦሮሜ ኣሳስ 9:11

Mentteti yelettidi buro iita woykko lo7o ooththontta dishin Xoossa qofay minnana mala,

ኦሮሜ ኣሳስ 9:16

Hessa gishshas asi koyida mala gidontta woykko asa daaburan gidontta Xoossi maarida mala hanees.

1ቆሮንቶሴ ኣሳስ 12:6

Dumma dumma ooso ogeti diikkoka wursika ooththizay issi Xoossaa.

1ቆሮንቶሴ ኣሳስ 15:10

Gido attiin Xoossa kiyateththan ha7i ta hananayssa hanadis; taaska imettida Xoossa kiyateththi hada gidibeenna; tani oonappeka bollara daro minna ooththadis. Gido attiin hessa ooththiday tana gidontta Xoossa aadho kiyateth.

2ቆሮንቶሴ ኣሳስ 3:5

Nuna hessas gaththiday Xoossafe attiin nuni nu wolqqan ooththidos giza miishshi issoyka deenna.

ኤፌሶኔ ኣሳስ 1:11

Wursika ba shene mala ooththiza iza shenen koyrokka izi qoppi woththidayti nuni izan doorettidos.

ኤፌሶኔ ኣሳስ 1:5

Yesus Kirstoosa baggara nu iza naa gidana mala ba lo7o qofaan koyro ubbaa woththides.

ኤፌሶኔ ኣሳስ 1:9

Xoossi qoppida ba xuura qofaa Kirstoosa baggara ba lo7o qofaa mala nuna erisides.

ኤፌሶኔ ኣሳስ 2:8

Intte Xoossa kiyateththan ammanon attideta; hessika Xoossi inttes mela coo immidazaappe attiin intte oosoppe gidenna.

2ታሶሎንቄ ኣሳስ 1:11

Nu hessa qoppishe nu Xoossi inttena ba xeyssaas gidizayta histti qoodana mala intte lo7o ooththanaas amottiza amozanne ammanon intte ooththida oosoza ubbaa izi inttes ba wolqqan polana mala nu inttes ubba wode woossoos.

2ጺምቶሳስ 1:9

Nu aykkoka ooththida gishshas gidontta dishin ba qofaa malanne ba kiyateththaa mala nuna ashshidessinne nuna baas dummasidi xeygides. He iza kiyateththi mernaa wodeppe kase Yesus Kirstoosa baggara nuus imettides.

Ibirawe 13:21

intte iza shene polana mala lo7eteththan inttena gixiso; Xoossa ufayssizayssa Yesus Kirstoosa baggara nunan ooththo; izas mernaappe mernaas bonchchoy gido. Amiin.

1ጴጽሮሳ ኪታ 1:3

Yesus Kirstoosi hayqoppe dendida gishshas nuus de7o gidida hidota immidayssi ba gita maaroteththan nuna baas ooraththa nayta histtida nu Godaa Yesus Kirstoosa Aaway Xoossi galatetto.